Щхьэж езым и зыхуэпэкІэ иІэжщ икІи ди теплъэр зэрыщытыным теухуауэ дэ езым унафэ дощІыж. ЩыттІэгъэнымрэ ди щхьэцыр зэрытщІынымрэ дэ езыми дигу ирихьу, Иегови игъэгуфІэу къыхэпхыну гугъукъым. АбыкІэ дэ къыддэІэпыкъуну принцип зыбжанэм дыхэплъэнщ.

1. Зэрызытхуапэмрэ ди теплъэмрэ тэмэму щытыну сыт хуэдэ принципхэр къыддэІэпыкъуну?

Дэ «укІытэ тхэлъу, хабзэфІым тету, екІуу» зытхуэпэну дыхуейщ, ди теплъэм Алыхьым дызэрыхуэлажьэр къигъэлъэгъуэн щхьэкІэ (1 Тимофей 2:9, 10). Мы принципиплІым нэхъ куууэ дыхэплъэнщ: 1) Дэ «укІытэ тхэлъу» зытхуэпэн хуейщ. Уэ гу лъыптауэ къыщІэкІынщ ди зэхуэсхэм хэт къуэш, шыпхъухэм я зыхуэпэкІэр зэмыщхьми, абыхэм Алыхьым пщІэ зэрыхуащІыр я щыгъынымрэ я щхьэц щІыкІэмрэ къызэрыхэщым. 2) «ХабзэфІым тету» зыхуэпэн жиІэм къокІ уи теплъэмкІэ нэгъуэщІхэм гупсысэ къемызэгъ ягу къомыгъэкІыныр икІи зыми гулъытэ лей зыхуомыгъэщІыныр. 3) «ЕкІуу зыхуэпэным» къикІкъым модэм зыдедгъэкІуу, щІэуэ къежьэ дэтхэнэ зы щыгъынри щыттІэгъэн хуейуэ. 4) Ди зыхуэпэкІэми ди теплъэми сыт щыгъуи къыхэщын хуейщ дэ Алыхь пэжым дызэрыхуэлажьэр икІи ар дыкъэзыухъуреихь цІыхухэм я дежкІи наІуэу щытын хуейщ (1 Коринф 10:31).

2. ЩыттІэгъэныр къыщыхэтхым деж ди къуэш, ди шыпхъухэм дыщІегупсысын хуейр сыт?

Щхьэж езым и зыхуэпэкІэр къыхихыжыну хуитщ. Ауэ дэ сыт щыгъуи дегупсысын хуейщ ди теплъэр нэгъуэщІхэм къазэрыщыхъунум. Дэ адрейхэм я гурыщІэхэм дыхуэсакъыну дыхуейщ икІи яфІ къэтлъыхъуэу, я сэбэп къызэрыкІыным дегупсысу дыщытыну дыхуейщ. (Къеджэ Рим 15:1, 2.)

3. Дауэ ди теплъэм нэгъуэщІхэр зэрыхуигъэушыфынур Иеговэ теухуауэ нэхъыбэ къащІэну?

Дэ сыт щыгъуи ди теплъэр екІуу зэрыщытыным дыхущІокъу, ауэ псом хуэмыдэу абы мыхьэнэ идот ди зэІущІэхэм дыщыкІуэм икІи хъыбарыфІыр щыдгъэІум деж. ДауикІ, дэ дыхуейкъым хъыбарыфІым едэІуэну ди теплъэр зыгуэрым зэран хуэхъуну. Дэ дыхущІэкъун хуейщ ди теплъэмкІэ Алыхьым деж цІыхухэр къызэретшэлІэным икІи Алыхьым теухуа щІэныгъэр зэрыдгъэдэхэным (Тит 2:10).

 НЭХЪ КУУУЭ ХЭПЛЪЭ

4. Ди теплъэр екІуу зэрыщытым Иеговэ пщІэ зэрыхуэтщІыр къыхощ

Ди теплъэм дыщІыкІэлъыплъым и щхьэусыгъуэ нэхъыщхьэр сыт? Псалом 47:2 итым къеджи мы упщІэхэм егупсыс:

• Иеговэ и лэжьакІуэу дызэрыщытыр ди теплъэм дауэ къызэрыхэщын хуейр?

• ЗэІущІэхэм дыщыкІуэкІэ икІи хъыбарыфІыр щыдгъэІукІэ ди теплъэр зэрыщытым мыхьэнэ иІэ? Сыт уэ апхуэдэу къыщІэплъытэр?

 5. ЩыттІэгъэныр екІуу къыхэтхыну сыт къыддэІэпыкъунур?

ВИДЕОМ еплъ.

Ди щыгъыныр лъапІэми пудми, ар къабзэу, екІуу, дыздэкІуэм хуэкІуэу щытын хуейщ. 1 Коринф 10:24, 1 Тимофей 2:9, 10 итым къеджи жыІэ:

• ди щыгъыныр зэфІэмыхьэу, зэкІэрылэлу е фІейуэ щытын щІыхуэмейр сыт?

• ди теплъэм нэгъуэщІхэм гупсысэ Іейхэр ягу къигъэкІыу, гурыщІэ къемызэгъхэр къариту щытын щІыхуэмейр сыт (псалъэм папщІэ, ар зэвыІуэу е къихыІуауэ зэрыщытым щхьэкІэ)?

Хьисэ и лъэужь ирикІуэхэр Мусэ и Хабзэм щІэмытыжми, дэ а Хабзэм Иеговэ и еплъыкІэр нэхъыфІу къыдгурегъаІуэ. Второзаконие 22:5 итым къеджи мы упщІэм егупсыс:

• ЦІыхухъум цІыхубзыфэ, цІыхубзым цІыхухъуфэ къытезыгъауэ щыгъынхэр щыттІэгъэн е щхьэц щІыкІэхэр тщІын щІыхуэмейр сыт?

1 Коринф 10:32, 33, 1 Иуан 2:15, 16 итым къеджи мы упщІэхэм егупсыс:

• Ди щІыпІэм щыпсэу цІыхухэмрэ ди зэхуэсым хэтхэмрэ ди теплъэм Іэнкун ищІрэ имыщІрэ дыщІегупсысын хуейр сыт?

• Сыт хуэдэ щыгъын икІи сыт хуэдэ щхьэц щІыкІэ фи щІыпІэм иджыпсту къежьауэ къекІуэкІыр?

• Абыхэм щыщ гуэр Алыхьым и лэжьакІуэм дежкІэ къемызэгъыу къэплъытэрэ? Сыт щхьэкІэ?

 КЪЭПЩЫТЭЖ

Ди теплъэмрэ ди зыхуэпэкІэмрэ екІуу щытмэ, Иегови дыкъэзыухъуреихь цІыхухэми пщІэ зэрыхуэтщІыр къыдогъэлъагъуэ.

Мы упщІэхэр зэгъусэу зэпкърыфх:

• Иеговэ ди теплъэмрэ ди зыхуэпэкІэмрэ мыхьэнэшхуэ щІритыр сыт?

• Зэрызытхуэпэну щІыкІэмрэ ди теплъэр зэрытщІынумрэ къыхэтхыну сыт хуэдэ принципхэр къыддэІэпыкъуну?

• ЦІыхум пэжыр къищІэну ди теплъэр дапхуэдэу сэбэп е зэран зэрыхуэхъуфынур?