Ɛsɩdrasɩ 8:1-36
8 Pa-caanaa ɖɩsɩ ñʋndɩnaa yɔ, nɛ ma nɛ mba ɖɩɩkʋyɩnɩ Babilɔɔnɩ wiyaʋ Artaazɛɛrɩzɛɛsɩ+ kewiyitu tɔɔʋ alɩwaatʋ taa yɔ, pɔ-hɔŋ ndɩ ndɩ hɩla wena paama takayɩsɩ taa yɔ ana yɔ:
2 Fineyaasɩ+ pɩyalaa taa: Gɛrɩsɔɔm; Itamaarɩ+ pɩyalaa taa: Danɩyɛɛlɩ; Daviid pɩyalaa taa: Hatuusi;
3 Sekaniya pɩyalaa taa, Parɔɔsɩ pɩyalaa taa: Zakarii, ɛ nɛ abalaa 150 mba paama pa-hɩla takayɩsɩ taa yɔ;
4 Pahaatɩ-Mowaabʋ+ pɩyalaa taa: Zerayiya pɩyalʋ Eliyeho-Enayɩ, ɛ nɛ abalaa 200;
5 Zatuu+ pɩyalaa taa: Yahaziyɛɛlɩ pɩyalʋ Sekaniya, ɛ nɛ abalaa 300;
6 Adinɩ+ pɩyalaa taa: Yonataanɩ pɩyalʋ Ebɛɛdɩ, ɛ nɛ abalaa 50;
7 Elam+ pɩyalaa taa: Ataali pɩyalʋ Yesayɩya, ɛ nɛ abalaa 70;
8 Sefatiya+ pɩyalaa taa: Mikayɛɛlɩ pɩyalʋ Zebaadiya, ɛ nɛ abalaa 80;
9 Yowaabʋ pɩyalaa taa: Yehiyɛɛlɩ pɩyalʋ Abɩdɩyasɩ, ɛ nɛ abalaa 218;
10 Bani pɩyalaa taa: Yosifiya pɩyalʋ Selomitɩ, ɛ nɛ abalaa 160;
11 Bebayii pɩyalaa taa: Bebayii+ pɩyalʋ Zakarii, ɛ nɛ abalaa 28;
12 Azɩgadɩ+ pɩyalaa taa: Hakataanɩ pɩyalʋ Yohanaanɩ, ɛ nɛ abalaa 110;
13 Adonikam+ pɩyalaa taa, mba pɩɩɖɩɣnaa yɔ pa-hɩla yɔ: Elifelɛɛtɩ, Yeyiyɛɛlɩ nɛ Semayaa, pa nɛ abalaa 60;
14 nɛ Bigivaayi+ pɩyalaa taa: Utayii nɛ Zabuudɩ, pa nɛ abalaa 70.
15 Menkpeɣli-wɛ pɔɔ ŋga kekpeŋaɣni Ahava+ kiŋ yɔ kɔ-cɔlɔ, nɛ ɖisiɣ ɖe-kizinzikiŋ peeɖe nɛ ɖɩcaɣ kɩyakɩŋ 3. Ɛlɛ mɔncɔnɩ samaɣ taa nɛ cɔjɔnaa taa lɛ, mantɩna Leevi mba taa nɔɔyʋ peeɖe.
16 Pʋyɔɔ mentiyaa nɛ payaa Eliyeezɛɛrɩ, Ariyɛɛlɩ, Semayaa, Ɛlɩnataanɩ, Yarib, Ɛlɩnataanɩ, Naataanɩ, Zakarii nɛ Mesulam, mba paakɛ abalaa mba pɛɖɛɣ nɔɔ yɔ; nɛ Yoyiyarib nɛ Ɛlɩnataanɩ mba paakɛ wɩlɩyaa yɔ.
17 Nɛ manɖʋ-wɛ paɣtʋ lone nɖɩ payaɣ se Kasifiya yɔ ɖɩ-ñʋʋdʋ Ido yɔɔ. Meheyi-wɛ se peheyi Ido nɛ e-koobiya, templo taa lɩmɖʋyaa* mba paawɛ Kasifiya yɔ se pɔkɔnɩ-ɖʋ tʋmlaɖaa nɛ pala ɖɛ-Ɛsɔ ɖɩɣa taa tʋmɩyɛ.
