Библиер куууэ дджын щхьэкІэ, дэ псоми зэман пыухыкІа гуэрщ диІэр. Дапхуэдэу а зэманыр нэхъыфІу къызэрыдгъэсэбэп хъунур? Япэрауэ, дыпІэщІэн хуейкъым. ПсынщІэу куэд зэуэ уеджэ нэхърэ, мащІэу, ауэ нэхъ куууэ уеджэмэ нэхъыфІщ.

ЕтІуанэрауэ, уи дежкІэ сытым нэхъ мыхьэнэ иІэми зэхэгъэкІ (Еф. 5:15, 16). АбыкІэ сэбэп къыпхуэхъуну чэнджэщхэр:

• Библием махуэ къэс еджэ (Пс. 1:2). Абы щхьэкІэ «Ди гъащІэмрэ лэжьыгъэ лъапІэмрэ» жыхуиІэ дызэрылажьэ тхылъым ит графикыр къэбгъэсэбэп хъунущ.

• Библиер щызэпкърахкІэ жыджэру ухэтыфын щхьэкІэ, «ХъумакІуэ чэщанэм» ит статьяхэмрэ тхьэмахуэм и кІуэцІым екІуэкІ зэІущІэхэмрэ фІыуэ зыхуэгъэхьэзыр (Пс. 22:22).

• Зэман уиІэу щытмэ, нэгъуэщІ публикациехэри бломыгъэкІ, псалъэм папщІэ, ягуэшын щхьэкІэ къыдагъэкІ журналхэр, видеохэр, абы нэмыщІ jw.org сайтым ит статьяхэр.

• Бджыну узыхуей темэр къыхэхи, ар куууэ зэпкърых. Псалъэм папщІэ, уэ нэхъыбэ къэпщІэну ухуейщ гугъуехь гуэрым узэрыпэлъэщыным, упщІэ гуэрым и жэуапыр къызэрыбгъуэтыным е Библием ит гуэр нэхъыфІу къызэрыбгурыІуэным теухуауэ. АбыкІэ къыбдэІэпыкъуну чэнджэщыфІхэр jw.org сайтым ит «Библейские задания» жыхуиІэ Іыхьэм къыщыбгъуэтыфынущ.