Pɩyɛɛrɩ takayaɣ kajalaɣ ñɩŋga 1:1-25
1 Ma Pɩyɛɛrɩ, Yesu Krɩstʋ tɛ apostoloo,+ mamaɣnɩ takayaɣ kanɛ mba pɛwɛ ɛjaɖɛ yɔɔ alɩwaatʋ pazɩ nɛ pamɩzɩ Pɔntɩ, Galaatii, Kapaadoosi,+ Aazii nɛ Bitinii taa yɔ, mba palɩzɩ-wɛ
2 nɛ pɩla nɔɔ kʋɖʋmaɣ nɛ tɔm ndʋ Caa Ɛsɔ kaasɩm ɖooo lɔŋ yɔ,+ mba fezuu pɩsɩ-wɛ kele kele yɔ,+ se pɩsa nɛ pɛwɛɛnɩ ñamtʋ nɛ pamɩzɩ pɔ-yɔɔ Yesu Krɩstʋ calɩm:+
Tɛtɛ nɛ pɔsɔzɩ-mɩ lootiye nɛ laŋhɛzɩyɛ.
3 Pasa Ɛsɔ, ɖa-Kɩbaɣlʋ Yesu Krɩstʋ Caa, mbʋ pʋyɔɔ yɔ ɛ-pʋtɔdɩyɛ naʋ sɔsɔm yɔɔ lɛ, ɛɖaɣnɩ-ɖʋ lʋlʋʋ+ se ɖɩwɛɛnɩ lidaʋ ŋgʋ kɩwɛ wezuu yɔ,+ pɩtɩŋnɩ ɛzɩma Yesu Krɩstʋ femni sɩɖaa taa yɔ pɩ-yɔɔ,+
4 nɛ ɖɩwɛɛnɩ ñɩm mbʋ pɩɩɖazɩɣ nɛ pɩfɛyɩnɩ azuluma nɛ pɩɩcadɩɣ yɔ.+ Pɔñɔɔzɩ-mɩ pʋ nɛ pasɩɩ ɛsɔdaa,+
5 mɩ mba Ɛsɔ ɖoŋ ɖiɣni mɩ-yɔɔ kandɩyʋʋ pɩtɩŋnɩ tisuu yɔɔ se ihiɣ ñʋʋ yabʋ mbʋ pawɩzɩ pɩ-yɔɔ kuluu se pawɩlɩ kɛdɛzaɣ alɩwaatʋ taa yɔ.
6 Pʋyɔɔ lɛ, iɖiɣni mɛyʋʋ amɛya siŋŋ, paa pɩwɛɛ se takɩm ndɩ ndɩ ɩkɔnɩ-mɩ kʋñɔmɩŋ alɩwaatʋ pazɩ yɔ,+
7 se pɩsa nɛ mi-tisuu mbʋ patakɩ-pʋ yɔ,+ mbʋ pɩwɛ ñɩm siŋŋ nɛ pɩkpaɖɩ sika ŋga kɛwɛɛkɩɣ paa patakɩ-kɛ* nɛ miŋ yɔ, pɩkɔnɩ-mɩ samtʋ nɛ hɩɖɛ ɖʋʋ nɛ ñamtʋ alɩwaatʋ ndʋ pokuluu Yesu Krɩstʋ yɔɔ nɛ pawɩlɩ yɔ.+
8 Paa wiɖiyi ɩtɩna-ɩ yɔ, ɩsɔɔlɩ-ɩ. Paa ɩɩnaɣ-ɩ lɛɛlɛɛyɔ yɔ, ɩwɛnɩ tisuu ɛ-yɔɔ nɛ ɩmɛyɩɣ amɛya siŋŋ nɛ taa leleŋ sɔsɔŋ weyi ɩ-wayɩ fɛyɩ yɔ,
9 mbʋ pʋyɔɔ yɔ ɩtalɩ mi-tisuu kaɖʋwa: mɩ-ñʋʋ yabʋ.*+
10 Nayaa mba paayɔɔdɩ lootiye nɖɩ palabɩ-mɩ yɔ ɖɩ-tɔm yɔ, patazɩ ñʋʋ yabʋ mbʋ pɩ-tɔm taa tete nɛ pañɩnɩ camɩyɛ.+
11 Paawɛ pana ñaɣʋ yɔɔ se patɩlɩ alɩwaatʋ ndʋ ɖeyi ɖeyi yaa wɩyɛ nɖɩ fezuu ŋgʋ kɩwɛ pa-taa yɔ kɩwɩlaɣ Krɩstʋ yɔɔ yɔ,+ alɩwaatʋ ndʋ kɩlɛyɩ lɩzʋʋ aseɣɖe kʋñɔmɩŋ weyi Krɩstʋ kaɣ tɔɔʋ yɔ ɩ-yɔɔ+ nɛ samtʋ ndʋ tɩkɔŋaɣ pʋwayɩ yɔ tɩ-yɔɔ yɔ.
