ЦІЫХУМ КЪЫТЕБГЪЭЗЭЖУРЭ УЩЕПСАЛЪЭКІЭ
7 УРОКЫР
ЦІыхухэм уащыдэІэпыкъукІэ уи Іэр йомыхьэх
Библием ит принципыр: «Тхьэм и псалъэхэр ирагъащІэ, хъыбарыфІыр... цІыхухэм хуаІуатэ зэпытт махуэ къэс» (Апост. 5:42).
Паул и щапхъэр
1. ВИДЕОМ еплъ е Апостолхэм 19:8—10 итым къеджи, мы упщІэхэм егупсыс:
Паул и щапхъэм дызыхуригъасэр
2. Пэжыр цІыхум фІэгъэщІэгъуэн щытщІын икІи Библиер и гъусэу дджын щІэддзэн щхьэкІэ ди зэманми ди къаруми дыщысхьын хуейкъым.
Паул щапхъэ тех
3. ЦІыхур нэхъ щыхущІыхьэм деж кІуэ. Егупсыс: «Дапщэщ икІи дэну пІэрэ дыщызэпсэлъэфынур?» Уэ нэгъуэщІ зэманым нэхъ къэпщтэнуми, а цІыхум жыхуиІа зэманым узэрыкІуэным хущІэкъу.
4. ИужькІэ фыщызэпсэлъэфынур къащІэ. ФызэбгъэдэкІыжын ипэ етІанэгъуэгу фыщызэхуэзэну зэманыр тевухуэ. УкІуэну е хуэпщІу уепсэлъэну къэбгъэгугъамэ, уи псалъэм тетыж.
5. Гугъэр хыумыхыж. ЦІыхур унэм щІэсу куэдрэ къыпхуэмыгъуэтмэ е хущІэмыхьэу щІэх-щІэхыурэ жиІэмэ, уимыгугъэ абы Библиер фІэмыгъэщІэгъуэну (1 Кор. 13:4, 7). Ар къызэрыбгъуэтыным къару ехьэлІэ, ауэ уи зэманыр Іущагъ хэлъу къызэрыбгъэсэбэпын хуейри зыщумыгъэгъупщэ (1 Кор. 9:26).
