Keɣa 95:1-11
95 Ɩkɔɔ nɛ ɖɩma taa leleŋ kubusi Yehowa!
Ðɩma wabɩtʋ kubusi ɖa-ñʋʋ yabʋ Kaaʋ.+
2 Ðiwolo ɛ-ɛsɩndaa nɛ ɖɩsɛɛ-ɩ se ɛlabaɣ lɛ;+Ðitee-i hendu nɛ ɖɩma wabɩtʋ kubusi.
3 Mbʋ pʋyɔɔ yɔ Yehowa kɛ Ɛsɔ sɔsɔ,Ɛkɛ Wiyaʋ sɔsɔ, ɛtɔkɩ kewiyitu ɛsɔnaa lalaa tɩŋa yɔɔ.+
4 E-nesi tɛɛ tɛtʋ cukaŋ wɛɛ;Ɛnʋ tɩnɩ pʋŋ ñʋŋ.+
5 Ɛnʋ tɩnɩ teŋgu ŋgʋ ɛlaba yɔ,+E-nesi labɩnɩ tɛtʋ waɣwaɣ.+
6 Ɩkɔɔ nɛ ɖɩsɛɛ Ɛsɔ nɛ ɖiluŋ ɛ-tɛɛ;Ðiluŋ ɖa-nʋmbɔla yɔɔ ɖa-Mayʋ Yehowa ɛsɩndaa.+
7 Mbʋ pʋyɔɔ yɔ ɛnʋ kɛnɩ ɖɛ-Ɛsɔ,Nɛ ɖɩkɛ samaɣ ŋga eɖiyiɣ yɔ,Ðɩkɛ heŋ weyi ɛcɔŋnɩ ɩ-yɔɔ yɔ.*+
Sɔnɔ, ye iwelisiɣ ɛ-nɔɔ yɔ,+
8 Ɩtaala nɛ mɩ-laŋa sʋʋ kpɩzɩŋ ɛzɩ pɩɩlabʋ Meriba* yɔ,+Ɛzɩ pɩɩlabʋ kɩyakʋ kʋlɛ Masaa,* kañɩmbusuu taa yɔ,+
9 Alɩwaatʋ ndʋ mɩ-cɔzɔnaa kaatakɩ-m yɔ;+Paakaɖɩnɩ-m, ŋgʋ paana man-tʋma.+
10 Kpaɖʋʋ ŋgʋ kɩlɩ-m sɔŋ pɩnzɩ 40, nɛ mɔyɔɔdɩ se:
«Pɛkɛ samaɣ ŋga ka-laŋɩyɛ posuuni nʋmɔʋ kɩbaŋʋ tam yɔ;Patɩkpɛlɩkɩ nɛ patɩlɩ ma-nʋmɔŋ.»
11 Pʋyɔɔ monɖuu man-pana taa se:
«Paakaɣ sʋʋ mɛ-hɛzɩyɛ taa.»+
