Kroniiki takayaɣ naalɛ ñɩŋga 1:1-17
1 Daviid pɩyalʋ Salomɔɔ wɛɛ nɛ ɛkpaɣ ɖoŋ siŋŋ e-kewiyitu tɔɔʋ taa, nɛ ɛ-Ɛsɔ Yehowa kaawɛ ɛ-cɔlɔ, nɛ ɛlɛ pɩsɩ-ɩ ɛyʋ sɔsɔ pɩdɩɩfɛyɩ.+
2 Salomɔɔ tiyi nɛ payaa Izrayɛɛlɩ kpeekpe, kudokiŋ nɛ mɩnɩŋ ñʋndɩnaa, tɔm hʋyaa, nɛ Izrayɛɛlɩ kpeekpe ñʋndɩnaa tɩŋa, caanaa ɖɩsɩ ñʋndɩnaa.
3 Nɛ Salomɔɔ nɛ samaɣ kpeekpe powolo lone kʋkʋyɩyɛ taa Gabawɔɔ,+ mbʋ pʋyɔɔ yɔ peeɖe Ɛsɔ toovenim tʋ kediɣzaɣ kizinziku kaawɛɛ, kizinziku ŋgʋ Yehowa lɩmɖʋyʋ Moyizi kaalabɩ kañɩmbusuu taa yɔ.
4 Ɛlɛ Daviid kaakpaɣ Ɛsɔ toovenim tʋ Aɖakaɣ Kiriyatɩ-Yeyarim+ nɛ ɛkpanɩ-kɛ lone nɖɩ ɛɛñɔɔzaa se pasɩɩ-kɛ yɔ ɖɩ-taa; eesiɣ kizinziku nakʋyʋ Yeruzalɛm se pasɩɩ-kɛ kɩ-tɛɛ.+
5 Nɛ pasɩɩ ñɩɣyʋʋ kɩsɛɛmʋʋ altaaru+ ŋgʋ Bezaalɛɛlɩ,+ Uri pɩyalʋ, weyi ɛkɛ Huuri pɩyalʋ yɔ eeluba yɔ Yehowa Ɛsɔ sɛtʋ kɩɖanɖʋʋ ɛsɩndaa; nɛ Salomɔɔ nɛ samaɣ patɩmɩɣ kɩ-ɛsɩndaa.*
6 Nɛ Salomɔɔ laa kɩlaŋ peeɖe Yehowa ɛsɩndaa, nɛ ɛlaa kɩlaŋ kɩñaɣzɩŋ 1 000 kediɣzaɣ kizinziku tɛ ñɩɣyʋʋ kɩsɛɛmʋʋ altaaru yɔɔ.+
7 Ðoo ana a-taa, Ɛsɔ lɩɩ Salomɔɔ yɔɔ nɛ eheyi-i se: «Pɔzɩ-m mbʋ ŋsɔɔlaa se maha-ŋ yɔ.»+
8 Peeɖe Salomɔɔ heyi Ɛsɔ se: «Ŋlɩzɩ sɔɔlɩm siɣsiɣ ñɩmbʋ sɔsɔm nɛ ŋwɩlɩ man-caa Daviid,+ nɛ ŋpɩsɩ-m wiyaʋ e-lone taa.+
9 Lɛɛlɛɛyɔ, hayɩ Ɛsɔ Yehowa, yele nɛ lidaʋ tɔm ndʋ ŋheyi man-caa Daviid yɔ tɩla,+ mbʋ pʋyɔɔ yɔ ŋpɩsɩ-m wiyaʋ samaɣ ŋga kɔɖɔ ɛzɩ tɛtʋ yɔɔ kañɩŋa pee yɔ kɔ-yɔɔ.+
10 Lɛɛlɛɛyɔ lɛ, ha-m lɔŋsɩnɖɛ nɛ sɩmtʋ+ nɛ menɖiyi samaɣ kanɛ,* mbʋ pʋyɔɔ yɔ apɩzɩɣ nɛ ɛhʋʋ ña-samaɣ sɔsɔɔ kanɛ kɔ-tɔm?»+
