Wĩa
Wĩa ũkonanĩtye ata na kwĩthĩwa na ũtanu?
Mũta 2:24; 3:13, 22; Isa 65:22
Kũtethasya wĩa nesa na twĩ na ũtũĩka kũtonya kũtũtethya ata?
Nth 22:29
-
Ngewa syĩ Mbivilianĩ itonya kũũtethya:
-
1Sa 16:16-23—Ndaviti e wa mũika, nĩwamanyĩkie mũno nũndũ wa kũkũna wathi nesa, na ũtũĩka ũsu wake nĩwatumie mũsumbĩ wa Isilaeli amwĩta kwake nĩ kana amũkũnĩae wathi ausye
-
2Mav 2:13, 14—Nũndũ Ulamu aĩ mũtwii wa syũma wĩ ũtũĩka mwingĩ, nĩwatũmĩiwe mũno nĩ Mũsumbĩ Solomoni wĩanĩ wa kwaka mwako mũnene
-
Athũkũmi ma Yeova mendaa kũmanyĩka ta atethya ma wĩa ma mũthemba mwaũ?
-
Ngewa syĩ Mbivilianĩ itonya kũũtethya:
-
Mwa 24:10-21—Leveka nĩwatetheeisye mũthũkũmi wa Avalaamu kũthonoka ũndũ wakũlĩtwʼe eke, na kĩu nĩkyonanasya kana nĩwendaa vyũ kũtetheesya na aĩ mũndũ mũka wĩ kĩthito
-
Avi 2:19-23—Mũtũmwa Vaulo nĩwamũnengie Timotheo kĩanda kĩito e wa mũika nũndũ Timotheo aĩ na wĩnyivyo na nĩweeyumĩtye vyũ kũthũkũma angĩ na kĩthito
-
Nĩkĩ athũkũmi ma Ngai matataa vyũ maikethĩwe me atulu?
Nth 13:4; 18:9; 21:25, 26; Mũta 10:18
-
Ngewa yĩ Mbivilianĩ ĩtonya kũũtethya:
-
Nth 6:6-11—Mũsumbĩ Solomoni nĩwatũmĩie ngelekanyʼo ya nditikũ kũmanyĩsya ũndũ wĩthĩawa wĩ ũndũ wa vata kũthũkũma na kĩthito na kwĩthĩwa tũte atulu
-
Nĩkĩ twaĩlĩte kũthũkũma na kĩthito nĩ kana twĩanĩsye mavata maitũ?
Nĩkĩ twaĩlĩte kũthũkũma na kĩthito nĩ kana tũsũvĩe andũ ma mũsyĩ ala mekwenda ũtethyo witũ?
-
Ngewa syĩ Mbivilianĩ itonya kũũtethya:
-
Lu 1:16, 17; 2:2, 3, 6, 7, 17, 18—Luthi, e mũndũ mũka wa mũika ndiwa, nĩwathũkũmaa na kĩthito nĩ kana eanĩsye mavata ma Naomi, inyia wa mũũme
-
Mt 15:4-9—Yesũ nĩwakanisye ala maasya kana memũthũkũma Ngai na maitũmĩa kĩu ta kĩtumi kya kũlea kũsũvĩa asyai moo
-
Aklĩsto maĩlĩte kwĩthĩwa meyũmbanĩtye kwĩka ata yĩla mathũkũma na kĩthito na makwata mosyao maseo?
Twaĩlĩte kwĩthĩwa na woni mwaũ ĩũlũ wa mbesa ila tũkwataa yĩla twathũkũma?
Nth 30:8; 2Th 3:12; 1Ti 6:6-10; Avl 13:5
Twĩsĩ ata kana Yeova nĩwendaa kũtũtetheesya tũthũkũme nesa na tũianĩsya mavata maitũ?
Mt 6:25, 30-32; Luk 11:2, 3; 2Ko 9:10
-
Ngewa syĩ Mbivilianĩ itonya kũũtethya:
-
Mwa 31:3-13—Yakovo aĩ mũthũkũmi na mũthoni wa Lavani, ĩndĩ Lavani amũkuaa naĩ. O na vailye ũu, Yeova nĩwoonie kĩthito kya Yakovo na amũathima
-
Mwa 39:1-6, 20-23—Yeova nĩwaathimie wĩa wa Yosevu yĩla wathũkũmaa ta ngombo kwa Votivali na yĩla waĩ yela
-
Nĩkĩ wĩa ũla tũthũkũmaa ũtaĩlĩte kwĩthĩwa wĩ wa vata kwĩ ũthũkũmi witũ kwa Ngai?
