Efɛɛzɩ mba 4:1-32
4 Pʋyɔɔ lɛ, ma salaka tʋ+ Kɩbaɣlʋ taa, mentendiɣ-mɩ se ɩɖɔ ɖɔnɛ nɖɩ ɖɩmʋnɩ+ yatʋ ndʋ payanɩ-mɩ yɔ
2 nɛ tɩ luzuu+ nɛ hɛɛɛ wɛtʋ tɩŋa, nɛ suuɖu,+ ɩɖɔkɩ mɩ-tɩ ɖama lakasɩ yɔɔ nɛ sɔɔlɩm,+
3 ɩñaɣ pana siŋŋ nɛ nɔɔ kʋɖʋmaɣ ŋga fezuu yeba nɛ ɩwɛɛna yɔ, kɛwɛɛ mbʋ tam laŋhɛzɩyɛ tomiye nɖɩ ɖɩhɔkɩ-mɩ nɛ ɖama yɔ ɖɩ-taa.+
4 Tomnaɣ kʋɖʋmaɣ wɛna,+ nɛ fezuu kʋɖʋmʋʋ,+ ɛzɩ lidaʋ kʋɖʋmʋʋ wɛʋ+ nɛ payaa-mɩ kɩ-yɔɔ yɔ;
5 Kɩbaɣlʋ kʋɖʋm,+ tisuu kʋɖʋmʋm, lɩm mɩyɩsʋʋ kʋɖʋmʋm;
6 Ɛsɔ kʋɖʋm nɛ ɛkɛ ɛyaa tɩŋa Caa, ɛnʋ weyi ɛwɛ ɛyaa tɩŋa ñʋʋ yɔɔ, nɛ ɛtɩŋɩɣnɩ ɛyaa tɩŋa yɔɔ nɛ ɛlakɩ tʋmɩyɛ nɛ ɛlakɩ-ɖɩ pa-tɩŋa pa-taa yɔ.
7 Nɛ palabɩ ɖa-taa paa weyi lootiye nɛ pɩla nɔɔ kʋɖʋmaɣ nɛ ɛzɩma Krɩstʋ maɣzɩ kʋjɔʋ* nɛ ɛha-ɖʋ yɔ.+
8 Mbʋ pʋyɔɔ yɔ Masɩ yɔɔdʋʋ se: «Ɛkpa hayo lɛ, ɛkpɛndɩnɩ yomaa; ɛha ɛyaa se pɛkɛ kʋjɔŋ.»+
9 Lɛɛlɛɛyɔ, pɔtɔm se «ɛkpawa» yɔ pʋ-tɔbʋʋ lɛ suwe? Pʋ-tɔbʋʋ lɛ se etibi ɖɔɖɔ pɩ-tɛɛ ageeta taa, pʋ-tɔbʋʋ lɛ se tɛtʋ yɔɔ.
10 Weyi ɖeyi ɖeyi etiba yɔ, ɛnʋ kpanɩ+ ɖɔɖɔ ɖooo ɛsɔdaa,+ se ɛpɩzɩ nɛ ɛha wondu kpeekpe mbʋ pɩwɛ pilim yɔ.
11 Nɛ ɛha nabɛyɛ se pɛkɛ apostoloowaa,+ nabɛyɛ se pɛkɛ nayaa,+ nabɛyɛ se pɛkɛ tɔm kɩbandʋ susuyaa,+ nabɛyɛ se pɛkɛ ninɖiɣyaa nɛ wɩlɩyaa;+
12 ɛlabɩ mbʋ se ɛñɔɔzɩ* ɛyaa kiɖeɖema nɛ pala lɩm ɖʋʋ tʋmɩyɛ, se ɛma* Krɩstʋ tomnaɣ,+
13 pɩkɔɔ nɛ pɩtalɩ alɩwaatʋ ndʋ ɖa-tɩŋa ɖɩwɛ nɔɔ kʋɖʋmaɣ tisuu taa nɛ Ɛsɔ Pɩyalʋ sɩmtʋ toovenim ñɩndʋ taa yɔ, nɛ ɖɩkɛ ɛyaa mba papaɣlaa nɛ pɛtɛ yɔ,*+ ɖɩpɩɩ nɛ ɖɩtalɩ pilim wɛtʋ ndʋ Krɩstʋ wɛna yɔ.
