Makũlyo Atano ma Vata Ĩũlũ wa Vala Thayũ Waumie
Soma ĩũlũ wa ũkunĩkĩli ũla ũneenewe kavukunĩ kaa, na ĩndĩ ũyĩtw’ĩĩa syĩndũ syeekie kwĩyumĩlya-ĩ, kana syeekie kũmbwa.
Ũtwi wĩ Vinya Mũmanyĩw’a Waĩle Kwĩka
Ala mamanyĩĩtw’e ĩũlũ wa wũmbi methĩawa na ũtwi wĩ vinya wa kwĩka yĩla mamanyĩw’a sukulu kana syĩndũ syeekie kwĩyumĩlya.
ĨKŨLYO YA 1
W’o Thayũ Wambĩĩie Ata?
Kũmanya ũsungĩo wa ĩkũlyo yĩu no kũtume wĩthĩwa na woni mũseo ĩũlũ wa thayũ.
ĨKŨLYO YA 2
Ve Kĩndũ o na Kĩmwe kĩ Thayũ Kyaĩle Kũvũthĩĩw’a?
Nĩ kana ũmanyĩsyo wa kana syĩndũ syeekie kwĩyumĩlya ũtw’ĩke nĩ wa w’o, nĩwaĩle kũelesya nesa ũndũ cell ya mbee yeeyumĩlilye.
ĨKŨLYO YA 3
W’o Ũvoo Ũla wĩ Nthĩnĩ wa DNA Waumie Va?
Andũ ala masomeete maũndũ makonetye syĩndũ ila syĩ thayũ nĩmakuĩte myaka mingĩ mayĩmanyĩsya kĩla kĩtumaa andũ matutany’a, na ũvoo mwingĩ ũla wĩthĩawa nthĩnĩ wa kalungu ka kũsengy’a ketawa DNA.
ĨKŨLYO YA 4
W’o Thayũ W’onthe Waumie Vandũ Vamwe?
Charles Darwin na ala maĩ na mũĩkĩĩo ta wake mamanyĩisye kana mĩthemba yonthe ya syũmbe yaumie vandũ vamwe. Ĩndĩ ũu nĩ w’o?
ĨKŨLYO YA 5
Nĩ Ũndũ Wosanĩte na Kĩlĩko Kũĩkĩĩa Mbivilia?
Kaingĩ andũ mawetaa maũndũ ala me Mbivilianĩ kwa nzĩa ĩkũtuma yoneka ĩtosanĩte na kĩlĩko, ĩtosanĩte na saenzi, kana yĩ ya ũvũngũ vyũ. W’o nĩ ũndũ ũtonyeka ĩkethĩwa yĩkaa kũwetwa naĩ?
Vala Ũvoo Wumĩtw’e
Kĩlungu kĩĩ nĩ kya mavuku na makaseti ala matũmĩiwe kũandĩka ũvoo ũla wĩ kavukunĩ kaa.
