Keɣa 98:1-9
-
Yehowa kɛ Ñʋʋ Yaɖʋ nɛ Tɔm Hʋyʋ siɣsiɣ tʋ
-
«Yehowa yeba nɛ patɩlɩ ɛ-ñʋʋ yabʋ lakasɩ» (2, 3)
-
Hendu.
98 Itee hendu kɩfatʋ Yehowa,+Mbʋ pʋyɔɔ yɔ ɛlabɩ piti tʋma.+
E-nesi kɩbanzɩ, ɛ-nɩŋgbɛɛŋa kiɖeɖeɣa, kɔnɩ ñʋʋ yabʋ.*+
2 Yehowa yeba nɛ patɩlɩ ɛ-ñʋʋ yabʋ lakasɩ;+Ekuli e-siɣsiɣ wɛtʋ yɔɔ nɛ ɛwɩlɩ ajɛɛ ɛsɩndaa.+
3 Ɛtɔzɩ ɛ-sɔɔlɩm siɣsiɣ ñɩmbʋ nɛ siɣsiɣ wɛtʋ ndʋ ɛwɩlɩ Izrayɛɛlɩ ɖɩɣa yɔ tɩ-yɔɔ.+
Tɛtʋ kamasɩ kpeekpe na ñʋʋ yabʋ mbʋ pɩlɩnɩ ɖɛ-Ɛsɔ cɔlɔ yɔ.*+
4 Mɩ tɛtʋ kpeekpe yɔɔ mba, ikoo wabɩtʋ kogoye nɛ ɩsamnɩ Yehowa,Ɩmɛyɩ, ɩma taa leleŋ kubusi nɛ itee samtʋ hendu.*+
5 Ɩma cɩmʋʋ nɛ iteeni samtʋ hendu Yehowa,Ɩsamɩ-ɩ nɛ cɩmʋʋ nɛ hendu ndʋ tɩwɛ leleŋ yɔ.
6 Ɩhʋlɩ aganda nɛ nɔndɔŋ+Nɛ ɩmabɩnɩ wabɩtʋ kubusi Wiyaʋ Yehowa ɛsɩndaa.
7 Teŋgu nɛ mbʋ payɩ pɩwɛ kɩ-taa yɔ pɩma kubusi,Tɛtʋ ɖɔɖɔ nɛ mba payɩ pɛwɛ tɩ-yɔɔ yɔ.
8 Pɔsɩ ɩkpalɩ;Pʋŋ ɩkpɛndɩ nɛ ɩma taa leleŋ kubusi+
9 Yehowa ɛsɩndaa, mbʋ pʋyɔɔ yɔ eɖiɣni kɔm* se ɛhʋʋnɩ tɛtʋ tɔm.
Ɛkaɣ hʋʋ tɛtʋ yɔɔ ɛyaa tɔm nɛ siɣsiɣ wɛtʋ+Nɛ ɛhʋʋ ajɛɛ tɔm siɣsiɣ.+
Pɩ-tɛɛ tɔm
^ Yaa «yeba nɛ ɛwa.»
^ Yaa «na ɖɛ-Ɛsɔ wabɩtʋ.»
^ Yaa «nɛ ɩma minziiki.»
^ Yaa «mbʋ pʋyɔɔ yɔ ɛkɔma.»