14 Pʋyɔɔ lɛ, pɩtɩpɔzɩ se ɖɩtasɩ kɛʋ piya, nɛ paa wɩlɩtʋ ndʋ lɛ ti-helim cɔzʋʋ-ɖʋ nɛ pɩkɛzɩɣ-ɖʋ hɔɔlɩŋ tɩŋa taa ɛzɩ lɩm hola yɔ,+ pɩtɩŋnɩ ɛyaa cɛtɩm yɔɔ nɛ pɩtɩŋnɩ ajitu tɔm yɔɔ.
15 Ɛlɛ ɛzɩma ɖɩyɔɔdʋʋ toovenim yɔ pʋyɔɔ lɛ, iyele nɛ ɖɩtɩŋnɩ sɔɔlɩm yɔɔ nɛ ɖɩpaɣlɩ pɩtɩŋa pɩ-taa Krɩstʋ weyi ɛkɛ ñʋʋdʋ yɔ ɛ-taa.+
16 Ɛ-yɔɔ pɩtɩŋnaa nɛ tomnaɣ tɩŋa+ kpɛndɩ camɩyɛ nɛ kala nɔɔ kʋɖʋmaɣ pɩtɩŋnɩ paa ɖɩdanɖɛ nɖɩ ɖɩhaɣ-kɛ mbʋ pɩpɔzʋʋ yɔ ɖɩ-yɔɔ. Alɩwaatʋ ndʋ paa piliŋa ŋga lɛ kalakɩ tʋmɩyɛ camɩyɛ yɔ, piyeki se tomnaɣ ɛpaɣlɩ, mbʋ pʋyɔɔ yɔ kamaɣ ka-tɩ* sɔɔlɩm taa.+
17 Pʋyɔɔ lɛ, tɔm ndʋ mɔyɔɔdʋʋ nɛ malɩzɩɣ aseɣɖe Kɩbaɣlʋ taa yɔ, ndʋ lɛ se pɩtɩpɔzɩ se ɩtasɩ wɛʋ nɛ ɩɖɔŋ ɛzɩ ajɛɛ taa mba ɖɔɖɔ ɖɔŋʋʋ+ pa-falaa maɣzɩm* taa yɔ.+
18 Pɛwɛ cɩkpɛndʋʋ taa pa-maɣzɩm taa nɛ poposini wezuu ŋgʋ kɩlɩnɩ Ɛsɔ cɔlɔ yɔ, mbʋ pʋyɔɔ yɔ pɛwɛ kaatɩlɩtʋ taa nɛ pa-laŋa wɛɛ kpɩzɩŋ.
19 Fɛyɛ ɛɛtasɩɣ-wɛ kpaʋ; pʋyɔɔ lɛ, pɛcɛlɩ pa-tɩ lakasɩ nzɩ sɩwɛ fɛyɛ yɔ*+ se pɩsa nɛ pala azuluma lakasɩ ndɩ ndɩ, ɛlɛ paañɩɣzɩɣ.*
20 Ɛlɛ ɩtɩkpɛlɩkɩ se mbʋ Krɩstʋ wɛɛ,
21 ye toovenim taa ɩɩnɩ ɛ-tɔm nɛ patɩŋnɩ ɛ-yɔɔ nɛ pawɩlɩ-mɩ tɔm, ɛzɩ toovenim wɛʋ Yesu taa yɔ.
22 Paawɩlɩ-mɩ se ɩlɔ ɛyʋtʋ kɩbɩndʋ+ ndʋ tɩlakɩ nɔɔ kʋɖʋmaɣ nɛ ɖɔnɛ nɖɩ ɩɖɔŋaɣ ɖooo lɛ yɔ, mbʋ pʋyɔɔ yɔ mɩ-ɛyʋtʋ kɩbɩndʋ wɛɛ nɛ tɩtɛzɩɣ wɛɛkʋʋ, mbʋ pʋyɔɔ yɔ mi-liu sɔɔlɩm peɣzi-mɩ.+
23 Nɛ pɩwɛɛ se iwolo pɩ-yɔɔ nɛ ɩpɩsɩɣ ɛyaa kɩfama maɣzɩm mbʋ piɖiyiɣ-mɩ yɔ* pɩ-taa,+
24 nɛ isuu ɛyʋtʋ kɩfatʋ+ ndʋ palɩzɩ-tʋ siɣsiɣ wɛtʋ toovenim ñɩndʋ nɛ Ɛsɔ ñɔnʋʋ siŋŋ pa-taa ɛzɩ Ɛsɔ sɔɔlʋʋ yɔ.
