ЗэрышагъащІэхэр щІохъуэпс я насыпымрэ гуфІэгъуэмрэ зэи кІэ имыІэу псэуну. Абыхэм я гъащІэр апхуэдэу хъуфынущ. Илъэс куэд хъуауэ зэдэпсэууэ зи насыпыр зыхъумэжыфа унагъуэ куэд Иеговэ и лэжьакІуэхэм хэтщ. Абыхэм ар щІахузэфІэкІыр Библием ит принципхэр къагъэсэбэпри аращ.

1. Библием лІыхэм сыт хуэдэ чэнджэщ яритыр?

Унагъуэм и нэхъыжьу щытыну Иеговэ тригъэувар цІыхухъуращ. (Къеджэ Ефес 5:23.) Алыхьыр абы щогугъ унагъуэм щыщ дэтхэнэ зыми сэбэп хуэхъуну унафэхэр къищтэну. Библием лІыхэм мыпхуэдэ чэнджэщ ярет: «Дэтхэнэ лІыми и фызыр фІыуэ ирелъагъу» (Ефес 5:25). Сыт абы къикІыр? Лъагъуныгъэ зыхэлъ цІыхухъур и щхьэгъусэм сыт щыгъуи гуапэу хущытщ, абыхэм щазакъуэм дежи, цІыху щахэтым дежи. ЦІыхухъур хущІокъу и щхьэгъусэр зэрихъумэным, и гурыщІэхэм зэрыхуэсакъыным икІи зыхуей зэрыхуигъэзэным (1 Тимофей 5:8). Псом нэхъапэращи, цІыхухъур и щхьэгъусэм доІэпыкъу абырэ Иеговэрэ я зэхуаку зэхущытыкІэфІ дэлъыну (Маттэ 4:4). Псалъэм папщІэ, цІыхухъур и щхьэгъусэм и гъусэу Алыхьым йолъэІу икІи Библиер едж. ЛІыр и щхьэгъусэм лъагъуныгъэрэ гуапагърэ хэлъу щыхущытым деж, ар езыр Иеговэ нэхъ гъунэгъу хуохъу. (Къеджэ 1 Петр 3:7.)

2. Библием фызхэм сыт хуэдэ чэнджэщ яритыр?

Алыхьым и Псалъэм итщ: «Фызым и лІым щІыхь хурещІ» (Ефес 5:33). Дапхуэдэу мы чэнджэщыр цІыхубзым зэригъэзэщІэфынур? Ар хущІэкъу хъунущ и щхьэгъусэм хэлъ хьэл-щэныфІхэм гу зэрылъитэным, абы нэмыщІ езыми я сабийхэми къахуищІэ псом егупсыс хъунущ. Иджыри цІыхубзым и щхьэгъусэм пщІэ зэрыхуищІыр къигъэлъэгъуэфынущ и унафэхэр зэрыдиІыгъымкІэ. Абы нэмыщІ и лІыр Иеговэ и Щыхьэту щытми щымытми, цІыхубзыр и щхьэгъусэм щепсалъэкІэ гуапагъэ хэлъын хуейщ, нэгъуэщІхэм щепсалъэкІи абы ІейкІэ тепсэлъыхьын хуейкъым.

3. Зэщхьэгъусэхэм я нэчыхьыр дапхуэдэу нэхъ быдэ зэращІыфынур?

Библием зэщхьэгъусэхэм щхьэкІэ мыпхуэдэу щыжыІащ: «ТІури зыпкъ хъунущ» (Маттэ 19:5). Абы къокІ зэпэжыжьэ зыщІыфын псоми зэщхьэгъусэхэр пэщІэтын зэрыхуейр. Абы щхьэкІэ мыхьэнэшхуэ иІэщ абыхэм зэгъусэу зэман зэрагъэкІуэным икІи зыри зыщамыбзыщІу гуапагъэ хэлъу я гурыщІэхэмкІэ зэдэгуэшэным. ЗэлІзэфызхэм, Иеговэ нэмыщІ, я щхьэгъусэм ипэ зыри ирагъэщын хуейкъым, ар хэти е сыти ирехъу. Псом хуэмыдэу ахэр хуэсакъын хуейщ и щхьэгъусэу щымыт гуэрым зэрызыдрамыгъэхьэхыным.

 НЭХЪ КУУУЭ ХЭПЛЪЭ

4. ЦІыхухъухэ, фи щхьэгъусэхэр фІыуэ флъагъу икІи зыхуей хуэвгъазэ

5. ЦІыхубзхэ, фи щхьэгъусэхэр фІыуэ флъагъу икІи пщІэ хуэфщІ

Библием цІыхубзыр хуегъэуш и щхьэгъусэм пщІэ хуищІыну, ар Иеговэ хуэлажьэми хуэмылажьэми. 1 Петр 3:1, 2 итым къеджи мы упщІэхэм егупсыс:

• Уи щхьэгъусэм уи диныр къыбдимыІыгъыу щытмэ, уэ, дауикІ, ухуейщ ар Иеговэ и лэжьакІуэ хъуну. Апхуэдэм деж сыт нэхъыфІыр: увыІэгъуэ уимыІэу пэжымкІэ абы удэгуэшэныра, хьэмэрэ хьэл-щэныфІхэр бгъэлъагъуэу, пщІэ зэрыхуэпщІыр ебгъэлъэгъуныра? Сыт апхуэдэу къыщІэплъытэр?

Зэщхьэгъусэхэм зэгъусэу унафэхэр къащтэ хабзэщ. Ауэ и щхьэгъусэм къищта унафэм цІыхубзыр арэзы щытемыхъуэ къохъу. Апхуэдэм деж щабэу, пщІэ хэлъу цІыхубзым и еплъыкІэр  и щхьэгъусэм жриІэ хъунущ. Ауэ абы зыщигъэгъупщэн хуейкъым унафэ къищтэну Иеговэ зи пщэ дилъхьар цІыхухъурауэ зэрыщытыр. Абы къыхэкІкІэ цІыхубзыр хущІэкъун хуейщ и щхьэгъусэм къищта унафэр зэрыдиІыгъыным. Апхуэдэу ищІэмэ, унагъуэм мамырыгъэ, гупсэхугъуэ, хуабагъ илъынущ. 1 Петр 3:3—5 итым къеджи мы упщІэм егупсыс:

• Сыт Иеговэ зыхищІэр цІыхубзым и щхьэгъусэм пщІэ щыхуищІым деж?

6. Унагъуэм илъ гугъуехьхэм упэлъэщыфынущ

 КЪЭПЩЫТЭЖ

Зэщхьэгъусэхэр насыпыфІэу щытынущ зыр зым лъагъуныгъэрэ пщІэрэ хуагъэлъагъуэмэ икІи Библием ит принципхэр я гъащІэм къыщагъэсэбэпмэ.

Мы упщІэхэр зэгъусэу зэпкърыфх:

• Сыт цІыхухъум ищІэ хъунур, и унагъуэр насыпыфІэу щытын щхьэкІэ?

• Сыт цІыхубзым ищІэ хъунур, и унагъуэр насыпыфІэу щытын щхьэкІэ?

• Щхьэгъусэ уиІэу щытмэ, уи нэчыхьыр нэхъ быдэ пщІыну Библием ит сыт хуэдэ принцип къыбдэІэпыкъунур?