14-нэ урок

Иеговэ и Щыхьэтхэм я организацэр зэрыухуар

Дэпщэщ къыщежьар Иеговэ и Щыхьэтхэм я иджырей тхыдэр? (1)

Дауэ Иеговэ и Щыхьэтхэм я зэхуэсхэр зэрекІуэкІыр? (2)

А псом трагъэкІуадэ ахъшэр дэнэ къыздикІыр? (3)

Хэт зэІущІэм и Іуэхухэр зезыхьэр? (4)

Сыт хуэдэ зэхуэс инхэр гъэ къэс ирагъэкІуэкІрэ? (5)

Сыт хуэдэ лэжыгъэ щагъэзащІэрэ Іуэху зехьапІэ нэхъыщхьэмрэ филиалхэмрэ? (6)

1. Иеговэ и Щыхьэтхэм я иджырей тхыдэр 1870 гъэхэм щІидзащ. Нэхъапэм абыхэм зэреджэу щытар Библием и КъэхутакІуэхэущ. Ауэ 1931 гъэм Тхыгъэм тету къащтащ абыхэм Иеговэ и Щыхьэтхэ цІэр (Исай 43:10). Япэ щІыкІэ мащІэу къежьауэ щыта организацэм хэтщ иджыпсту Щыхьэт мелуан бжыгъэхэр, хъыбарыфІыр къэрал 230-м щІигъум щаІуатэу.

2. Иеговэ и Щыхьэтхэм я нэхъыбэ зэІущІэхэм тхьэмахуэм щэ зэхуэс щрагъэкІуэкІ. Абы я дэтхэнэ зэІущІэми хэт хуейми кърагъэблагъэ (Еврейхэм 10:24, 25). Нэхъыщхьэу яджыр Алыхьым и Псалъэращ. ЗэІущІэхэр щызэІуахкІи щызэхуащІыжкІи Тхьэм зыхуагъазэри йолъэІу. И нэхъыбэ зэІущІэхэм щыжаІэ гум къыбгъэдэкІ «Тхьэм... гум кърилъхьэ уэрэдхэр» (Ефес 5:18, 19). А зэІущІэхэм пщІэншэу ущІохьэ, ахъшэ лъэпкъи пІахкъым (Матфей 10:8).

3. И нэхъыбэ зэІущІэхэр щекІуэкІыр Пащтыхьыгъуэ Унэхэращ. Ахэр езы Иеговэ и Щыхьэтхэм ящыщхэм ящІыжа унэ къызэрыгуэкІщ. А унэхэм уэ щыплъагъунукъым тхьэнапи, жори е абыхэм хуэдэ нэгъуэщІ гуэри. А псом трагъэкІуадэр къызыхахыр я гум къыбгъэдэкІыу  ят ахъшэращ. Гум къыбгъэдэкІыу ахъшэ зытыну хуейхэм щхьэкІэ ашык цІыкІу щІэтщ (2 Коринф 9:7).

4. ЗэІущІэ къэс езым и нэхъыжь, е кІэлъыплъакІуэ иІэжщ. Абыхэм къащтэ зэІущІэр егъэджэнымкІэ къалэныр (1 Тимофей 3:1—7; 5:17). Абыхэм ядоІэпыкъу служебнэ дэІэпыкъуэгъухэр (1 Тимофей 3:8—10, 12, 13). Мы жыхуэтІа цІыхухэр зэІущІэм щыщ адрейхэм нэхърэ нэхъыщхьэкъым (2 Коринф 1:24). Абыхэм титул яІэкъым (Матфей 23:8—10). Зэрызахуапэри адрейхэм хуэдэущ. Я лэжьыгъэр пщІэншэущ зэрагъэзащІэр. Нэхъыжьхэр яфІэфІу якІэлъоплъ зэІущІэр духовнэ и лъэныкъуэкІэ зыхуэныкъуэм. Абыхэм уи гу бампІэр дахыфынущ, чэнджэщи къуатыфынущ гугъуехь гуэр ухуэза нэужь (Екъуб 5:14—16; 1 Петр 5:2, 3).

5. Абыхэм нэмыщІ Иеговэ и Щыхьэтхэм илъэс къэс ящІ зэхуэсышхуэхэр, нэгъуэщІу жыпІэмэ конгрессхэр. Абыхэм зэІущІэ куэд щызэхуос, Библием тету зэхэлъхьа программэ едэІуэн щхьэкІэ. Сытым дежи а конгрессхэм еджакІуэщІэхэр псым щІагъауэ. (Матфей 3:13—17; 28:19, 20)

6. Иеговэ и Щыхьэтхэм я дунейпсо Іуэху зехьэпІэр здэщыІэр Нью-Йоркщ. Абы щолажьэ УнафэщІ Гуп — Іуэхум нэхъыфІу хэзыщІыкІ нэхъыжьхэм я гуп, дуней псом щыІэ зэІущІэхэм кІэлъыплъхэр. Апхуэдэуи дуней псом щыІэщ филиалхэу 100-м щІигъу. Абыхэм, пщІэншэу, езыхэр хуейуэ щылажьэхэр ядоІэпыкъу библейскэ литературэр традзэу ар зэбгырашыжынымкІэ. ХъыбарыфІыр псоми зэхахынымкІэ егъэкІуэкІын хуей Іуэхугъуэхэм теухуа унафэхэри апхуэдэу къыздикІыр филиалхэращ. Сыт уигу иплъхьэ щІэмыхъуныр апхуэдэ зы нэхъ уи гъунэгъу филиалым уеплъыну укІуэну?