Keɣa 24:1-10
-
Samtʋ Wiyaʋ sʋʋnɩ nɔnɔsɩ
-
«Yehowa tɩnɩ tɛtʋ» (1)
-
Daviid hendu.
24 Yehowa tɩnɩ tɛtʋ nɛ mbʋ payɩ pɩwɛ tɩ-yɔɔ yɔ,+Ɛnʋ tɩnɩ kedeŋa nɛ mba pɛwɛ kɔ-yɔɔ yɔ.
2 Mbʋ pʋyɔɔ yɔ ɛkam tɛtʋ cɩŋ cɩŋ teŋgunaa yɔɔ+Nɛ ɛcaɣzɩ-tʋ camɩyɛ pɔsɩ yɔɔ.
3 Apɩzɩɣ nɛ ɛkpa Yehowa pʋʋ taa?+
Nɛ apɩzɩɣ nɛ ɛsɩŋ e-lone kiɖeɖeye taa?
4 Weyi e-nesi tɩɖɔɔ wɛɛ, nɛ ɛ-laŋɩyɛ wɛ kele kele yɔ,+Weyi etiɖuuni Me-wezuu* cɛtɩm ɖuutu yɔ,
Nɛ etiɖuu cɛtɩm ɖuutu natʋyʋ yɔ.+
5 Ɛkaɣ mʋʋ wazasɩ Yehowa cɔlɔ+Nɛ ɛmʋ siɣsiɣ wɛtʋ Ɛsɔ weyi ɛyakɩ ɛ-ñʋʋ yɔ ɛ-cɔlɔ.+
6 Mba pañɩnɩɣ-ɩ yɔ pa-kpaɖʋʋ lɛ,Oo Yakɔɔb tɛ Ɛsɔ, mba pañɩnɩɣ se pana ñɛ-ɛsɩndaa yɔ pa-kpaɖʋʋ. (Sɛɛla)
7 Mɩ nɔnɔsɩ, ɩkpazɩ mɩ-ñʋŋ;+Mɩ caanaʋ taa pɔɔyɩŋ, ɩtʋlɩ mɩ-tɩ,*Nɛ samtʋ Wiyaʋ sʋʋ!+
8 Anɩ lɛ samtʋ Wiyaʋ ɛnʋ?
Yehowa, hoɖe tʋ nɛ ɖoŋ tʋ,+Yehowa, weyi ɛwɛ ɖoŋ you taa yɔ.+
9 Mɩ nɔnɔsɩ, ɩkpazɩ mɩ-ñʋŋ;+Mɩ caanaʋ taa pɔɔyɩŋ, ɩtʋlɩ mɩ-tɩ,Nɛ samtʋ Wiyaʋ sʋʋ!
10 Samtʋ Wiyaʋ ɛnʋ, anɩ ɛkɛnaa?
Yoyaa tɛ Yehowa lɛ samtʋ Wiyaʋ ɛnʋ.+ (Sɛɛla)
Pɩ-tɛɛ tɔm
^ Yaa «Man-kalɩzaɣ,» Yehowa wezuu ŋgʋ ɛyʋ nɔɔyʋ ɖukina yɔ, kɩ-tɔm pɔyɔɔdʋʋ.
^ Yaa «ɩkʋyɩ.»
