Keɣa 37:1-40
Daviid hendu.
א [Alɛf]
37 Ña-taa ɛtaawɩɩ* ɛyaa kɩdɛkɛdaa yɔɔNɛ taaɖʋ ɛsɩyɛ kɩdɛkɛdɩm laɖaa yɔɔ.+
2 Pakaɣ lou lɛɛ lɛɛ ɛzɩ ñɩyʋʋ yɔ+Nɛ pawɩlɩ ɛzɩ ñɩyʋʋ lɛŋ ñɩŋgʋ yɔ.
ב [Bɛtɩ]
3 Taa Yehowa liu nɛ ŋla mbʋ pɩwɛ ɖeu yɔ;+Caɣ tɛtʋ* yɔɔ, nɛ ŋla mbʋ pɩwɛ siɣsiɣ yɔ.+
4 Yehowa yɔɔ lɛ, nɩɩ leleŋ sɔsɔŋ,*Nɛ ɛkaɣ-ŋ haʋ mbʋ ña-laŋɩyɛ sɔɔlaa yɔ.
ג [Gimɛl]
5 Ðʋzɩ ña-nʋmɔʋ Yehowa nesi tɛɛ;*+Taa-ɩ liu, nɛ ɛkaɣ labʋ mbʋ pɩwazɩɣ-ŋ yɔ.+
6 Ɛkaɣ labʋ nɛ ñe-siɣsiɣ wɛtʋ ñandɩ ɛzɩ tanaŋ tɛɛ ñalɩmɩyɛ yɔ,Nɛ ɛla nɛ ñe-siɣsiɣ tɔm ñandɩ ɛzɩ wɩsɩ kaalaŋa yɔ.
ד [Dalɛtɩ]
7 Su tamɩyɛ Yehowa ɛsɩndaa+Nɛ ŋɖaŋɩ-ɩ kpam.
Ña-taa ɛtaawɩɩnɩ ɛyʋ weyi ɛ-tamasɩ kɩdɛkɛdɩsɩ ɖɔŋnɩ-ɩ camɩyɛ yɔ.+
ה [He]
8 Yele pana nɛ ŋlɔ hɔpɩsɩyɛ;+Ña-taa ɛtaawɩɩ nɛ piyele nɛ ŋla kɩdɛkɛdɩm.*
9 Mbʋ pʋyɔɔ yɔ pakaɣ ɖɩzʋʋ ɛyaa kɩdɛkɛdaa,+Ɛlɛ mba pataɣ Yehowa liu yɔ, tɛtʋ kaɣ pɩsʋʋ pa-ñɩm.+
ז [Vav]
10 Pɩkazɩ alɩwaatʋ pazɩ yem, kañatʋ tɩnaa ɩɩkaɣ tasʋʋ wɛʋ;+Ŋkaɣ cɔnʋʋ ɖenɖe paawɛɛ yɔ,
Nɛ paakaɣ tasʋʋ wɛʋ peeɖe.+
11 Ɛlɛ tɛtʋ kaɣ pɩsʋʋ hɛɛɛ tɩnaa ñɩm,+Nɛ pa-taa kaɣ labʋ leleŋ siŋŋ, mbʋ pʋyɔɔ yɔ laŋhɛzɩyɛ tɔyʋʋ.+
ז [Zayin]
12 Kañatʋ tʋ taŋ tamasɩ kɩdɛkɛdɩsɩ ɛyʋ siɣsiɣ tʋ yɔɔ;+Ɛ-yɔɔ lɛ, ɛsalɩɣ e-kela.
13 Ɛlɛ Yehowa kaɣ-ɩ woŋuu,Mbʋ pʋyɔɔ yɔ ɛnawa se kañatʋ tʋ kɩyakʋ kaɣ talʋʋ.+
ח [Hɛɛtɩ]
14 Kañatʋ tɩnaa kpɛɣ pa-laɣla nɛ pokotuu pɔ-tɔŋ*Se pala nɛ weyi ɛfɛyɩnɩ ɖoŋ nɩɩyɩ yɔ nɛ kʋñɔndʋ pɔtɔlɩ,Se pakʋ mba pa-nʋmɔʋ tʋʋzaa yɔ.
15 Ɛlɛ pa-laɣla kaɣ tʋlʋʋ pa-maɣmaɣ pa-laŋa;+Pɔ-tɔŋ kaɣ pɛlʋʋ.
