Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Библием тегъэщІа курсыр уэ къыбдэІэпыкъунущ:

•   ГъащІэ насыпыфІэ епхьэкІыну.

•   Алыхьым гъунэгъу ухуэхъуну.

•   Ди къэкІуэным теухуауэ Библием итыр къэпщІэну.

Мы напэкІуэцІым

•  Библием узэрырагъаджэр дауэ зэрекІуэкІыр?

•  Курсым ахъшэ щІэстын хуей?

•  Дапхуэдиз зэман курсыр зэрекІуэкІыр?

•  ЯпэщІыкІэ сыт сщІэн хуейр?

•  ЯпэщІыкІэ япэ урокищым седжэу сеплъ хъуну?

•  Библием сызэреджэм къикІрэ Іэмал имыІэу Иеговэ и Щыхьэт сыхъун хуейуэ?

•  Си унэм щІэлъ БиблиемкІэ седжэ хъуну?

•  Библием сыщрагъаджэкІэ иджыри зыгуэр къезгъэблагъэ хъуну?

•  Сэ япэм Иеговэ и Щыхьэтхэм я гъусэу Библиер зджамэ-щэ? Мыхьэнэ иІэ иджыри зэ седжэну?

•  Зыри къыбдэмыІэпыкъуу, уи закъуэу Библиер зэрыбдж хъун программэ фиІэ?

 Уезыгъаджэм и гъусэу Библиер темэ-темэкІэ гуэшауэ бджынущ. «ГъащІэ мыухыж уиІэу псэу!» жыхуиІэ курсым и фІыгъэкІэ уэ хуэм-хуэмурэ къэпщІэнущ Библием зыхуригъаджэмрэ а щІэныгъэр уи гъащІэм сэбэп къызэрыщыпхуэхъунумрэ. Курсым теухуауэ нэхъыбэ къэпщІэну ухуеймэ, мы видеом еплъ.

 Хьэуэ. Иеговэ и Щыхьэтхэм Хьисэ Мэссихь къытхуигъэна унафэр ягъэзащІэ: «Абы фэ пщІэ щІэфтакъым, фэри пщІэ къеІывмых» (Маттэ 10:8). Библиери «ГъащІэ мыухыж уиІэу псэу!» жыхуиІэ тхылъри пщІэншэщ.

 Курсыр урок 60 зэхэлъщ. Абы текІуэдэну зэманыр нэхъыбэу зэлъытар уэращ. Куэдым ягу ирохь тхьэмахуэм зы урок е урок зыбжанэ яджыну.

1.  1. Онлайн-заявкэ къытхуэгъанэ. Абы дыщІыхуейр зыныпытщІэн щхьэкІэщ.

2.  2. ЕгъэджакІуэм зыныппищІэнущ. Уезыгъэджэнум курсым теухуауэ нэхъыбэ къыбжиІэнущ икІи уи упщІэхэм жэуап иритынущ.

3.  3. Узэреджэну щІыкІэм теухуауэ уезыгъэджэнум гурыІуэ. Уеджэ хъунущ уи деж къакІуэу, телефонкІэ, видеосвязкІэ, письмокІэ е электроннэ пощткІэ. Зы еджэгъуэм зы сыхьэт текІуадэ хабзэщ. Ауэ абы е нэхъ мащІэ е нэхъыбэ тебгъэкІуадэ хъунущ, ар зэлъытар зэрыпхущІыхьэращ.

 Хъунущ. Абы щхьэкІэ онлайн-заявкэ къытхуэгъанэ. ЕгъэджакІуэм зыкъыппищІа иужь жеІэ, курсыр уигу ирихьрэ иримыхьрэ уеплъын щхьэкІэ, япэщІыкІэ япэ урокищым уеджэну узэрыхуейр. Курсым и япэ урокищыр «ГъащІэ мыухыж уиІэу псэу!» жыхуиІэ брошюрэм итщ икІи ар уи егъэджакІуэм иІэщ.

 Хьэуэ. Иеговэ и Щыхьэтхэм ягу ирохь цІыхухэр Библием ирагъэджэну, ауэ дэ дызытет диныр къищтэну зыри хэдгъэзыхькъым. Дэ цІыхум идогъэлъагъу Библием зыхуригъаджэр, ауэ сытыр и фІэщ хъунуми езы цІыхуращ унафэ зыщІыр (1 Петр 3:15).

 НтІэ, хъунущ. Сыт хуэдэ БиблиекІи уеджэ хъунущ, хэт ар зэримыдзэкІами. «ДунеищІэкІэ» зэджэ Библиер гурыІуэгъуэу тхащ икІи пэжу зэдзэкІащи, дэ абыкІэ деджэну дигу ирохь. Ауэ езыхэр зэса БиблиемкІэ цІыхухэр еджэну зэрыхуейми дэ пщІэ худощІ.

 НтІэ, хъунущ. Уи унагъуэм щыщхэр е уи ныбжьэгъу гуэр Библием ущрагъаджэкІэ къебгъэблагъэ хъунущ.

 НтІэ, иІэщ. Япэм узэреджам нэхърэ мы курсыщІэр нэхъ уигу ирихьыну къытщохъу, сыт щхьэкІэ жыпІэмэ ар зыхэзылъхьахэр куууэ егупсысащ нобэ цІыхухэр зыхуэныкъуэмрэ зыгъэгузавэмрэ. Япэм зэредгъаджэу щытам нэхърэ мы курсыр куэдкІэ нэхъ тыншщ икІи нэхъ гъэщІэгъуэнщ.

 ДиІэщ. Куэдым гу лъатащ зыгуэрым ущригъаджэм деж, сэбэпынагъ нэхъыбэ къызэрыхэпхым, ауэ языныкъуэхэр хуейщ япэщІыкІэ езыхэр еджэу еплъыну. «Библиер зэрадж тхыгъэхэр» жыхуиІэм къыщыбгъуэтынущ Библиер бджыну къыбдэІэпыкъуну Іэмэпсымэхэр. Ахэр пщІэншэщ. Мис абыхэм щыщу языныкъуэхэр.

•   Видеоурокхэр. Библием зыхуригъаджэр къыбгурызыгъаІуэ видеоролик кІэщІхэр.

•   Ди упщІэхэм Библием ирит жэуапхэр. Библием теухуа упщІэ зэмылІэужьыгъуэхэм я жэуапхэр мы статьяхэм къыщыбгъуэтынущ.

•   Библием ит едзыгъуэхэм къикІыр. Библием ит едзыгъуэхэмрэ абыхэм къыщыгъэсэбэпа псалъэхэмрэ я мыхьэнэр къэпщІэнущ.