Keɣa 86:1-17
Daviid adɩma.
86 Hayɩ Yehowa, kʋ nɩŋgbaŋʋʋ* nɛ ŋcosi-m,Mbʋ pʋyɔɔ yɔ mɛwɛ kʋñɔŋ nɛ tanɩm taa.+
2 Kandɩyɩ me-wezuu* yɔɔ, mbʋ pʋyɔɔ yɔ mɛwɛ siɣsiɣ.+
Ya ña-lɩmɖʋyʋ weyi ɛtaɣ-ŋ liu yɔ ɛ-ñʋʋ,Mbʋ pʋyɔɔ yɔ ñɛkɛnɩ mɛ-Ɛsɔ.+
3 Na man-pʋtɔdɩyɛ, hayɩ Yehowa,+Mbʋ pʋyɔɔ yɔ mayaɣ-ŋ evemiye kpeekpe.+
4 La nɛ ña-lɩmɖʋyʋ* wɛɛ taa leleŋ taa,Mbʋ pʋyɔɔ yɔ, Oo Yehowa, ñɔ-yɔɔ manpɩsɩɣna.*
5 Mbʋ pʋyɔɔ yɔ, Oo Yehowa, ŋwɛ ɖeu+ nɛ ŋsɔɔlɩ kpeɣu;+Mba payɩ payaɣ-ŋ yɔ, ŋwɩlɩɣ-wɛ sɔɔlɩm siɣsiɣ ñɩmbʋ kpem.+
6 Hayɩ Yehowa, welisi ma-adɩma;Nɛ ŋkemsi tenduu mbʋ mentendiɣ-ŋ se ŋsɩnɩ-m yɔ.+
7 Mayaɣ-ŋ man-kʋñɔŋ kɩyakʋ wiye,+Mbʋ pʋyɔɔ yɔ ŋkaɣ-m cosuu.+
8 Oo Yehowa, ɛsɔnaa taa lɛ, nɔɔyʋ fɛyɩ ɛzɩ ña yɔ,+Tʋma naayɛ fɛyɩ ɛzɩ ña-ñɩna yɔ.+
9 Ajɛɛ wena payɩ ŋlaba yɔAkaɣ kɔm nɛ aluŋ ñɛ-ɛsɩndaa, Oo Yehowa,+Nɛ akaɣ sam ña-hɩɖɛ.+
10 Mbʋ pʋyɔɔ yɔ ŋpaɣlaa nɛ ŋlakɩ piti tʋma;+Ñe-ɖeke ñɛkɛnɩ Ɛsɔ.+
11 Hayɩ Yehowa, wɩlɩ-m ña-nʋmɔʋ.+
Mankaɣ ɖɔm ño-toovenim taa.+
La nɛ ma-laŋɩyɛ kɛ kʋɖʋmɖɩyɛ* nɛ mense sɔɔndʋ ña-hɩɖɛ.+
12 Oo mɛ-Ɛsɔ Yehowa, mansaŋɩ-ŋ nɛ ma-laŋɩyɛ kpeekpe,+Nɛ mankaɣ sam ña-hɩɖɛ tam,
13 Mbʋ pʋyɔɔ yɔ sɔɔlɩm siɣsiɣ ñɩmbʋ mbʋ ŋwɩlɩɣ-m yɔ pɩpaɣlaa,Nɛ ŋyabɩ me-wezuu* ñʋʋ nɛ Pɩlaʋ* cukaŋ taa.+
14 Oo Ɛsɔ, tɩ kpazɩyaa kaɖɩɣnɩ-m;+Kañatʋ tɩnaa canɖaʋ ñɩnɩɣ se kɩlɩzɩ me-wezuu,*Nɛ paañaŋɩ-ŋ paa ññɩɩ.*+
15 Ɛlɛ ña lɛ, Oo Yehowa, ŋkɛ Ɛsɔ weyi ɛnaɣ ɛyaa pʋtɔdɩyɛ nɛ ɛnɩɣ ɛyaa wɩzasɩ yɔ,*Ŋŋkɔʋ pana lɛɛ lɛɛ, nɛ ñɔ-sɔɔlɩm siɣsiɣ ñɩmbʋ nɛ ñe-siɣsiɣ wɛtʋ* ɖɔ pɩdɩɩfɛyɩ.+
16 Pɩsɩnɩ mɔ-yɔɔ nɛ ŋna man-pʋtɔdɩyɛ.+
Ha ña-lɩmɖʋyʋ ño-ɖoŋ,+Nɛ ŋya ño-yom halɩñɩnʋ pɩyalʋ ñʋʋ.
17 Wɩlɩ-m ña-kɩbandʋ yʋsaɣ nakɛyɛ,*Se pɩsa nɛ mba papaɖɩɣ-m yɔ pana-kɛ nɛ fɛyɛ kpa-wɛ.
Mbʋ pʋyɔɔ yɔ, Oo Yehowa, ñɛkɛnɩ man-sɩnɩyʋ nɛ ma-laŋɩyɛ hɛzɩyʋ.
Pɩ-tɛɛ tɔm
^ Yaa «luzi ña-tɩ nɛ ŋwelisi.»
^ Yaa «man-kalɩzaɣ.»
^ Yaa «ña-lɩmɖʋyʋ kalɩzaɣ.»
^ Yaa «ña mankpazɩɣ man-kalɩzaɣ.»
^ Yaa «Ha-m laŋɩyɛ nɖɩ ɖɩ-taa tɩtayɩ yɔ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «man-kalɩzaɣ.»
^ Yaa «ñɩnɩɣ man-kalɩzaɣ.»
^ Yaa «patɩsɩ-ŋ pɛ-ɛsɩndaa.»
^ Yaa «nɛ ɛmaɣzɩɣ ɛyaa yɔɔ yɔ.»
^ Yaa «ño-toovenim.»
^ Yaa «Wɩlɩ-m mbʋ pɩwɩlɩɣ se ŋlakɩ kɩbandʋ yɔ.»