18 Ðɛ-Ɛsɔ nesi kɩbanzɩ kaawɛ ɖɔ-yɔɔ, nɛ pʋyɔɔ lɛ, pɔkɔnɩ-ɖʋ Izrayɛɛlɩ pɩyalʋ Leevi sayɩ Maalii+ pɩyalaa taa abalʋ lɛɣtʋ tʋ nɔɔyʋ, payaɣ-ɩ se Serebiya,+ ɛ nɛ ɛ-pɩyalaa nɛ e-koobiya, abalaa 18;
19 nɛ Hasabiya, ɛ nɛ Merarii tʋ+ Yesayɩya, e-koobiya nɛ pa-pɩyalaa, abalaa 20.
20 Nɛ templo taa lɩmɖʋyaa* mba Daviid nɛ awumbiya paalɩzaa se paɖʋ Leevi mba lɩm yɔ, paakpɛndɩ 220, paama pa-tɩŋa pa-hɩla takayaɣ taa.
21 Ðɩnɛ ɛlɛ monsusi Ahava pɔɔ cɔlɔ peeɖe se ɖɩhɔkɩ nɔɔ, se pɩsa nɛ ɖiluzi ɖa-tɩ ɖɛ-Ɛsɔ ɛsɩndaa, nɛ ɖɩpɔzɩ-ɩ se eɖiyi-ɖʋ ɖa-nʋmɔʋ ɖɔm taa, ɖa nɛ ɖe-piya nɛ ɖa-ñɩm tɩŋa.
22 Fɛyɛ kpaɣaɣ-m se mɔnpɔzɩ wiyaʋ se ɛha-ɖʋ sɔɔjanaa nɛ kpaŋnaŋ yɔɔ caɣyaa nɛ pakandɩyɩ ɖɔ-yɔɔ koyindinaa nesi tɛɛ ɖa-nʋmɔʋ ɖɔm taa, mbʋ pʋyɔɔ yɔ ɖiiheyi wiyaʋ se: «Ðɛ-Ɛsɔ nesi kɩbanzɩ wɛ mba pa-tɩŋa pañɩnɩɣ-ɩ yɔ pɔ-yɔɔ,+ ɛlɛ e-ɖoŋ nɛ ɛ-pana kɔŋ mba payɩ pahaɣ-ɩ siɣye yɔ pɔ-yɔɔ.»+
23 Pʋyɔɔ ɖɩhɔkɩ nɔɔ nɛ ɖɩtɩmnɩ ɖɛ-Ɛsɔ tɔm ndʋ tɩ-yɔɔ, nɛ ɖitendi-i lɛ ewelisini-ɖʋ.+
24 Pʋwayɩ lɛ, malɩzɩ abalaa 12 nɛ kɩjaʋ cɔjɔnaa ñʋndɩnaa taa, mba yɔ Serebiya nɛ Hasabiya,+ pa nɛ po-koobiya 10.
25 Nɛ liidiye, sika, wondu nɛ haɖɛ nɖɩ wiyaʋ nɛ ɛ-lɔŋ tasɩyaa nɛ ɛ-awumbiya nɛ Izrayɛɛlɩ mba kpeekpe mba paawɛ peeɖe yɔ palabɩ ɖɛ-Ɛsɔ ɖɩɣa yɔ, mamaɣzɩ pɩtɩŋa pi-yuŋ nɛ mɛncɛlɩ-wɛ.+
26 Mbʋ mamaɣzaa nɛ manɖʋzɩ pe-nesi tɛɛ yɔ, mbʋ yɔ: Liidiye talaŋwaa* 650, liidiye wondu 100, tɩmaɣnɩ talaŋwaa 2, sika talaŋwaa 100,
27 sika ñanzɩ cikpesi 20, sɩmaɣnɩ darikwaa* 1 000, nɛ ñɩɣyʋʋ kɩsɛɛmʋʋ kɩbaŋʋ ŋgʋ kɩñɩlɩsɩɣ yɔ ki-wondu 2, tɩmʋ ñɩm ɛzɩ sika wondu yɔ.
28 Pʋwayɩ lɛ, meheyi-wɛ se: «Ɩkɛ kiɖeɖema Yehowa ɛsɩndaa,+ nɛ wondu kɛ kiɖeɖetu, nɛ liidiye nɛ sika pɛkɛ sɔɔlɩm haɖɛ nɖɩ palabɩ mɩ-cɔzɔnaa tɛ Ɛsɔ Yehowa yɔ.
29 Ɩɖɔkɩ-tʋ camɩyɛ, pɩkɔɔ pɩtalɩ alɩwaatʋ ndʋ ɩmaɣzɩɣ-tʋ cɔjɔnaa ñʋndɩnaa nɛ Leevi mba nɛ Izrayɛɛlɩ hɔŋ ñʋndɩnaa awumbiya ɛsɩndaa Yeruzalɛm,+ Yehowa ɖɩɣa kuduyuŋ* tɛɛ yɔ.»