12 Piikulaa nɛ pɩwɩlɩ-wɛ se pɩtɩkɛ pa-maɣmaɣ pa-tɩ paɖʋwaɣ lɩm, ɛlɛ mɩ paɖʋwaɣ lɩm, pɩlɩɩnɩ tɔm ndʋ peheyi-mɩ lɛɛlɛɛyɔ yɔ tɩ-yɔɔ; mba patɩŋnɩ fezuu kiɖeɖeu ŋgʋ petiyini ɛsɔdaa yɔ+ kɩ-yɔɔ nɛ posusi-mɩ tɔm kɩbandʋ yɔ, mba heyini-mɩ tʋ. Wondu ndʋ tɩ-yɔɔ ɖeyi ɖeyi Ɛsɔ tiyiyaa liu wɛ siŋŋ se paka pɛ-ɛsa.
13 Ye mbʋ, ɩñɔɔzɩ mɩ-maɣzɩm nɛ ɩla tʋmɩyɛ;+ ɩɖɔkɩ mɩ-maɣzɩm pɩtɩŋa pɩ-taa;+ ɩɖʋ mi-lidaʋ lootiye nɖɩ pakaɣ-mɩ kɔnʋʋ alɩwaatʋ ndʋ pokuluu Yesu Krɩstʋ yɔɔ nɛ pawɩlɩ yɔ ɖɩ-yɔɔ.
14 Ɛzɩ piya nzɩ sɩñaŋ yɔ, ɩtaatasɩ yebu nɛ kɔɖɛyɩ ŋgʋ ɩɩwɛnɩ ɖooo lɔŋ mɩ-kɩɩsɩŋɩyɩtʋ taa yɔ, kɩwɛɛnɩ ɖoŋ mɩ-yɔɔ;*
15 ɛlɛ ɛzɩ Kiɖeɖeu weyi ɛya-mɩ yɔ, mɩ-maɣmaɣ ɩpɩsɩ kiɖeɖema mɩ-ɖɔnɛ kpeekpe taa,+
16 mbʋ pʋyɔɔ yɔ pamawa se: «Pɩwɛɛ se ɩkɛ kiɖeɖema, mbʋ pʋyɔɔ yɔ mɛnkɛ kiɖeɖeu.»+
17 Nɛ ye ɩyaɣ Caa weyi ɛɛcɔŋnɩ nɔɔyʋ ɛsɩndaa pʋcɔ nɛ ɛhʋʋnɩ paa anɩ tɔm+ ɛ-tʋmɩyɛ yɔɔ yɔ, ɩɖɔmnɩ sɔɔndʋ+ alɩwaatʋ ndʋ ɩwɛ ɛjaɖɛ yɔɔ alɩwaatʋ pazɩ yɔ.
18 Mbʋ pʋyɔɔ yɔ ɩsɩm mbʋ se pɩtɩkɛ wondu ndʋ tɩwɛɛkɩɣ yɔ, liidiye yaa sika poholini-mɩ*+ mi-wezuu caɣʋ ŋgʋ kɩɩkɛ falaa yɔ kɩ-taa, ŋgʋ mɩ-cɔzɔnaa yebini-mɩ yɔ.
