Keɣa 32:1-11
Daviid hendu. Masɩkili.*
32 Koboyaɣ tʋ lɛ weyi pekpeɣ-i ɛ-kɩwɛɛkɩm yɔ, weyi pohuuzi ɛ-kɩdɛkɛdɩm yɔɔ yɔ.*+
2 Koboyaɣ tʋ lɛ ɛyʋ weyi Yehowa ɛɛkʋʋ ɛ-tɔm se ɛlabɩ kɩwɛɛkɩm yɔ,+Weyi cɛtɩm nabʋyʋ fɛyɩ ɛ-lɩmaɣza taa yɔ.
3 Alɩwaatʋ ndʋ maasum tamɩyɛ yɔ, mɔ-mɔɔ pʋkaɣ, mbʋ pʋyɔɔ yɔ mɔmɔlaɣ evemiye kpeekpe.+
4 Mbʋ pʋyɔɔ yɔ wɩsɩ nɛ ɖoo, ñe-nesi* yuŋ kaawɛ mɔ-yɔɔ.+
Mon-ɖoŋ tɛma ɛzɩ lɩm sɔɔʋ lʋŋɩyɛ taa soŋaɣ alɩwaatʋ taa yɔ. (Sɛɛla)
5 Pɩtɛmnaa se monkuli man-kɩdɛkɛdɩm yɔɔ nɛ meheyi-ŋ;Mantihuuzi man-kɩwɛɛkɩm yɔɔ.+
Mɔyɔɔdaa se: «Mankaɣ kuluu man-kɩwɛɛkɩm yɔɔ nɛ meheyi Yehowa.»+
Nɛ ŋkpeɣ-m man-kɩwɛɛkɩm, man-kɩdɛkɛdɩm.+ (Sɛɛla)
6 Pʋyɔɔ paa ɛyʋ siɣsiɣ tʋ weyi lɛ, ɛkaɣ-ŋ tɩmnʋʋ+Alɩwaatʋ ndʋ papɩzɩɣ nɛ pana-ŋ yɔ.+
Ðɩnɛ ɛlɛ, halɩ paa lɩm ɛwadaa yɔ pɩɩkaɣ-ɩ hiɣu.
7 Ŋkɛ-m ɖɩmɛlɩyɛ;Ŋkaɣ mɔ-yɔɔ kandɩyʋʋ se kʋñɔŋ ɛtaatalɩ-m.+
Ŋkaɣ labʋ nɛ ñʋʋ yabʋ taa leleŋ kogoye cɔ-m nɛ pɩta.+ (Sɛɛla)
8 «Mankaɣ-ŋ haʋ lɛɣtʋ nɛ mawɩlɩ-ŋ nʋmɔʋ ŋgʋ kɩ-taa pɩwɛɛ se ŋɖɔ yɔ.+
Mɛ-ɛsɩyɛ kaɣ wɛʋ ñɔ-yɔɔ nɛ mantasɩ-ŋ lɔŋ.+
9 Taawɛɛ ɛzɩ kpaŋnʋ yaa kpaŋaɣ yɔ, kpɩna ana afɛyɩnɩ lɛɣtʋ,+Pʋcɔ nɛ ŋwɛɛnɩ ɖoŋ a-yɔɔ nɛ añɔtɩnɩ-ŋ lɛ,
Pɩwɛɛ se ɛyʋ ɛɖʋ a-nɔsɩ taa ñɩɣtʋ yaa ɛhɔkɩ a-nɔsɩ yɔɔ nimiye.»
10 Kañatʋ tʋ wɩzasɩ ɖɔwa;Ɛlɛ weyi ɛtaɣ Yehowa liu yɔ, Ɛ-sɔɔlɩm siɣsiɣ ñɩmbʋ cɔʋ-ɩ nɛ pɩta.+
11 Mɩ mba ɩwɛ siɣsiɣ yɔ, Yehowa yɔɔ lɛ, ɩwɛɛ laŋhʋlʋmɩyɛ taa, ɩwɛɛ taa leleŋ taa;Mɩ mba payɩ mɩ-laŋa wɛ siɣsiɣ yɔ, ikoo taa leleŋ kogoye.