30 Nɛ cɔjɔnaa nɛ Leevi mba pakpaɣ liidiye nɛ sika nɛ wondu ndʋ pamaɣzaa nɛ pɛcɛlɩ-wɛ yɔ, se powoni-tʋ Yeruzalɛm ɖɛ-Ɛsɔ ɖɩɣa taa.
31 Pʋwayɩ lɛ, ɖɩkʋyɩ Ahava+ pɔɔ cɔlɔ fenaɣ kajalaɣ ñɩŋga+ kɩyakʋ 12 ñɩŋgʋ wiye se ɖɩɖɛɛ Yeruzalɛm, nɛ ɖɛ-Ɛsɔ nesi kaawɛ ɖɔ-yɔɔ, nɛ eholi-ɖʋ koyindu nesi tɛɛ nɛ nʋmɔʋ taa kpacanaa taa.
32 Nɛ ɖɩtalɩ Yeruzalɛm+ nɛ ɖɩcaɣ peeɖe kɩyakɩŋ naadozo.
33 Kɩyakʋ 4 ñɩŋgʋ wiye lɛ, ɖɩmaɣzɩ liidiye nɛ sika nɛ wondu ɖɛ-Ɛsɔ ɖɩɣa taa+ nɛ ɖɩcɛlɩ-tʋ cɔjɔ Uriyaa pɩyalʋ Meremɔɔtɩ,+ ɛ nɛ Fineyaasɩ pɩyalʋ Eleyaazaarɩ, nɛ pa nɛ Leevi mba Yesuwa pɩyalʋ Yozabaadɩ+ nɛ Binuwii+ pɩyalʋ Noowadiya.
34 Pakalɩ pɩtɩŋa nɛ pamaɣzɩ pɩtɩŋa, nɛ pama pɩtɩŋa pi-yuŋ nɛ pasɩɩ.
35 Mba paalɩnɩ yomiye taa nɛ pɔkɔɔ yɔ, mba paawɛ yomiye taa yɔ, palaa kɩlaŋ kɩñaɣzɩŋ Izrayɛɛlɩ tɛ Ɛsɔ, naŋ abalɩñɩŋ+ 12 Izrayɛɛlɩ kpeekpe yɔɔ, ɛyaŋ+ 96, heɣsi abalɩñɩnzɩ 77, nɛ tuliŋ+ 12 se pɩkɛnɩ kɩwɛɛkɩm yɔɔ kɩlaʋ; pɩtɩŋa mbʋ yɔ, pɩɩkɛ kɩlaʋ kɩñaɣzʋʋ ŋgʋ paalabɩ Yehowa yɔ.+
36 Pʋwayɩ lɛ, ɖɩcɛlɩ wiyaʋ paɣtʋ+ wiyaʋ kaɖɩsɩ sɔsɔsɩ* nɛ ñʋndɩnaa mba pɛwɛ egeetiye nɖɩ ɖɩwɛ Pɔɔ nɛ Wayɩ*+ yɔ ɖɩ-taa yɔ, nɛ paɖʋ nesi samaɣ nɛ Ɛsɔ toovenim tʋ ɖɩɣa.+
Pɩ-tɛɛ tɔm
^ Yaa «Netiinimwaa.» Piye piye, «mba pakpaɣ-wɛ nɛ paha yɔ.»
^ Yaa «Nɛ Netiinimwaa.» Piye piye, «Nɛ mba pakpaɣ-wɛ nɛ paha yɔ.»
^ Talaŋ kʋɖʋmʋʋ maɣnɩ ɛzɩ kilonaa 34 mbʋ yɔ (kilonaa 34,2). Cɔnɩ Tɔm kɩsɔzɩtʋ B14.
^ Darik kaakɛ Pɛrɩsɩ mba sika pɔɔyaɣ nakɛyɛ. Cɔnɩ Tɔm kɩsɔzɩtʋ B14.
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
^ Yaa «satrapɩwaa.» Hɩɖɛ kɩsɛsɛyɛ nɖɩ, ɖɩ-tɔbʋʋ lɛ «kewiyaɣ yɔɔ kandɩyaa;» cɩnɛ lɛ, Pɛrɩsɩ kewiyaɣ taa ageeta ñʋndɩnaa payaɣ mbʋ.
^ Yaa «ɖɩwɛ Efraatɩ Wayɩ.»
