Keɣa 11:1-7
Hendu teyaa ñʋʋdʋ. Daviid hendu.
11 Yehowa manɖʋ kʋyʋʋ.+
Ye mbʋ, ɛzɩma ɩpɩzɩɣ nɛ iheyi-m* se:
«Se ɛzɩ sumaɣ yɔ nɛ ŋɖɛɛ ña-pʋʋ taa!
2 Na ɛzɩma kañatʋ tɩnaa kotuu tɔʋ yɔ;Paɖʋʋ pɔ-tɔʋ ñɩmɩyɛ tɔʋ nimiye yɔɔ,Se pɛwɛɛ cɩkpɛndʋʋ taa nɛ pɔtɔ-ɖɩ mba pa-laŋa wɛ siɣsiɣ yɔ.
3 Alɩwaatʋ ndʋ pɔyɔkʋʋ tigila* yɔ,Ɛbɛ ɛyʋ siɣsiɣ tʋ pɩzɩɣ nɛ ɛla?»
4 Yehowa wɛ e-templo kiɖeɖeu taa.+
Yehowa kewiyaɣ kpelaɣ wɛ ɛsɔdaa.+
Ɛ-ɛsa naɣ, ɛ-ɛsa wena afeŋiɣ* yɔ, atazɩɣ ɛyaa pɩyalaa taa.+
5 Yehowa tazɩɣ ɛyʋ siɣsiɣ tʋ nɛ kañatʋ tʋ pa-taa;+Ɛpaɖɩɣ* mba payɩ pɔsɔɔlɩ puuyaɣ lakasɩ yɔ.+
6 Ɛkaɣ yebu nɛ kpacanaa* tii kañatʋ tɩnaa yɔɔ ɛzɩ tɛʋ yɔ;Miŋ, tɩm+ nɛ helim miŋ ñɩmbʋ pakaɣ ñɔʋ.*
7 Mbʋ pʋyɔɔ yɔ Yehowa wɛ siɣsiɣ;+ ɛsɔɔlɩ siɣsiɣ lakasɩ.+
Ɛyaa siɣsiɣ tɩnaa kaɣ naʋ ɛ-ɛsɩndaa.*+
Pɩ-tɛɛ tɔm
^ Yaa «iheyi man-kalɩzaɣ.»
^ Yaa «siɣsiɣ tɔm tigila.»
^ Yaa «añɩlɩsɩɣ.»
^ Yaa «Ɛ-kalɩzaɣ paɖɩɣ; E-keem ɛpaɖɩɣ.»
^ Pɩpɩzɩɣ pɩkɛ, «miŋ mamala.»
^ Yaa «Miŋ, tɩm nɛ helim miŋ ñɩmbʋ kaɣnɩ kɛʋ pɔ-kɔpʋ.»
^ Yaa «Ɛkaɣ ɛyaa siɣsiɣ tɩnaa pʋtɔdɩyɛ naʋ.»
