Tɔm Hʋyaa 5:1-31
5 Puwiye Debora+ nɛ Abinowaam pɩyalʋ Baaraakɩ+ pete hendu tʋnɛ:+
2 «Ɩsa Yehowa!Mbʋ pʋyɔɔ yɔ, Izrayɛɛlɩ taa you laɖaa taakpa pɔ-ñɔsɩ,*Nɛ mbʋ pʋyɔɔ yɔ, samaɣ kaaha ka-tɩ faaa.+
3 Mɩ awiya, iwelisi! Mɩ ñʋndɩnaa, ɩkʋ nɩŋgbaŋʋʋ!
Yehowa mankaɣ hendu teu.
Mankaɣ samtʋ hendu teu* Yehowa,+ Izrayɛɛlɩ tɛ Ɛsɔ.+
4 Yehowa, alɩwaatʋ ndʋ ŋlɩnɩ Seyiri yɔ,+Alɩwaatʋ ndʋ ŋkʋyɩnɩ Edom egeetiye taa yɔ,Tɛtʋ ñamsaa, nɛ ɛsɔdaa yabɩtɩ lɩm,Mɩndʋ yabɩtɩ lɩm.
5 Pʋŋ yoli* Yehowa ɛsɩndaa,+Halɩ Sinayii maɣmaɣ yoli Izrayɛɛlɩ tɛ Ɛsɔ+ Yehowa ɛsɩndaa.+
6 Anatɩ pɩyalʋ Samɩgaarɩ+ alɩwaatʋ taa,Yayɛɛlɩ+ alɩwaatʋ taa, habɛɛ kaawɛ kpɛɖɛ;Nʋmɔɖɔnaa tɩŋaɣ nʋmɔŋ kɩcɛbɩŋ.
7 Izrayɛɛlɩ kɔfɩnaa taa mba taatasɩ wɛʋ;*Pataatasɩ wɛʋ pɩkɔɔ nɛ pɩtalɩ alɩwaatʋ ndʋ ma, Debora,+ mankʋyaa yɔ,Pɩkɔɔ nɛ pɩtalɩ alɩwaatʋ ndʋ mankʋyɩ ɛzɩ ɖoyo Izrayɛɛlɩ taa yɔ.+
8 Paalɩzɩ ɛsɔnaa kɩfama;+Peeɖe you lɩ nɔnɔsɩ taa.+
Pataapɩzɩɣ se pana kpayʋʋ nakʋyʋ yaa kɩgbɛzɛŋ nakʋyʋ,Ɛyaa 40 000 hɛkʋ taa Izrayɛɛlɩ taa.
9 Ma-laŋɩyɛ wɛ Izrayɛɛlɩ sɔɔjanaa ñʋndɩnaa cɔlɔ,+Mba paha pa-tɩ faaa nɛ pa nɛ samaɣ pɛɖɛɛ yɔ.+
Ɩsa Yehowa!
10 Mɩ mba ɩcaɣ kpaŋasɩ kpuzuyee yɔɔ yɔ,Mɩ mba ɩcaɣ kuntunaa kɩbama yɔɔ yɔ,Nɛ mɩ mba ɩɖɔŋ habɩyɛ yɔɔ yɔ,Ɩmaɣzɩ nɛ ɩna!
11 Panɩ mba patayɩɣ lɩm yɔ pɔ-nɔsɩ lona wena a-taa poluu lɩm yɔ;Pɛkɛdaɣ Yehowa lakasɩ siɣsiɣ ñɩnzɩ tɔm peeɖe,Ɛ-ɛyaa mba pɛwɛ kɔfɩnaa taa Izrayɛɛlɩ taa yɔ, pa-lakasɩ siɣsiɣ ñɩnzɩ.
Ðɩnɛ ɛlɛ, Yehowa samaɣ tii nɔnɔsɩ taa.
12 Fe, fe, Oo Debora!+
Fe, fe, tee hendu!+
Kʋyɩ, Baaraakɩ!+ Ña Abinowaam pɩyalʋ, ɖɛnɩ ño-yomaa!
13 Ðɩnɛ ɛlɛ, mba pɩkazaa yɔ, petii sɔsaa cɔlɔ;Yehowa samaɣ tibi mɔn-cɔlɔ se koyooni sɔdɩŋ.
