Ngewa syĩ Mbivilianĩ itonya kũũtethya:

• Sav 78:​40, 41; 106:​36-46—O na kau Aisilaeli nĩmamũvĩtĩisye Yeova na mamũũmĩsya mũno mavinda maingĩ, nĩwamaekeie ĩngĩ na ĩngĩ

• Luk 15:​11-32—Yesũ nĩwatũmĩie ngelekanyʼo ya ĩthe wĩ tei, ũla waekeie mwana wake eelila, kwonanyʼa ũndũ Yeova ũekeaa

Ngewa syĩ Mbivilianĩ itonya kũũtethya:

• Avl 9:​22-28—Mũtũmwa Vaulo nĩwaeleisye kana no kwa mũsingi wa nthakame ya Klĩsto tũtonya kũekewa naĩ sitũ

• Ũvu 7:​9, 10, 14, 15—Mũtũmwa Yoana nĩwoonie woninĩ “ĩkomano ĩnene” ya andũ maĩ atheu mbee wa Ngai kwĩsĩla nthakame ĩla Klĩsto wetĩkisye

Ngewa syĩ Mbivilianĩ itonya kũũtethya:

• Yovu 42:​7-10—Yeova atanamba kũmũvetangĩa Yovu mathĩna make na kũmũvosya na kũmũtũngĩa malĩ yake, nĩwamũkũlilye ambe kũvoyea ala aũme atatũ maneenete maũndũ mathũku ĩũlũ wake

• Mt 18:​21-35—Yesũ nĩwanenganie ngelekanyʼo ĩkwonanyʼa kana no nginya tũekee angĩ ethĩwa nĩtũkwenda Yeova atũekee

Ngewa syĩ Mbivilianĩ itonya kũũtethya:

• Sav 32:​1-5; 51:​1, 2, 16, 17—Mũsumbĩ Ndaviti nĩweewʼaa atũlĩkĩte ngoo mũno nũndũ wa naĩ ngito ila weekĩte na nĩweelilile kuma ngoonĩ

• Yak 5:​14-16—Yakovo nĩwaeleisye kana yĩla tweeka naĩ ngito, nĩtwaĩlĩte kwona atumĩa

Ngewa syĩ Mbivilianĩ itonya kũũtethya:

• 1Asu 21:​27-29; 2Mav 18:​18-22, 33, 34; 19:​1, 2—Yĩla Mũsumbĩ Aavu wataviwʼe ũsilĩlo wa Yeova, nĩweenyivisye na Yeova amwĩwʼĩa tei; ĩndĩ nĩwoonanisye kana ndeelilĩte kuma ngoonĩ, na nũndũ wa ũu Yeova aendeea o kũmwona ta mũndũ mũthũku na amũaa

• 2Mav 33:​1-16—Mũsumbĩ Manase aĩ mũthũku mũno; ĩndĩ Yeova nĩwamũekeie nũndũ nĩweelilile. Manase nĩwoonanisye kana nĩwaalyũkĩte vyũ yĩla weekĩie kĩthito kingĩ amine ũthaithi wa mĩvwʼanano na atũngĩĩa ũthaithi wa wʼo

Ngewa yĩ Mbivilianĩ ĩtonya kũũtethya:

• 2Sa 12:13; 24:1; 1Asu 9:​4, 5—O na kau Ndaviti nĩweekĩte naĩ ngito mũno, nĩweelilile na Yeova amũekea, na ĩtina Yeova amũwetete ta mũndũũme mũĩkĩĩku

Ngewa syĩ Mbivilianĩ itonya kũũtethya:

• Mt 26:​36, 40, 41—Aatĩĩi ma Yesũ ala ma vakuvĩ vyũ nĩmakomie ĩvindanĩ yĩla wendaa vyũ kũtwʼĩĩkwa nĩmo; ĩndĩ o na vailye ũu nĩwaeleiwe kana maĩ anou

• Mt 26:​69-75; Luk 24:​33, 34; Mek 2:​37-41—Vetelo nĩwamũkaĩie Yesũ mavinda atatũ, ĩndĩ Klĩsto nĩwamũekeie nũndũ nĩweelilile; o na ĩtina wa kũthayũũka nĩwamumĩlĩĩile e weka na ĩtina amũnenga ianda sya mwanya kĩkundinĩ

Ngewa syĩ Mbivilianĩ itonya kũũtethya:

• Mt 23:​29-33—Yesũ nĩwakanisye aandĩki na Avalisi na amatavya kana makekwʼa Ngienanĩ, kana kwa ndeto ingĩ, makaanangwa vyũ

•  Yoa 17:12; Mko 14:21—Yesũ eetie Yutasi “mwana wa wanangĩko,” na asya kana nĩ kavaa keka mũvũnyanĩi ũsu ndaasyawa