ט [Tetɩ]
16 Mbʋ siɣsiɣ tʋ wɛnɩ pazɩ yɔ,Pɩwɛ ɖeu nɛ pɩkpaɖɩ wondu sakɩyɛ ndʋ kañatʋ tɩnaa sakɩyɛ wɛna yɔ.+
17 Mbʋ pʋyɔɔ yɔ kañatʋ tɩnaa nesi kaɣ pɛlʋʋ,Ɛlɛ Yehowa kaɣ sɩnʋʋ siɣsiɣ tɩnaa.
י [Yod]
18 Yehowa sɩm kaɖɛ nɖɩ ɛyaa mba pɛfɛyɩnɩ kɩwɛɛkɩtʋ natʋyʋ yɔ pakatɩɣ yɔ,*Nɛ pa-ñɩm kaɣ wɛʋ tam.+
19 Fɛyɛ ɛɛkaɣ-wɛ kpaʋ asɛyʋʋ alɩwaatʋ taa;Pakaɣ wɛnʋʋ tɔɔnaɣ sakɩyɛ ñɔɔsɩ alɩwaatʋ taa.
כ [Kaf]
20 Ɛlɛ kañatʋ tɩnaa kaɣ tɛŋɩlʋʋ;+Yehowa koyindinaa kaɣ mʋʋʋ ɛzɩ kpɩna ñɩtʋ ɖɩdɔɔyɛ lona wena anɛɣdɩ camɩyɛ yɔ;Pakaɣ mʋʋʋ ɛzɩ ñɔsɩ yɔ.
ל [Lamɛd]
21 Kañatʋ tʋ kɩndɩɣ nɛ ɛɛpɩsɩɣna,Ɛlɛ ɛyʋ siɣsiɣ tʋ wɛ kʋjɔʋ* nɛ ɛhaɣ.+
22 Mba Ɛsɔ wazɩɣ-wɛ yɔ, tɛtʋ kaɣ pɩsʋʋ pa-ñɩm,Ɛlɛ mba pɔ-yɔɔ ɛlɔʋ nɔɔ kɩdɛkɛdaɣ yɔ, pakaɣ-wɛ ɖɩzʋʋ.+
מ [Mem]
23 Yehowa ɖiyiɣ ɛyʋ nɩŋgbanzɩ*+Alɩwaatʋ ndʋ ɛlɛ nʋmɔʋ kɛdɩnɩ-ɩ yɔ.+
24 Paa pituuli-i yɔ, ɛɛkaɣ tɔlʋʋ kpʋʋʋ,+Mbʋ pʋyɔɔ yɔ Yehowa ɖɔkʋʋ e-nesi.*+
נ [Nuuni]
25 Maakɛ evebu nɛ lɛɛlɛɛyɔ mankpadɩyaa,Ɛlɛ wiɖiyi mantɩna pɔlɔ ɛyʋ siɣsiɣ tʋ nɔɔyʋ,+Nɛ mantɩna ɖɔɖɔ e-piya ñɩnɩɣ tɔɔnaɣ.*+
26 Paa ɛzɩmtaa lɛ, ɛkɩndɩɣ ɛyaa faaa,+Nɛ wazaɣ ɖaŋ e-piya.
ס [Samɛk]
27 Ha siɣye kɩdɛkɛdɩm nɛ ŋla mbʋ pɩwɛ ɖeu yɔ,+Nɛ ŋkaɣ wɛʋ tam.
28 Mbʋ pʋyɔɔ yɔ Yehowa sɔɔlɩ siɣsiɣ wɛtʋ,Nɛ ɛɛkaɣ lɔʋ mba pɛwɛ siɣsiɣ ɛ-ɛsɩndaa yɔ.+
ע [Ayin]
Ɛkaɣ pɔ-yɔɔ kandɩyʋʋ paa ɛzɩmtaa;+Ɛlɛ ɛkaɣ ɖɩzʋʋ kañatʋ tɩnaa lʋlʋʋ taa mba.+
29 Tɛtʋ kaɣ pɩsʋʋ ɛyaa siɣsiɣ tɩnaa ñɩm,+Nɛ pakaɣ caɣʋ tɩ-yɔɔ tam.+
פ [Pe]
30 Ɛyʋ siɣsiɣ tʋ nɔɔ haɣ lɔŋsɩnɖɛ,*Nɛ ɛ-nzʋlʋmɩyɛ yɔɔdʋʋ siɣsiɣ wɛtʋ tɔm.+
31 Ɛ-Ɛsɔ paɣtʋ wɛ ɛ-laŋɩyɛ taa;+Pɩɩkaɣ ɛ-nɩŋgbanzɩ tuu.+
צ [Cade]
