Зэи уздэщымыІа щІыпІэ гуэрым укІуэну мурад пщІатэмэ, сытыт уэ пщІэнур?

1. 1. Уэ езым пэжу къэплъытэ гъуэгумкІэ укІуэнут.

2. 2. «Мобыхэм гъуэгур нэхъыфІу яцІыху хъунщ» жыпІэу нэгъуэщІ цІыхухэм я ужь уиувэнут.

3. 3. Навигатор, картэ къэбгъэсэбэпынут е гъуэгур фІыуэ зыцІыху, дзыхь зыхуэпщІ уи ныбжьэгъур зыдэбгъэІэпыкъунут.

Япэ ІэмалитІыр къыхэпхмэ, уэ, дауикІ, зы щІыпІэ гуэрым унэсынущ, ауэ уздэкІуэну узыхуеям унэсынрэ унэмысынрэ упщІэшхуэщ. Ещанэ Іэмалыр къыхэпхмэ-щэ? Уэ, шэч хэмылъу, уи мурадыр къохъулІэнущ.

Мы щапхъэр ди гъащІэми хуэпхь хъунущ. Дэтхэнэ зы цІыхуми насыпым ухуэзышэ гъуэгур къигъуэтыну хуейщ. Ауэ ар къэдгъуэтынрэ къэдмыгъуэтынрэ и нэхъыбэм зэлъытар унафэ къатщтэхэр зытегъэщІаращ.

Унафэ къатщтэхэм я нэхъыбэм апхуэдэуи мыхьэнэ яІэкъым. Ауэ языныкъуэ унафэхэм дэ ди гъащІэри фІыуэ тлъагъухэм я гъащІэри яхъуэжыфынущ — е фІыкІэ, е ІейкІэ. Мис апхуэдэ унафэхэр къыщытщтэм деж, абы къегъэлъагъуэ дэ сытыр фІыуэ, сытыр Іейуэ къэтлъытэми. А унафэхэр гъащІэм и мыпхуэдэ лъэныкъуэхэм пыщІауэ щытыфынущ:

• сексымрэ нэчыхьымрэ;

• лэжьыгъэмрэ ахъшэмрэ;

• сабий гъэсэным;

• нэгъуэщІхэм дазэрыхущытым.

Дэри ди унагъуэм щыщхэми ди гъащІэр фІыкІэ зыхъуэжыфын унафэхэр дауэ къызэрытщтэнур?

Дэтхэнэ зыри дызэупщІыжын хуейщ: унафэ къасщтэхэр фІырэ Іейрэ щызэхэзгъэкІкІэ сыт сэ дэІэпыкъуэгъу сщІынур?

Мы журналым къыдгурегъаІуэ фІымрэ Іеймрэ щызэхэдгъэкІкІэ Библием дзыхь щІыхуэпщІ хъунур икІи унафэ тэмэм къэтщтэну ар сэбэп къызэрытхуэхъунур.