Sav 39:5-7; Mt 6:33; Yoa 6:27
-
Ngewa syĩ Mbivilianĩ itonya kũũtethya:
-
Luk 12:15-21—Yesũ nĩwatũmĩie ngelekanyʼo kũmanyĩsya kana nĩ ũndũ wa ũtumanu kwonaa syĩndũ sya kĩ-mwĩĩ syĩ sya vata kwĩ ngwatanĩo yitũ na Yeova
-
1Ti 6:17-19—Mũtũmwa Vaulo nĩwakanisye Aklĩsto ala athwii mevathane na ngathĩĩo, na amekĩa vinya “methĩwe athwii mekonĩ maseo”
-
Nĩ myolooto yĩva yaĩle kũtũtongoesya yĩla tũũnyuva twĩthũkũma wĩa wĩva?
-
Kuma 20:4; Mek 15:29; Aev 4:28; Ũvu 21:8—Wʼo wĩa ũla ngũtethya no ũtume nĩlikya imanyĩonĩ imwe Ngai ũmenete?
-
Kuma 21:22-24; Isa 2:4; 1Ko 6:9, 10; 2Ko 7:1—Wʼo wĩa ũsu no ũtetheesye kana ũkathangaasya angĩ kwĩka maũndũ amwe Ngai ũmenete, na ũu ũituma o nakwa nĩtalwa mavĩtyo?
-
Alo 13:1-7; Tit 3:1, 2—Wʼo wĩa ũsu no ũtume nĩtũla mĩao ĩmwe ya silikalĩ?
-
2Ko 6:14-16; Ũvu 18:2, 4—Wʼo wĩa ũsu no ũtume nĩlika kana ngakwata mbau ũthaithi wa ũvũngũ?
Kũmũthũkũma Yeova
Nĩ wĩa wĩva ũla wa vata vyũ Aklĩsto matonya kũtethya?
Nĩkĩ twĩthĩawa na wendi mwingĩ wa kwĩka kyonthe kĩla tũtonya ũthũkũminĩ wa Yeova?
Luk 13:24; Alo 12:11; 1Ko 15:58; Avl 6:10-12
O na ĩngĩ sisya 1Ti 3:1
Nĩkĩ tũtaĩle kwĩkwatasya andũ methĩwe na ũtonyi wĩanene ũthũkũminĩ wa Yeova?
-
Ngewa syĩ Mbivilianĩ itonya kũũtethya:
-
Mt 25:14, 15—Yesũ nĩwanenganie ngelekanyʼo ĩkwonanyʼa kana ndekwatasya aatĩĩi make methĩwe na ũtonyi wĩanene
-
Luk 21:2-4—Yesũ nĩwoonanisye kana nĩwendeeiwʼe nĩ mũvothi mũnini wa ũla mũndũ mũka ndiwa waĩ ngya
-
Tumasya va vinya wa kũtethya wĩa ũla Yeova ũtũnengete twĩ athũkũmi make?
2Ko 4:7; Aev 3:20, 21; Avi 4:13
-
Ngewa yĩ Mbivilianĩ ĩtonya kũũtethya:
-
2Ti 4:17—Mũtũmwa Vaulo nĩwaeleisye kana nĩwakwataa vinya ũla wendaa yĩla weethĩwa na vata wa kwĩkĩwa vinya
-
Nĩkĩ kũtethya wĩa na kĩthito ũthũkũminĩ wa Yeova kũetae ũtanu?
Sav 40:8; Yoa 13:17; Yak 1:25
O na ĩngĩ sisya Mt 25:23
No Wendeewʼe Nĩ Ii
MŨSYAĨĨSYA
Kũthũkũma Wĩa Mũmũ—nĩ Ũndũ Wavĩtiwe nĩ Ĩvinda?
Andũ amwe mesilasya kana maitonya kũthũkũma wĩa mũmũ. Ĩndĩ andũ aingĩ nĩmaũtanĩaa. Nĩ kyaũ kĩmatetheesye kũtanĩaa wĩa woo?
MŨSYAĨĨSYA
“Mwana Wakwa Mwendwa wĩ Kĩthito Nthĩnĩ wa Mwĩaĩi”
Nĩ kyaũ kyamũtetheeisye Timotheo aeka kwĩthĩwa e nthoni na atw’ĩka mũsyaĩĩsya wa kĩkundi kya Kĩklĩsto?
ĨTHĨWA NA MŨĨKĨĨO TA WOO
Luthi—“Mũndũ Mũka Mwaĩlu”
Nĩkĩ mũtwaano wa Luthi na Mboasi waĩ wa mwanya mũno? Luthi na Naomi nĩ ngelekany’o nzeo kwa mĩsyĩ ata?
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.
