Keɣa 60:1-12
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Tɔzʋʋ Hɛɖʋʋ» yɔ. Mikɩtam.* Daviid hendu, se pawɩlɩnɩ tɔm. Alɩwaatʋ ndʋ eyoni Aram-Naarayim nɛ Aram-Zobaa, nɛ Yowaabʋ pɩsɩ nɛ ɛkʋ Edom mba 12000 Ðɔm Fɛɛʋ taa yɔ.+
60 Oo Ɛsɔ, ŋlɔ-ɖʋ; ŋmɩzɩ-ɖʋ.+
Ña-taa kaawɩnɩ-ɖʋ; ɛlɛ lɛɛ lɛɛyɔ lɛ, ɖaɣnɩ-ɖʋ mʋʋ!
2 Ŋlaba nɛ tɛtʋ ñamsɩ; ŋfaɣ-tʋ.
Tɔ tɩ-pɛŋla, mbʋ pʋyɔɔ yɔ tiɖiɣni ɖabʋ.
3 Ŋlaba nɛ ña-samaɣ tɔɔ kʋñɔŋ.
Ŋlaba nɛ ɖɩñɔɔ vɛɛ nɛ kɩcɛŋɛsɩɣ-ɖʋ.+
4 Ha* mba peseɣ-ŋ sɔɔndʋ yɔ yʋsaɣ nakɛyɛNɛ pese nɛ pɛwɛsɩ tɔʋ ñɩma.* (Sɛɛla)
5 Ya ɖa-ñʋʋ nɛ ñe-nesi kɩbanzɩ nɛ ŋcosi-ɖʋ,+Se pɩsa nɛ ña-kʋsɔɔlaa hiɣ ñʋʋ yabʋ.
6 Ɛsɔ yɔɔdɩ e-kele kele wɛtʋ* taa se:
«Mankaɣ mɛyʋʋ, mankaɣ kpaɣʋ Sekɛɛm nɛ mɛncɛlɩ man-samaɣ nɛ kɩpɩsɩ ka-ñɩm,+Nɛ mankaɣ maɣzʋʋ Sukɔɔtɩ Fɛɛʋ.*+
7 Matɩnɩ Galaadɩ, ɛzɩ Manaasee+ ɖɔɖɔ yɔ,Nɛ Efrayim kɛnɩ ñɩɣtʋ hulaɣ ŋga manpaŋ ma-ñʋʋ taa yɔ;*Yuuda kɛnɩ ɖaʋ ŋgʋ mañazɩɣna yɔ.+
8 Mowaabʋ kɛnɩ ñanaɣ ŋga ka-taa mɔnkɔʋ lɩm yɔ.+
Mankaɣ lɔʋ ma-naataŋgbaɖɛ Edom yɔɔ.+
Mankaɣ kou wabɩtʋ kogoye Filistii yɔɔ.»+
9 Akaɣ-m wonuu tɛtʋ ndʋ pɛñɛyɩ-tʋ yɔ* tɩ-taa?
Akaɣ-m ɖiyuu nɛ ewoni ɖooo Edom?+
10 Ɛzɩ pɩtɩkɛ ña, Oo Ɛsɔ, ña weyi ŋlɔ-ɖʋ yɔ,Ðɛ-Ɛsɔ, ña weyi ŋŋtasɩɣ tɩŋʋʋ ɖɔ-sɔɔjanaa you taa yɔ?+
11 Sɩnɩ-ɖʋ ɖa-kʋñɔŋ taa,Mbʋ pʋyɔɔ yɔ ñʋʋ yabʋ mbʋ pɩlɩɣnɩ ɛyaa cɔlɔ yɔ pɩɩwazɩɣ pʋyʋ.+
12 Ɛsɔ kaɣnɩ labʋ nɛ ɖɩkpa ɖoŋ,+Nɛ ɛkaɣ fɛyʋʋ ɖo-koyindinaa.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Pɩpɩzɩɣ pɩkɛ, «Ŋha.»
^ Piye piye, «tɔʋ.»
^ Yaa «Kɛdɛɛŋa.»
^ Pɩpɩzɩɣ pɩkɛ, «e-lone kiɖeɖeye.»
^ Piye piye, «kɛnɩ ma-ñʋʋ tilimiye ɖoŋ ñɩnɖɛ.»
^ Pɩpɩzɩɣ pɩkɛ, «tɛtʋ ɖoŋ ñɩndʋ.»
