ЕБЛАНЭ ІЫХЬЭ
Хьисэ лІэуэ къыщытэджыжам щыщІэдзауэ, Павел тутнакъым щрагъэтІысхьам нэсыху
Ещанэ махуэм Хьисэ лІахэм къахэтэджыкІыжащ. А махуэ дыдэм ар тхуэ къахуэкІуащ и лъэужь ирикІуэхэм. Апхуэдэу махуэ 40–кІэ къахуэкІуащ. ИтІанэ и гъэсэнхэм щыщу гуп мащІэм ялъагъуу уафэм дэкІуеижащ. МахуипщІ дэкІа нэужь, Алыхьым и дух лъапІэр къахуригъэхащ, апщІондэху Иерусалим дэмыкІыу дэса и гъэсэнхэм.
ИужьыІуэкІэ бийхэм яхузэфІэкІащ апостолхэр тутнакъым ирагъэтІысхьэн, ауэ ахэр мелыІычым къиутІыпщыжащ. Хьисэ и лъэужь итахэм ящыщ Стефан мывэкІэ яукІащ. Дэ къэтщІэнущ бийхэм щыщ зы, апостол ПавелкІэ зэджэ хъунур, Хьисэ къыхихыу и лэжьакІуэ хэха зэрищІынур. Хьисэ зэрылІэрэ илъэсищрэ ныкъуэрэ дэкІауэ Алыхьым апостол Пётр егъакІуэ мыиудей Корнилийрэ абы и унагъуэмрэ хъыбарыфІыр жригъэІэну.
Илъэс 13 дэкІа нэужь, Павел япэу зекІуэ йожьэ, хъыбарыфІыр игъэІуну. ЕтІуанэу зекІуэ щежьэм абы Тимофей гъусэ хуохъу. Дэ къэтщІэнущ Павелрэ абы и гъусахэмрэ здэкІуам къащыщыщІа гузэвэгъуэхэр. ИкІэм–икІэжым Павел Рим дэт тутнакъым ирагъэтІысхьащ. ИлъэситІ дэкІа нэужь, къаутІыпщыжащ, ауэ аргуэру ирагъэтІысхьэжри итІанэ яукІащ. ЕБЛАНЭ Іыхьэм къыщыхъу Іуэхугъуэхэм илъэс 32–рэ къызэщІаубыдэ.
МЫ ІЫХЬЭМ
102 ХЪЫБАР
Хьисэ псэущ
Кхъэлэгъунэм Іулъ мывэр мелыІычым Іуиха нэужь, сэлэтхэр абы и кІуэцІым щоплъэри ялъэгъуар телъыджэ ящохъу.
103 ХЪЫБАР
Бжэ гъэбыдамкІэ пэшым щІохьэ
ЛІахэм къахэтэджыкІыжа Хьисэ щхьэ и гъэсэнхэм къахуэмыцІыхужрэ?
105 ХЪЫБАР
Иерусалим щыпоплъэхэр
Пятидесятницэ махуэшхуэм ирихьэлІэу щхьэ Хьисэ Алыхьым и къару лъапІэр и гъэсэнхэм къахуригъэха?
106 ХЪЫБАР
Лъэхъуэщым кърагъэкІыжахэщ
Иудейхэм я дин пашэхэм апостолхэр лъэхъуэщым ирадзащ, абыкІэ хъыбарыфІыр къагъэувыІэн я гугъэу, ауэ Алыхьым и мурадыр нэгъуэщІщ.
109 ХЪЫБАР
Пётр Корнилий деж къокІуэ
Алыхьым цІыху зэхэгъэж ищІу пІэрэ? Абы ибжу пІэрэ зы лъэпкъыр адрей лъэпкъым нэхърэ нэхъыфІу?
110 ХЪЫБАР
Павел и дэІэпыкъуэгъущІэ Тимофей
Тимофей и унэр къигъанэри, Павел и гъусэу гъуэгуанэ гъэщІэгъуэн теуващ.
111 ХЪЫБАР
ЩІалэ цІыкІур зэрыжеяр
Павел и япэ псалъэр щыжиІэм щыгъуэ Евтих жеящ, етІуанэм щыгъуэ жеякъым. Абыхэм я зэхуакум къэхъуар телъыджэу фІэкІа нэгъуэщІу пхужыІэнукъым.
112 ХЪЫБАР
Кхъухьыр хытІыгум къыщызэтоувыІэр
Къелыну псоми я гугъэр щыхахыжам, Алыхьым къыбгъэдэкІыу Павел псалъэ къыІэрохьэ. А псалъэхэм псоми гугъэ кърат.