2018 ГЪЭМ, щІышылэм и 24-м, бэрэжьей пщэдджыжьым Америкэмрэ Канадэмрэ щыІэ вефиль унагъуэхэм мыхьэнэшхуэ зиІэ объявление щащІащ: ди къуэш Ке́ннет Кук Иеговэ и Щыхьэтхэм я УнафэщІ гупым щыщ хъуащ.

Ди къуэш Кук Америкэм щыІэ Пенсильва́ние штатым къыщалъхуащ икІи абы къыщыхъуащ. Школыр къыщиухым къыдеджэ щІалэм пэжыр къыжриІащ икІи 1980 гъэм, мэкъуауэгъуэм и 7-м абы псым зыщІигъэуащ. 1982 гъэм, фокІадэм и 1-м ди къуэш Кук пионеру лажьэу щІидзащ, илъэситІ дэкІа иужь 1984 гъэм, жэпуэгъуэм и 12-м Уо́лкилл (штат Нью-Йорк) щыІэ Вефилым щылажьэу щІидзащ.

КъыкІэлъыкІуэ илъэс 25-м ди къуэш Кук тхылъ тедзапІэмрэ Вефилым и бюромрэ лэжьыгъэ зэмылІэужьыгъуэхэр щигъэзэщІащ. 1996 гъэм абы Джейми къишащ, икІи ахэр зэгъусэу Уолкилл щыІэ Вефилым щылэжьащ. 2009 гъэм, дыгъэгъазэм Кеннетрэ Джеймирэ Па́ттерсон (штат Нью-Йорк) щыІэ «Учебный центр Сторожевой Башни» жыхуиІэм ягъэкІуащ. Ар письмохэм елэжь отделым ягъакІуэри, абы лэжьэн щыщІидзащ. 2016 гъэм, мэлыжьыхьым зэщхьэгъусэхэм зэман кІэщІкІэ Уолкилл ягъэзэжащ, иужькІэ ахэр Бру́клин (Нью-Йорк) ягъэкІуащ. Мазитху дэкІа иужь ахэр Уо́рвик (штат Нью-Йорк) щыІэ дунейпсо Іуэху зехьэпІэм Іэпхъуащ. 2017 гъэм, щІышылэм ди къуэш Кук УнафэщІ гупым тхыгъэхэр къыдэзыгъэкІ и комитетым и дэІэпыкъуэгъу ящІащ.