9-нэ урок

Алыхьым хуэлажьэхэр къабзэу щытын хуейщ

Сыт хуэдэ лъэныкъуэкІи сыт дэ къабзэу дыщІыщытын хуейр? (1)

Сыт къикІыр къабзэу ущытыным духовнэу? (2) нравственнэу? (3) гупсысэкІэ? (4) физическэу? (5)

Сыт хуэдэ бзэ фІей зызыщытхъумэн хуейр? (6)

1. Алыхь Иеговэ къабзэщ икІи щихъщ. Ар щогугъ абы хуэлажьэхэр духовнэу, нравственнэу, гупсысэкІэ, физическэу къабзэу щытыну (1 Петр 1:16, СБ). Дэ Алыхьым дежкІэ къабзэу дыщытыну дыхуеймэ, къаруушхуэ етхьэлІэн хуейщ абы. Дэ дыщыпсэу дунейр фІейщ. ИкІи дэ дыпэщІэувэн хуей мэхъур Іейм хущІэкъуу еса ди хьэл-щэнхэм. Ауэ дэ дыкъикІуэт хъунукъым.

2. Духовнэ къабзагъ. Дэ Иеговэ дыхуэлэжьэну дыхуеймэ, дгъэзащІэ хъунукъым дин нэпцІым зыхуригъаджэхэмрэ и хабзэхэмрэ. Дэ дыкъыхэкІын хуейщ дин нэпцІым икІи ар зыкІи дэтІыгъ хъунукъым (2 Коринф 6:14—18; Апокалипсис 18:4). Алыхьым теухуауэ пэжыр къэтщІа иужькІэ, пцІым хуезыгъаджэ цІыхухэм дыкъамыгъэпцІэн щхьэкІэ, дысакъын хуейщ (2 Иуан 10, 11).

3. Нравственнэ къабзагъ. Иеговэ хуейщ и лэжьакІуэхэр сытым дежи Хьисэ пэжу и гъуэгу ирикІуэхэм хуэдэу щытыну (1 Петр 2:12). Абы дэ тщІэ псори елъагъу, уеблэмэ Іуэхугъуэ  щэхухэри (Еврейхэм 4:13). Дэ зыщытхъумэн хуейщ зинэ́ щІэным, е хьэл-щэн Іейуэ мы дунейм щызекІуэхэм (1 Коринф 6:9—11).

4. Гупсысэ къабзагъ. Дэ ди щхьэр гупсысэ къабзэкІэ дгъэнщІмэ, ди хьэл-щэнри къабзэ хъунущ (Филиппи 4:8). Ауэ Іуэхугъуэ фІейхэм дыкъытеувыІэмэ, абы кърикІуэнури Іейщ (Матфей 15:18—20). Дэ зыщытхъумэн хуейщ ди гупсысэкІэм ІейкІэ зэран хуэхъун нэгузегъэужьыныгъэхэм. Алыхьым и Псалъэр дджымэ, дэ гупсысэ къабзэкІэ ди щхьэр тхуэгъэнщІынущ.

5. Физическэ къабзагъ. Алыхьым и гъэлъэгъуакІуэу зэрыщытым къыхэкІкІэ, Хьисэ и гъуэгу ирикІуэхэр я щхьэкІи я щыгъынкІи къабзэу щытын хуейщ. Іэр тхьэщІын хуейщ псыунэ нэужьым, дышхэн ипэкІэ е дыпщэфІэн ипэкІэ. Унэм канализацэ имыІэмэ, уи фІейр щІэтІэн хуейщ (5 Мусэ 23:12, 13). Къабзэу ущытмэ, нэхъ узыншэу ущытынущ. Хьисэ и гъуэгу ирикІуэхэм я унэр и кІуэцІкІи, и щІыбкІи гуакІуэу, къабзэу щытын хуейщ. Ар къабзагъкІэ адрей унэхэм къахэщу щытын хуейщ.

6. Бзэ къабзагъ. Алыхьым и лэжьакІуэхэм сытым дежи пэжыр жаІэн хуейщ. ПцІыупсхэр ДунеищІэм ихьэнукъым (Ефес 4:25; Апокалипсис 21:8). Хьисэ и гъуэгу ирикІуэхэм псалъэ фІей жаІэкъым. Ахэр едаІуэкъым икІи жаІэжкъым гушыІэ фІейхэр е емыкІу зыхэлъ хъыбархэр. Я псэлъэкІэ къабзэмкІэ ахэр къахощхьэхукІ я лэжьапІэм, еджапІэм, я щІыпІэм щыІэ цІыхухэм (Ефес 4:29, 31; 5:3).

[Сурэтхэр, 18-нэ, 19-нэ напэкІуэцІхэр]

Алыхьым хуэлажьэхэр сыткІи къабзэу щытын хуейщ.