11 Nɛ Ɛsɔ heyi Salomɔɔ se: «Pʋnɛ pɩkɛnɩ mbʋ ña-laŋɩyɛ sɔɔlaa yɔ nɛ ŋtɩpɔzɩ se ŋwɛɛnɩ wondu sakɩyɛ, ñɩm, nɛ hɩɖɛ ɖʋʋ, yaa mba papaɖɩɣ-ŋ yɔ pa-sɩm,* nɛ ŋtɩpɔzɩ ɖɔɖɔ wezuu kɩɖaɣlʋʋ,* ɛlɛ ŋpɔzɩ lɔŋsɩnɖɛ nɛ sɩmtʋ se ŋhʋʋnɩ tɔm man-samaɣ ŋga kɔ-yɔɔ mansɩ-ŋ wiyaʋ yɔ; pʋyɔɔ lɛ,+
12 mankaɣ-ŋ haʋ lɔŋsɩnɖɛ nɛ sɩmtʋ; ɛlɛ mankaɣ-ŋ haʋ ɖɔɖɔ wondu sakɩyɛ nɛ ñɩm nɛ hɩɖɛ ɖʋʋ, nɛ awiya wena alɛyɩ-ŋ wɛʋ yɔ a-taa nɔɔyʋ taawɛɛnɩ mbʋ, nɛ ña-wayɩ lɛ nɔɔyʋ ɛɛkaɣ mbʋ wɛnʋʋ.»+
13 Nɛ Salomɔɔ lɩɩnɩ lone kʋkʋyɩyɛ taa Gabawɔɔ,+ kediɣzaɣ kizinziku ɛsɩndaa, nɛ ɛkɔɔ Yeruzalɛm; nɛ ɛtɔɔ kewiyitu Izrayɛɛlɩ yɔɔ.
14 Salomɔɔ wɛɛ nɛ ekpeɣliɣ kɛɛkɛɛnaa nɛ kpaŋnaŋ* nɛ ɛkpazɩɣ huwa; ɛɛwɛnɩ kɛɛkɛɛnaa 1 400 nɛ kpaŋnaŋ* 12 000,+ nɛ ɛsɩɩ-wɛ kɛɛkɛɛnaa tɛtʋ ndɩ ndɩ taa+ nɛ lona wena añɔtɩnɩ wiyaʋ yɔ a-taa Yeruzalɛm taa.+
15 Wiyaʋ yeba nɛ liidiye ñɩɣtʋ nɛ sika tɔyɩ Yeruzalɛm taa siŋŋ ɛzɩ pɛɛ yɔ,+ nɛ sɛɛdrɩ ɖasɩ tɔyɩ siŋŋ ɛzɩ sikomɔɔrɩ tɩŋ Seefela taa yɔ.+
16 Ejipiti payakaɣ Salomɔɔ kpaŋnaŋ nɛ pɔkɔŋna,+ nɛ liidiye kʋɖʋmɖɩyɛ wiyaʋ tadɩyɛ laɖaa yakaɣnɩ kpaŋnaŋ tindimiye kʋɖʋmɖɩyɛ.*+
17 Paa kɛɛkɛɛ ŋgʋ lɛ, payakaɣ-kʋ Ejipiti nɛ liidiye pɔɔyɩsɩ 600, nɛ payakaɣ kpaŋnʋ nɛ liidiye pɔɔyɩsɩ 150; pʋwayɩ lɛ paɖaɣnɩɣ-wɛ pɛdɩnʋʋ Hɛɛtɩ mba awiya tɩŋa nɛ Siirii awiya.
Pɩ-tɛɛ tɔm
^ Yaa «pɔpɔzaɣ nɛ patɩlɩɣ ɛ-lɩmaɣza peeɖe.»
^ Piye piye, «nɛ malɩɩ samaɣ kanɛ kɛ-ɛsɩndaa nɛ mansʋʋ.»
^ Yaa «pa-kalɩzaɣ.»
^ Piye piye, «kɩyakɩŋ sakɩyɛ.»
^ Yaa «kpaŋnaŋ yɔɔ caɣyaa.»
^ Yaa «kpaŋnaŋ yɔɔ caɣyaa.»
^ Pɩpɩzɩɣ pɩkɛ, «Payakaɣ Salomɔɔ kpaŋnaŋ nɛ Ejipiti nɛ Kuwee; wiyaʋ tadɩyɛ laɖaa yakaɣ-ɩ Kuwee;» pɩtɩla Siliisii payaɣ se Kuwee.
