ЩІэдзапІэ 37:23—28; 39:17—23 къеджи, къащІэ Исуф сыт хуэдэ лей къытрагъэхьауэ щытами.

Контекстым итым егупсыс. Сыт Исуф лей къыщІытрагъэхьар? (ЩІэдз. 37:3—11; 39:1, 6—10). Ар куэдрэ екІуэкІа? (ЩІэдз. 37:2; 41:46). А зэман гугъум Иеговэ Исуф сыт хуищІар икІи сыт хуимыщІар? (ЩІэдз. 39:2, 21; w23.01 17, абз. 13).

Куууэ зэпкърых. Библием иткъым Потифар и щхьэгъусэм пцІы къытрилъхьэхэм Исуф жэуап иритыжу щытауэ. Притчи 20:2, Иуан 21:25, Апостолхэм 21:37 итыр дапхуэдэу къызэрыддэІэпыкъур къыкІэлъыкІуэ упщІэхэм дегупсысыну: «Исуф и щхьэ къыщхьэщыжу сыт зыри щІыжимыІар? А Іуэхугъуэм теухуауэ Библием нэгъэсауэ къиІуэтэжын хуейуэ дегупсысын щІыхуэмейр сыт?» Дауэ феплърэ, сыт хуэдэ хьэл-щэнхэр Исуф къыдэІэпыкъуа лей къызэрытрагъэхьэр ишэчыну? (Мих. 7:7; Лк. 14:11; Екъуб 1:2, 3).

Дерсхэр. ЗэупщІыж:

• «Хьисэ и лъэужь сызэритым щхьэкІэ сыт хуэдэ гугъуехь сыпэщІэхуэнкІэ хъуну?» (Лк. 21:12, 16, 17; Евр. 10:33, 34).

• «Хьисэ и лъэужь сызэрырикІуэм щхьэкІэ гъэунэхуапІэ сызыпэщІэхуэнкІэ хъунухэм дапхуэдэу иджыпсту щыщІэдзауэ зыхуэзгъэхьэзыр зэрыхъунур?»(Пс. 62:7, 8; 105:17—19; w19.07 2—7).