Coocinaa sakɩyɛ wɩlɩɣ se Ɛsɔ kɛ Trinita. Ɛlɛ, cɔna tɔm ndʋ Encyclopædia Britannica takayaɣ yɔɔdʋʋ yɔ: “Tɔm piye Trinita fɛyɩ Bibl taa nɛ patɩyɔɔdɩ wɩlɩtʋ ndʋ tɩ-tɔm Bibl taa ɖoli kaɣlaa . . . Wɩlɩtʋ ndʋ tɩñɔwa nɛ tɩpaɣlɩ pazɩ pazɩ pɩnzɩ mɩnɩŋ weyi ɩɖɛwa yɔ, ɩ-taa, nɛ palabɩ ndɔnjɔɔlɩyɛ sakɩyɛ nɛ pʋcɔ.”

 Toovenim taa lɛ, patɩyɔɔdɩ ɖoli Bibl taa se Ɛsɔ kɛ Trinita hɔɔlʋʋ nakʋyʋ. Cɔnɩ tɔm ndʋ Bibl hɔɔlɩŋ ɛnɛ ɩyɔɔdʋʋ yɔ:

 Kɩbaɣlʋ ɖɛ-Ɛsɔ kɛ kʋyʋm koŋ.”—Wayɩ Wayɩ Paɣtʋ 6:4.

 “Ñe-ɖeke na Kɩbaɣlʋ, Kɩlɩm, tataa cɩnɛ.”—Keɣsi 83:18.

 “Nɛ tamtam wezuu kɛlɛ ña-tɩlʋʋ se ñe-yeke koŋ Ɛsɔ siŋŋ nɛ weyi ŋtiyi-i yɔ ɛ-tɩlʋʋ, Yesu Krɩstʋ.”—Yohanɛɛsɩ 17:3.

 “Ɛsɔ kɛ kʋyʋm.”—Galaatii 3:20.

 Nɛ ɛbɛ yɔɔ coocinaa sakɩyɛ yɔɔdʋʋ se Ɛsɔ kɛ Trinita yɔ?