Mamilioni ma Syũmbe sya Kĩveva
Mbivilia ĩtwĩaa kana kwĩ andũ aingĩ ma kĩveva. Yeova we mwene nĩ veva.—Yoana 4:24; 2 Akolintho 3:17, 18.
Ĩvinda yĩmwe Yeova aĩ weka nthĩnĩ wa wĩkalo w’onthe ũla wĩ kw’o. Nĩvo ĩndĩ wambĩlĩĩlye kũmba andũ ma kĩveva metawa alaĩka. Mo me vinya mwingĩ na kĩlĩko kingĩ kũkĩla andũ ma kĩmwĩĩ. Yeova oombie alaĩka aingĩ; Ndanieli mũthũkũmi wa Ngai, nthĩnĩ wa woni ũmwe, oonie alaĩka milioni ĩana yĩmwe.—Ndanieli 7:10; Aevelania 1:7.
Alaĩka asu moombiwe nĩ Ngai o na atanamba kũmba nthĩ. (Yovu 38:4-7) Vaiĩ o na ũmwe katĩ woo waaĩthwa e mũndũ akĩkala ĩũlũ wa nthĩ ĩvinda yĩmwe na kũkw’ĩĩa vo.
Ũla Veva mũnene, Yeova, oombie mamilioni ma andũ ma kĩveva
No Wendeewʼe Nĩ Ii
MOMANYĨSYO MA VATA MA MBIVILIA
We Ngai E Ĩsyĩtwa?
Ngai e masyĩtwa maingĩ ma ũnene ta, Mwene Vinya W’onthe, Mũmbi, na Mwĩaĩi. Ĩndĩ ĩsyĩtwa ya Ngai mwene nĩyĩtũmĩĩtwe Mbivilianĩ mavinda mbee wa 7,000.