14 Mba pɛwɛ fɛɛʋ taa yɔ, Efrayim palɩnaa;Oo Bɛnjamɛɛ, peɖiɣni-ŋ tɩŋʋʋ, ñɛ-ɛyaa hɛkʋ taa.
Sɔɔjanaa ñʋndɩnaa lɩnɩ Makiir+ nɛ petii,Nɛ mba pɔɖɔkɩ weyi ɛmʋʋ ɛyaa sɔɔjatʋ yɔ ɛ-ɖaʋ yɔ,* paba lɩnɩ Zebulɔɔnɩ nɛ petii.
15 Isakaarɩ awumbiya kaawɛ Debora cɔlɔ,Ɛzɩ Isakaarɩ kaawɛʋ yɔ, mbʋ ɖɔɖɔ Baaraakɩ+ kaawɛɛ.
Petiyi-i nɛ ɛɖɔ nɩŋgbanzɩ nɛ etii fɛɛʋ taa.+
Paatazɩ laŋa taa siŋŋ Rubɛɛnɩ tindima taa.
16 Ɛbɛ yɔɔ ŋŋcaɣaa ɛzɩ kpɩnɛ nɖɩ ɖɩsɩɣlɩɣ wondu yɔ ɖɩcakʋʋ ɖɩ-sʋʋtʋ 2 tɛɛ yɔ,Nɛ ŋwelisiɣni-wɛ alɩwaatʋ ndʋ payaɣaɣ pa-hɩsɩ kpɩna yɔ?+
Paatazɩ laŋa taa siŋŋ Rubɛɛnɩ tindima taa.
17 Galaadɩ caɣ Yɔɔrdaŋ wayɩ;+Nɛ Daanɩ yɔ, ɛbɛ yɔɔ ɛcaɣ mɛlɛnaa cɔlɔ?+
Asɛɛrɩ ñacaɣ yem teŋgu nɔɔ,Ɛcaɣ ɛ-mɛlɛnaa ɖɩzɩŋɩyɛ taa.+
18 Zebulɔɔnɩ kaakɛ samaɣ ŋga kaɖʋ ke-wezuu kaɖɛ taa* se paa sɩm kasɩ yɔ;Naftalii samaɣ ɖɔɖɔ+ kaaɖʋ ke-wezuu kaɖɛ taa, piyisi yɔɔ.+
19 Awiya kaakɔma nɛ ala you;Ðɩnɛ ɛlɛ, Kanaŋ awiya kaalabɩ you+
Taanakɩ tɛtʋ taa, Megido+ lɩm cɔlɔ.
Ataapɩzɩ nɛ alazɩ liidiye nɛ aɖɛna.+
20 Tɩɩnzɩ kaalabɩ you ɛsɔdaa;Sɩɩwɛ sɩ-nʋmɔŋ taa nɛ siyooni Sisera.
21 Kisoŋ pɔɔ* kpaɣ-wɛ nɛ kɛɖɛna,+Caanaʋ taa pɔɔ, Kisoŋ pɔɔ.
Oo man-kalɩzaɣ,* ŋmɩtɩ ɖoŋ tɩnaa.
22 Ðɩnɛ ɛlɛ, kpaŋnaŋ acaa tiliAlɩwaatʋ ndʋ ɛ-kpaŋnaŋ abalɩñɩŋ seɣaɣ pɩfɛyɩ yɔɔdʋʋ yɔ.+
23 Yehowa tiyiyu yɔɔdaa se: “Ɩlɔ nɔɔ kɩdɛkɛdaɣ Merozi yɔɔ,”“Ɛɛɛ, ɩlɔ nɔɔ kɩdɛkɛdaɣ kɩ-taa mba yɔɔ,Mbʋ pʋyɔɔ yɔ patɩkɔɔ se pasɩnɩ Yehowa,Patɩtɩŋ sɔdɩŋ se pasɩnɩ Yehowa.”
24 Halaa taa lɛ, Yayɛɛlɩ+ pakɩlɩ wazʋʋ,Keni tʋ Hebɛɛrɩ+ halʋ;Halaa mba pacakɩ kizinzikiŋ tɛɛ yɔ pa-taa lɛ, ɛnʋ pakɩlɩ wazʋʋ.
