NGEWA YA 4
Ũsyao Waĩ Mwaũ—Kũmwĩthukĩĩsya Satani?
Atamu na Eva mayaamwĩw’a Ngai, kwoou makw’a. Mwambĩlĩlyo 3:6, 23
Eva nĩweethukĩĩsye nzoka na aya ũsyao wa mũtĩ. Ĩtina, anenga Atamu ũsyao ũmwe, na aya.
Ũndũ meekie ndwaĩle—yaĩ naĩ. Ngai nĩwamalũngilye mauma valatisonĩ.
Mwĩkalĩle woo na wa syana syoo weethĩiwe wĩ mũmũ. Nĩmakũie na makw’a. Mayaatw’ĩka syumbe sya kĩveva; nĩmathelile kana meethĩwa mate vo.
Akw’ũ mai thayũ no ũndũ ũmwe na kĩtoo. Mwambĩlĩlyo 3:19
Tũkusaa nũndũ twĩ ũsyao wa Atamu na Eva. Akw’ũ maitonya kwona kana kwĩw’a kana kwĩka ũndũ o na wĩva.—Mũtavan’ya 9:5, 10.
Ndwaĩ mũvango wa Yeova andũ makusae. O mĩtũkĩ akathayũũkya ala akw’ũ. Ethĩwa makamwĩthukĩĩsya, makekala tene na tene.
No Wendeewʼe Nĩ Ii
MOMANYĨSYO MA VATA MA MBIVILIA
Kwĩthĩawa Ata Ĩla Mũndũ Wakw’a?
Mbivilia nĩyathanĩte ĩvinda ala makwie makathayũũkw’a o tondũ Lasalo wathayũũkiw’e.
MOMANYĨSYO MA VATA MA MBIVILIA
Nĩkĩ Ngai Ũekete Mathĩna Maendeee?
Andũ aingĩ nĩmekũlasya nĩkĩ nthĩ yusĩe kĩmena na mathĩna. Mbivilia nĩnenganĩte ũsũngĩo mũseo ũtonya kũtũkiakisya.
