Yohanɛɛsɩ takayaɣ naalɛ ñɩŋga 1:1-13
1 Ma, abalʋ weyi ɛsʋtʋyaa yɔ,* mamaɣnɩ takayaɣ kanɛ asɛyʋ weyi Ɛsɔ lɩzaa yɔ nɛ e-piya, mba mɔnsɔɔlɩ-wɛ toovenim taa yɔ, nɛ pɩtɩkɛ men-ɖeke mɔnsɔɔlɩnɩ-wɛ ɛlɛ mba payɩ pɛkpɛlɩkaa nɛ patɩlɩ toovenim yɔ pɔsɔɔlɩ-wɛ ɖɔɖɔ,
2 toovenim mbʋ pɩwɛ ɖa-taa nɛ pɩkaɣ wɛʋ ɖɔ-cɔlɔ tam yɔ pɩ-yɔɔ.
3 Caa Ɛsɔ nɛ Yesu Krɩstʋ weyi ɛkɛ Caa Pɩyalʋ yɔ po-lootiye, pa-pʋtɔdɩyɛ naʋ, nɛ pa-laŋhɛzɩyɛ kaɣ wɛʋ ɖɔ-cɔlɔ, pɩkpɛndɩnɩ toovenim nɛ sɔɔlɩm.
4 Man-taa wɛ leleŋ siŋŋ, mbʋ pʋyɔɔ yɔ manawa se ñe-piya nasɩyɩ ɖiɣni ɖɔm toovenim taa+ ɛzɩ Caa ɖʋʋ-ɖʋ paɣtʋ yɔ.
5 Pʋyɔɔ lɛɛlɛɛyɔ lɛ, asɛyʋ, mɔnpɔzʋʋ-ŋ se ɖɩsɔɔlɩ ɖama. (Pɩtɩkɛ paɣtʋ kɩfatʋ natʋyʋ manɖʋʋ-ŋ, ɛlɛ ndʋ paaɖʋ-ɖʋ ɖooo kiɖe tɛɛ yɔ.)+
6 Nɛ sɔɔlɩm tɔbʋʋ yɔ: ɖiwolo pɩ-yɔɔ nɛ ɖɩɖɔ ɛzɩ ɛ-paɣtʋ pɔzʋʋ yɔ.+ Paɣtʋ ndʋ yɔ, ɛzɩ ɩnɩʋ ɖooo kiɖe tɛɛ yɔ: pɩwɛɛ se iwolo pɩ-yɔɔ nɛ ɩɖɔ sɔɔlɩm taa.
7 Mbʋ pʋyɔɔ yɔ peɣziyaa sakɩyɛ lɩ ɛjaɖɛ yɔɔ,+ mba paatisiɣ se Yesu Krɩstʋ kɔm tomnaɣ taa yɔ.+ Peɣziyu nɛ Krɩstʋ koyindu lɛ.+
8 Ɩcɔnɩ mɩ-tɩ yɔɔ camɩyɛ nɛ ɩpɩzɩ nɛ ihiɣ kɩhɛyʋʋ pilim nɛ itaalesi mbʋ ɖɩlabɩ tʋmɩyɛ nɛ ɖihiɣ yɔ.+
9 Weyi ɛɛɖɔkʋʋ Krɩstʋ wɩlɩtʋ nɛ ɛwɩlɩɣ tɔm ndʋ tɩtɩtʋʋzɩ yɔ, ɛfɛyɩnɩ Ɛsɔ.+ Weyi ɛɖɔkʋʋ wɩlɩtʋ ndʋ yɔ, ɛnʋ wɛnɩnɩ Caa nɛ Pɩyalʋ.+
10 Ye nɔɔyʋ ɛkɔŋ mɩ-cɔlɔ nɛ ɛtɩɖɔkɩ wɩlɩtʋ ndʋ yɔ, ɩtaamʋ-ɩ mɩ-ɖɩsɩ taa+ nɛ ɩtaasɛɛ-ɩ ɖɔɖɔ.
11 Mbʋ pʋyɔɔ yɔ weyi ɛsɛɣ-ɩ yɔ, ɛɖʋʋ nesi ɛ-tʋma kɩdɛkɛda.
12 Paa mɛwɛnɩ tɔm sakɩyɛ se mamaɣ-mɩ yɔ, mantɩsɔɔlɩ se mama-mɩ tʋ takayaɣ taa nɛ tɔlɩm, ɛlɛ mantaɣ liu se mankaɣ kɔm mɩ-cɔlɔ nɛ ɖɩna ɖama ɛsɩndaa nɛ mɔyɔɔdɩnɩ-mɩ nɛ mɩ-taa leleŋ wɛɛ pilim.
13 Ñɔ-kɔɔ weyi Ɛsɔ lɩzaa yɔ, e-piya tiyiɣni-ŋ sɩ-sɛtʋ.
Pɩ-tɛɛ tɔm
^ Yaa «Ma, ɛgbɛyɛ taa ɛzʋtʋyʋ.»