25 Lɩm ɛpɔzaa; Yayɛɛlɩ cɛlɩ-ɩ naalɩm.
Ɛcɛlɩ-ɩ naalɩm mbʋ pikiwa yɔ kazandʋ ñanaɣ kɩbaŋa nakɛyɛ taa.+
26 Yayɛɛlɩ sezi e-nesi nɛ ɛkpaɣ kizinziku kaŋgamaɣ,Esezi e-nesi kɩbanzɩ nɛ ɛkpaɣ tʋmlaɖʋ hama.
Nɛ ɛka Sisera, ɛtɔyɩtɩ ɛ-ñʋʋ,Ɛyɔkɩ ɛ-nakpaaŋ* nɛ ɛtʋlɩ-ɩ.+
27 Yayɛɛlɩ nɩŋgbanzɩ tɛɛ ɛɖaba; ɛtɔlaa nɛ elosi ɛ-tɩ mbʋ;Yayɛɛlɩ nɩŋgbanzɩ tɛɛ ɛɖaba nɛ ɛtɔlɩ;Ðenɖe ɛɖaba yɔ, peeɖe ɛtɔlaa, pawabɩ-ɩ.
28 Halʋ nɔɔyʋ kaawɛɛ nɛ ɛcɔŋnɩnɩ mondoɖebɔʋ,Sisera ɖoo kpazɩ ɛsa nɛ ɛcɔŋnɩnɩ mondoɖebɔʋ:“Ɛbɛ yɔɔ ɛ-kɛɛkɛɛ tɩtɩɩtalɩta?
Ɛbɛ yɔɔ ɖɩɩnɩɣ kpaŋnaŋ weyi ɩhɔŋ ɛ-kɛɛkɛɛnaa yɔ ɩ-acaa taŋ halɩ nɛ sɔnɔ?”+
29 Halaa mba paakɩlɩ lɔŋ ɛ-ɖɩɣa taa halaa sɔsaa taa yɔ pocosaɣ-i;Ɛɛɛ, ɛyɔɔdaɣ ɖɔɖɔ ɛ-taa e-ɖeke nɛ ɛlɛlɩɣ se:
30 “Ɛzʋnɔ peɖiɣni tayʋʋ mbʋ pehiɣ you taa yɔ,Pɛlɛ* kʋɖʋm, pɛlaa* naalɛ, paa you laɖʋ weyi lɛ,Sisera ɛmʋ koyindu pɩsaʋ ŋgʋ pata-kʋ tɔlɩm yɔ, koyindu pɩsaʋ ŋgʋ pata-kʋ tɔlɩm yɔ,Toko ŋgʋ pacanaa yɔ, pɩsaʋ ŋgʋ pata-kʋ tɔlɩm yɔ, tokonaa mba pacanaa yɔ 2
Se lazɩyaa ɩcanɩnɩ pe-liŋ.”
31 Pʋyɔɔ lɛ, hayɩ Yehowa, yele nɛ ño-koyindinaa kpeekpe le,+Ɛlɛ yele nɛ mba pɔsɔɔlɩ-ŋ yɔ, pɛwɛɛ ɛzɩ wɩsɩ lɩʋ sɩ-samtʋ taa yɔ.»
Nɛ ɛjaɖɛ hɛzɩ* pɩnzɩ 40.+
Pɩ-tɛɛ tɔm
^ Pɩpɩzɩɣ nɛ pɩkɛ mbʋ pɩwɩlɩɣ se nɔɔyʋ ɖuu ɖuutu natʋyʋ yaa ɛha ɛ-tɩ Ɛsɔ yɔ.
^ Yaa «Mankaɣ minziiki mabʋ.»
^ Pɩpɩzɩɣ pɩkɛ, «Pɩñamsɩ pʋŋ.»
^ Yaa «kaayebi wɛʋ.»
^ Pɩpɩzɩɣ pɩkɛ, «mba palakɩnɩ tʋmɩyɛ takayɩsɩ mayʋ wondu yɔ.»
^ Yaa «ŋga kaanim ka-kalɩzaɣ.»
^ Yaa «lemeɣa.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «ɛ-ñʋʋ hʋyɩŋ.»
^ Piye piye, «Lotu.»
^ Piye piye, «lotu.»
^ Yaa «ɛjaɖɛ wɛɛ laŋhɛzɩyɛ taa.»
