«Путеводитель по публикациям Свидетелей Иеговы» жыхуиІэр Библиер нэхъ куууэ дджыну къыддоІэпыкъу. Псалъэм папщІэ, абы и фІыгъэкІэ едзыгъуэм зи гугъу ищІ Іуэхугъуэр къыщыхъуа зэманым теухуауэ нэхъыбэ къыдощІэ, а едзыгъуэр щІатхам и щхьэусыгъуэр къыдгуроІуэ, ар зытепсэлъыхь цІыхур нэхъыфІу къыдоцІыху икІи псалъэ гуэрым е псалъэухам къикІым щыгъуазэ дохъу.

«Онлайн-библиотека Сторожевой башни» жыхуаІэми JW Library^® приложениеми «Путеводитель по публикациям» жыхуиІэр къызэІупхын щхьэкІэ, Библием ит езы едзыгъуэм тепкъузэ хъунущ. Абы ухуэзышэ ссылкэхэр уэ къипха сыт хуэдэ Библиеми экраным и ижьырабгъу лъэныкъуэмкІэ къыщыбгъуэтыфынущ. (А ссылкэхэр иджыри къызэІупхыфынущ, экраным и ижьырабгъу лъэныкъуэмкІэ ищІагъым тет налмэс цІыкІум тепкъузэмэ.)

А ссылкэхэм ущеплъкІэ ахэр къыщыдэкІам гу лъытэ. Ищхьэм къридзэр иужь дыдэу къыдэкІа статьяхэращ. ИщІагъым укъехыурэ нэхъ жьыуэ къыдэкІа статьяхэм урихьэлІэнущ; ахэр къызэрыдэкІ лъандэрэ едзыгъуэхэр къызэрыдгурыІуэм зихъуэжауэ къыщІэкІынкІэ хъунущ.

• «Онлайн-библиотека Сторожевой башни» жыхуаІэм уихьа иужь, «Путеводитель по публикациям» жыхуиІэм ухуэзышэ ссылкэхэр езыр-езыру къредзэ.

• «Путеводитель по публикациям» жыхуиІэм и ссылкэхэр JW Library приложением къызэІуихын щхьэкІэ, ар езы приложением къыщихын хуейщ. «Путеводитель по публикациям» жыхуиІэр зэман-зэманкІэрэ щІэрыщІэу къипхыну зыщомыгъэгъупщэ. Ар зэрыпщІ хъуну кнопкэр, Библием и псалъащхьэ гуэр бджын щхьэкІэ къызэІупха иужь, экраным и ижьырабгъу лъэныкъуэмкІэ ищхьэм деж къыщыбгъуэтыфынущ.