19 Ɛlɛ poholi-mɩ nɛ calɩm mbʋ pɩwɛ ñɩm yɔ,+ ɛzɩ heɣa ŋga kɛfɛyɩnɩ kɩwɛɛkɩtʋ natʋyʋ nɛ azuluma naayɛ yɔ ka-calɩm,+ Krɩstʋ calɩm.+
20 Toovenim taa lɛ, paasɩmɩ-ɩ ɖooo lɔŋ pʋcɔ nɛ pasɩɣ ɛjaɖɛ tigiɖe,+ ɛlɛ palɩzɩ-ɩ nɛ pawɩlɩ alɩwaatʋ ɖɩdɛnɖɛ taa mɩ-yɔɔ.+
21 Pɩtɩŋnɩ ɛ-yɔɔ lɛ, ɩkɛ mba pɛwɛnɩ tisuu Ɛsɔ yɔɔ yɔ,+ Ɛsɔ weyi efezi-i nɛ sɩɖaa taa+ nɛ ɛha-ɩ samtʋ,+ se pɩsa nɛ mi-tisuu nɛ mi-lidaʋ pɛwɛɛ Ɛsɔ yɔɔ yɔ.
22 Lɛɛlɛɛyɔ, ɛzɩma ɩtɩŋnɩ ñamtʋ ndʋ ɩwɛnɩ toovenim yɔɔ yɔ tɩ-yɔɔ nɛ ɩpɩsɩ mɩ-tɩ* kele kele tɩnaa nɛ piyele nɛ ɩwɛɛnɩ koobiye sɔɔlɩm mbʋ pɩ-taa fɛyɩ pɩ-tɛɛ nɛ pɩ-yɔɔ lakasɩ yɔ pʋyɔɔ lɛ,+ ɩsɔɔlɩ ɖama siŋŋ pɩlɩɩnɩ mɩ-laŋɩyɛ taa.+
23 Mbʋ pʋyɔɔ yɔ paɖaɣnɩ-mɩ lʋlʋʋ,+ pɩtɩkɛ ɖomaɣ ŋga kaɖazɩɣ yɔ kɔ-yɔɔ patɩŋnaa, ɛlɛ ɖomaɣ ŋga kaaɖazɩɣ yɔ,*+ pɩtɩŋnɩ Ɛsɔ ɛsadʋ weyi ɛwɛ tam yɔ ɛ-tɔm yɔɔ.+
24 Mbʋ pʋyɔɔ yɔ «tomnasɩ kpeekpe* wɛ ɛzɩ ñɩyʋʋ yɔ, nɛ sɩ-samtʋ tɩŋa wɛ ɛzɩ hayɩm taa hɛɖʋʋ yɔ; ñɩyʋʋ lou nɛ hɛɖʋʋ tɔlʋʋ,
25 ɛlɛ Yehowa* tɔm ñɛwɛ tam.»+ Nɛ «tɔm» ndʋ lɛ tɔm kɩbandʋ ndʋ posusi-mɩ yɔ.+
Pɩ-tɛɛ tɔm
^ Yaa «pekelisi-kɛ.»
^ Yaa «mɩ-kalɩzasɩ ñʋʋ yabʋ.»
^ Yaa «kɩlɛɣzɩ mi-wezuu caɣʋ.»
^ Piye piye, «pɛhɛyɩnɩ mɩ-ñʋʋ taa; palɩzɩnɩ-mɩ.»
^ Yaa «mɩ-kalɩzasɩ.»
^ Pʋ-tɔbʋʋ se ɖomaɣ ŋga kapɩzɩɣ lʋlʋʋ yɔ, yaa ŋga kalʋlʋʋ pee yɔ.
^ Yaa «ɛyaa kpeekpe.»
^ Cɔnɩ Tɔm kɩsɔzɩtʋ A5.
