Keɣa 61:1-8
-
Ɛsɔ kɛ tilimiye ɖoŋ ñɩnɖɛ nɖɩ ɖɩ-tɛɛ ɛyʋ koyindinaa iihikiɣ-i yɔ
-
«Mankaɣ caɣʋ ɛgɔndʋ ñe-kizinziku tɛɛ» (4)
-
Hendu teyaa ñʋʋdʋ; petee-tʋ nɛ cɩmʋʋ wondu ndʋ tɩ-yɔɔ wɛ nimasɩ yɔ. Daviid hendu.
61 Hayɩ Ɛsɔ, welisi kubusi nzɩ mamakɩ se ŋsɩnɩ-m yɔ,Kemsi ma-adɩma.+
2 Alɩwaatʋ ndʋ mɔlɔʋ lidaʋ yɔ*+Mankaɣ mabʋ kubusi nɛ ɖooo tɛtʋ kamasɩ yɔɔ nɛ maya-ŋ.
Ðiyi-m nɛ ŋwoni kaaʋ ŋgʋ kɩkɩlɩ-m kʋyʋʋ yɔ kɩ-yɔɔ.+
3 Mbʋ pʋyɔɔ yɔ ŋkɛ man-ɖɩjɔzɩyɛ,Tilimiye ɖoŋ ñɩnɖɛ nɖɩ ɖɩkandɩyɩɣ mɔ-yɔɔ se koyindu etaahiɣ-m yɔ.+
4 Mankaɣ caɣʋ ɛgɔndʋ ñe-kizinziku tɛɛ tam;+Mankaɣ cɔzʋʋ ñe-keŋ kuzotuu taa.+ (Sɛɛla)
5 Mbʋ pʋyɔɔ yɔ, Oo Ɛsɔ, ŋnɩ mon-ɖuutu.
Ŋcɛlɩ-m ñɩm mbʋ ŋcɛlɩɣ mba peseɣ ña-hɩɖɛ sɔɔndʋ yɔ.+
6 Ŋkaɣ sɔzʋʋ kɩyakɩŋ wiyaʋ wezuu* yɔɔ,+Nɛ ɛkaɣ caɣʋ wezuu kpaɣ kpaɖʋʋ nɛ piwolo kpaɖʋʋ.
7 Ɛkaɣ caɣʋ kewiyaɣ kpelaɣ yɔɔ* tam Ɛsɔ ɛsɩndaa;+Wɩlɩ-ɩ* sɔɔlɩm siɣsiɣ ñɩmbʋ nɛ siɣsiɣ wɛtʋ nɛ pɩkandɩyɩ ɛ-yɔɔ.+
8 Ðɩnɛ ɛlɛ, mankaɣ teu samtʋ hendu* ña-hɩɖɛ tam+Nɛ mankaɣ ɖɔm mon-ɖuutu yɔɔ paa evemiye nɖɩ.+
Pɩ-tɛɛ tɔm
^ Yaa «pɩnɩɣ ma-laŋɩyɛ yɔ.»
^ Piye piye, «kɩyakɩŋ.»
^ Yaa «Ɛkaɣ wɛʋ.»
^ Yaa «Ðʋ paɣtʋ.»
^ Yaa «mankaɣ mabʋ minziiki.»