32 Kañatʋ tʋ cɔŋʋʋ ɛyʋ siɣsiɣ tʋNɛ ɛñɩnɩɣ se ɛkʋ-ɩ.
33 Ɛlɛ Yehowa ɛɛkaɣ-ɩ yebu ɛlɛ nesi tɛɛ+Nɛ ɛɛkaɣ kʋʋ ɛ-tɔm alɩwaatʋ ndʋ ɛhʋʋ ɛ-tɔm yɔ.+
ק [Kof]
34 Taa Yehowa liu nɛ ŋtɩŋ ɛ-nʋmɔʋ,Nɛ ɛkaɣ-ŋ kpazʋʋ se tɛtʋ ɛpɩsɩ ña-ñɩm.
Alɩwaatʋ ndʋ paɖɩzɩɣ kañatʋ tɩnaa yɔ,+ ŋkaɣ naʋ.+
ר [Resɩ]
35 Mana kañaɣ, ɛyʋ kɩdɛkɛdʋ,Ɛyɛzaɣ ɛzɩ tɩʋ ŋgʋ kɩwɛ hatʋ camɩyɛ kɩ-tɛtʋ yɔɔ yɔ.+
36 Ɛlɛ ɛmʋʋ tuda yem nɛ ɛtɩtasɩ wɛʋ;+Maawɛ-ɩ ñɩnʋʋ yɔɔ, ɛlɛ mantɩna-ɩ.+
ש [Sin]
37 Cɔnɩ ɛyʋ weyi ɛfɛyɩnɩ kɩwɛɛkɩtʋ natʋyʋ yɔ,*Ñɛ-ɛsɩyɛ ɛwɛɛ ɛyʋ siɣsiɣ tʋ+ yɔɔ,Mbʋ pʋyɔɔ yɔ ɛyʋ ɛnʋ ɛkaɣ wɛʋ laŋhɛzɩyɛ taa cee wayɩ.+
38 Ɛlɛ pakaɣ ɖɩzʋʋ kɩwɛɛkɩm laɖaa tɩŋa;Ðɩzʋʋ pɩtɛŋnɩ kañatʋ tɩnaa cee wayɩ.+
ת [Tav]
39 Yehowa cɔlɔ ɛyaa siɣsiɣ tɩnaa ñʋʋ yabʋ lɩɣna;+Ɛnʋ kɛnɩ pa-ɖɩjɔzɩyɛ* kʋñɔŋ alɩwaatʋ taa.+
40 Yehowa kaɣ-wɛ sɩnʋʋ nɛ eholi-wɛ.+
Ɛkaɣ-wɛ holuu kañatʋ tɩnaa nesi tɛɛ nɛ ɛya pa-ñʋʋ,Mbʋ pʋyɔɔ yɔ paɖʋ-ɩ kʋyʋʋ.+
Pɩ-tɛɛ tɔm
^ Yaa «Ñɔ-hɔyɛ etaahuu.»
^ Yaa «ɛjaɖɛ.»
^ Yaa «nɩɩ ñe-leleŋ weyi ɛkpaɖaa yɔ.»
^ Piye piye, «Pilisi ña-nʋmɔʋ Yehowa yɔɔ.»
^ Pɩpɩzɩɣ pɩkɛ, «Ña-taa ɛtaawɩɩ, mbʋ pʋyɔɔ yɔ kɩdɛkɛdɩm ɖeke pɩtɛŋna.»
^ Yaa «pɔhɔkʋʋ nimiye pɔ-tɔŋ yɔɔ.»
^ Piye piye, «sɩm ɛyaa mba pɛfɛyɩnɩ kɩwɛɛkɩtʋ natʋyʋ yɔ pa-kɩyakɩŋ.»
^ Yaa «naɣ pʋtɔdɩyɛ.»
^ Yaa «cɛyɩsɩɣ nɩŋgbanzɩ nzɩ ɛyʋ kpɛzɩɣ yɔ.»
^ Yaa «ɖɔkʋʋ-ɩ nɛ e-nesi.»
^ Piye piye, «kpɔnɔ.»
^ Yaa «Ɛyʋ siɣsiɣ tʋ yɔɔdʋʋ lɔŋsɩnɖɛ tɔm e-liu tɛɛ.»
^ Yaa «ɛɖɔkʋʋ ɛ-cɩŋgɩlɩm wɛtʋ yɔ.»
^ Yaa «po-lone ɖoŋ ñɩnɖɛ.»
