Yɔɔb 10:1-22
10 «Me-wezuu lɩ-m* sɔŋ.+
Mankaɣ wiu man-kʋñɔŋ nɛ mɛntɛ man-taa.
Mankaɣ yɔɔdʋʋ men-siziŋ sɔsɔŋ* taa!
2 Mankaɣ Ɛsɔ heyuu se: “Taakʋ mɔn-tɔm.
Heyi-m mbʋ pʋyɔɔ ŋlʋkɩnɩ-m yɔ.
3 Ŋnazɩɣ-m nɛ ŋpaɖɩɣ ñe-nesi tɛɛ tʋmɩyɛ+Nɛ ŋnɩɣ leleŋ kɩdɛkɛdaa lɩmaɣza yɔɔ nɛ pɩkpaɖɩɣ se pɩwazɩ-ŋ we?
4 Tomnaɣ nandʋ ɛsa ŋwɛna?
Yaa ŋnaɣ ɛzɩ ɛyʋ naɣʋ yɔ?
5 Ña-kɩyakɩŋ wɛ ɛzɩ ɛyaa ñɩŋ yɔ?
Yaa ña-pɩnzɩ wɛ ɛzɩ ɛyʋ ñɩnzɩ yɔ+
6 Nɛ pɩwɛɛ se ŋñɩnɩɣ man-kɩwɛɛkɩm nɛ ŋlɛlɩɣNɛ ŋwɛɛ man-kɩdɛkɛdɩm ñɩnʋʋ yɔɔ?+
7 Ŋnawa se mantɩɖɔɔ wɛɛ naayɛ;+Nɛ nɔɔyʋ ɛɛpɩzɩɣ nɛ ɛya ma-ñʋʋ ñe-nesi tɛɛ.+
8 Ña-maɣmaɣ ñe-nesi manɩ-m nɛ sɩlabɩ-m,+Ɛlɛ lɛɛlɛɛyɔ, ŋcaɣ se ŋɖɩzɩ-m caɣ caɣ.
9 Mentendi-ŋ, tɔzɩ se cʋʋ ŋmanɩ-m,+Ɛlɛ lɛɛlɛɛyɔ lɛ, ŋlakɩ se manɖaɣnɩ pɩsʋʋ mʋzʋʋ.+
10 Ŋtɩpɩyɩ-m ɛzɩ naalɩm yɔNɛ ŋla nɛ menkii ɛzɩ waagaasɩ yɔ?
11 Ŋsu-m tɔnʋʋ nɛ tomnaɣ nandʋ,Nɛ mɔɔ nɛ hola ŋlʋnɩ-m.+
12 Ŋha-m wezuu nɛ ŋwɩlɩ-m sɔɔlɩm siɣsiɣ ñɩmbʋ;Ŋcɔnɩ mɔ-yɔɔ nɛ ŋkandɩyɩnɩ men-fezuu* yɔɔ.+
13 Ɛlɛ ŋŋɖʋ ña-taa mɛsaɣ tɛɛ se ŋlakɩ lakasɩ nzɩ.*
Manawa se ñɔ-cɔlɔ lakasɩ nzɩ sɩlɩnaa.
14 Ye maalabɩ kɩdɛkɛdɩm yɔ ŋŋna-m,+Nɛ ŋtaakpeɣ-m man-kɩwɛɛkɩm.
15 Ye mɔnɖɔ wɛɛ yɔ, pɩtɔɔ-m!
Nɛ paa mantɩwɛɛkɩ nabʋyʋ yɔ, maapɩzɩɣ nɛ mankʋsɩ ma-ñʋʋ,+Mbʋ pʋyɔɔ yɔ fɛyɛ nɛ kʋñɔŋ suni man-taa.+
16 Ye mankʋsɩ ma-ñʋʋ yɔ, ŋɖʋʋ ma-wayɩ ɛzɩ mʋʋzʋʋ yɔ+Nɛ ŋtasɩ ño-ɖoŋ tʋmɩyɛ labɩnʋʋ se ŋnazɩ-m.
17 Kʋñɔŋ wɛɛ nɛ kɩtɩnɩɣ kʋñɔŋ yɔɔ mɔ-yɔɔ lɛ,Ŋkɔnɩ aseɣɖe tɩnaa kɩfama se pakaɖɩnɩ-mNɛ ŋyele nɛ pana wena ŋkɔnɩ-m yɔ akpa ɖoŋ.
18 Pʋyɔɔ lɛ, ɛbɛ yɔɔ ŋlɩzɩ-m mon-ɖoo lotu taa?+
Pɩɩwɛɛ se mansɩ pʋcɔ nɛ ɛsɩyɛ kʋɖʋmɖɩyɛ maɣmaɣ na-m.
19 Ɛzʋnɔ, maamʋʋ yem ɛzɩ mantaacaɣ wezuu wiɖiyi nɛ mana yɔ;Paakpaɣ-m nɛ mon-ɖoo lotu taa nɛ pɛɖɛnɩ-m pɩlaʋ taa kpaagbaa.”
20 Man-kɩyakɩŋ fɛyɩ pazɩ yem yaa we?+ Ɛsɔ eyebi-m ɖiɣ ɖiɣ;Ɛsɔ ɛkɛzɩ ɛ-ɛsa nɛ ɛtaatasɩ-m cɔnʋʋ, nɛ mɛhɛzɩ* pazɩ+
21 Pʋcɔ nɛ mɛnɖɛɛ (nɛ maakaɣ tasʋʋ pɩsʋʋ)+Cɩkpɛndʋʋ sɔsɔʋ* ɛjaɖɛ taa,+
22 Cɩkpɛndʋʋ kiya ɛjaɖɛ taa,Cɩkpɛndʋʋ sɔsɔʋ ɛjaɖɛ nɛ siduu siduu ɛjaɖɛ,Ðenɖe ñalɩmɩyɛ maɣmaɣ wɛ ɛzɩ cɩkpɛndʋʋ yɔ.»
Pɩ-tɛɛ tɔm
^ Yaa «lɩ man-kalɩzaɣ.»
^ Yaa «man-kalɩzaɣ siziŋ.»
^ Yaa «me-wezuu.»
^ Piye piye, «Nɛ ŋŋmɛsɩ wondu tʋnɛ ña-laŋɩyɛ taa.»
^ Yaa «manɩɩ leleŋ.»
^ Yaa «Cɩkpɛndʋʋ nɛ sɩm kozotuu.»