25 Ye mbʋ, lɛɛlɛɛyɔ ɩlɔ cɛtɩm; pʋyɔɔ lɛ, mɩ-taa paa weyi eheyi ɛ-taabalʋ toovenim,+ mbʋ pʋyɔɔ yɔ ɖɩkɛ ɖama pilinzi.+
26 Pɩwɩzɩ-mɩ, ɛlɛ ɩtaala kɩwɛɛkɩm;+ ɩtaawɛɛ pana taa mbʋ nɛ wɩsɩ ɖʋ;+
27 ɩtaaha Eleeu waɖɛ naɖɩyɛ.*+
28 Weyi ɛmɩlɩɣ yɔ ɛtaatasɩ mɩlʋʋ, ɛlɛ ɛla tʋmɩyɛ nɛ kpekpeka, ɛla tʋmɩyɛ kɩbanɖɛ nɛ e-nesi,+ se pɩsa nɛ ehiɣ nabʋyʋ nɛ ɛha weyi ɛwɛ kɩcɛyɩm taa yɔ.+
29 Tɔm kɩɖazɩtʋ natʋyʋ ɛtaalɩɩnɩ mɩ-nɔɔ taa,+ ɛlɛ tɔm ndʋ tɩwɛ ɖeu se tɩpɩzɩɣ nɛ tɩkpazɩ ɛyʋ ɖoŋ alɩwaatʋ ndʋ pɩpɔzʋʋ yɔ, ti-ɖeke pɩwɛɛ se tɩlɩɩnɩ mɩ-nɔɔ taa, se tɩwazɩ mba panɩɣ-tʋ yɔ.+
30 Pɩtasɩ lɛ, ɩtaawɛɛ nɛ ɩɖʋʋ ɖɩwɩzɩyɛ Ɛsɔ fezuu kiɖeɖeu.*+ Mbʋ pʋyɔɔ yɔ kɩ-yɔɔ patɩŋnaa nɛ pañɩɣ mɩ-yɔɔ mayaɣ+ se pɩtɩŋnɩ kɩhɛyʋʋ pʋ-ñʋʋ taa yɔɔ nɛ poholi-mɩ ñʋʋ yabʋ kɩyakʋ wiye.+
31 Ɩlɩzɩ mɩ-hɛkʋ taa paa ɛyaa caɣnʋʋ kadadayaɣ mbʋ lɛ,+ pana, ɖɩwɩzɩyɛ, hola, nɛ tɔm ndʋ tɩɖʋʋ ɖɩwɩzɩyɛ yɔ,+ nɛ mbʋ payɩ pɩkɔŋnɩ ɛyʋ kaɖɛ yɔ.+
32 Ɛlɛ ɩlakɩ ɖama camɩyɛ, ɩpɩsɩ pʋtɔdɩyɛ nayaa siŋŋ,+ nɛ ikpeɣ ɖama faaa ɛzɩ Ɛsɔ ɖɔɖɔ tɩŋnʋʋ Krɩstʋ yɔɔ nɛ ekpeɣ-mɩ faaa yɔ.+
Pɩ-tɛɛ tɔm
^ Yaa «falaa kʋjɔʋ.»
^ Yaa «ɛfalɩsɩ.»
^ Yaa «ɛkpazɩ ɖoŋ.»
^ Yaa «mba papɩwa yɔ.»
^ Yaa «kakpazɩɣ ka-tɩ ɖoŋ.»
^ Yaa «pa-maɣzɩm mbʋ pɩfɛyɩ wazaɣ yɔ.»
^ Grɛɛkɩ taa lɛ aselijeyiya. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «nɛ ɛsa naɣ naɣ.»
^ Yaa «ɖoŋ weyi ɩlakɩ tʋmɩyɛ mɩ-maɣzɩm taa yɔ.» Piye piye, «mɩ-maɣzɩm fezuu.»
^ Yaa «ɩtaaha Eleeu nʋmɔʋ.»
^ Yaa «itaayele nɛ Ɛsɔ fezuu kiɖeɖeu wɛɛ laŋwɛɛkɩyɛ taa.»
