Yɔɔb 11:1-20
11 Naama tʋ Zofaarɩ+ cosi nɛ ɛyɔɔdɩ se:
2 «Ɛzɩ paacosuu tɔm ndʋ tɩ-tɩŋa tɩ-yɔɔ?
Yaa tɔm sakɩyɛ yɔɔdʋʋ kaɣnɩ yebu nɛ ɛyʋ tɔm ɖe?*
3 Ña-falaa tɔm kaɣ yebu nɛ ɛyaa su tamɩyɛ na?
Nɔɔyʋ ɛɛkaɣ-ŋ kalʋʋ ñɛ-tɛtɛ pɛŋɩyɛ tɔm yɔɔ?+
4 Mbʋ pʋyɔɔ yɔ ŋtɔm se: “Tɔm ndʋ mawɩlɩɣ yɔ tɩwɛ kele kele,+Mɛwɛ cɩɖɩ cɩɖɩ ñɛ-ɛsɩndaa.”+
5 Ɛlɛ ye Ɛsɔ ɛɛpɩzaɣ se ɛyɔɔdɩNɛ ekuli e-ndomee nɛ ɛyɔɔdɩnɩ-ŋ yɔ!+
6 Ðɩnɛ ɛlɛ eekuli lɔŋsɩnɖɛ tɛ mɛsaɣ tɛɛ tɔm yɔɔ nɛ eheyi-ŋ,Mbʋ pʋyɔɔ yɔ lɔŋsɩnɖɛ nɖɩ ɖɩwazɩɣ yɔ ɖɩwɛ cukaŋ.
Nɛ ŋŋɖiɣzinaa se Ɛsɔ ha nʋmɔʋ se pɔsɔɔ ña-kɩwɛɛkɩm nabʋyʋ yɔɔ.
7 Ŋpɩzɩɣ nɛ ŋlɩɩ Ɛsɔ wondu cukaŋ ñɩndʋ yɔɔ?
Yaa ŋpɩzɩɣ nɛ ŋlɩɩ mbʋ payɩ pitukuuni Ðoŋ Tɩŋa Tʋ yɔ pɩ-yɔɔ?*
8 Lɔŋsɩnɖɛ kʋyaa nɛ pɩkpaɖɩ ɛsɔdaa. Ɛbɛ ŋpɩzɩɣ nɛ ŋla?
Ðɩwɛ cukaŋ nɛ pɩkpaɖɩ Pɩlaʋ.* Ɛbɛ ŋpɩzɩɣ nɛ ŋtɩlɩ?
9 Ðɩkɩlɩ tɛtʋ ɖaɣlʋʋ,Nɛ ɖɩwalaa nɛ pɩkɩlɩ teŋgu.
10 Ye ɛkɔm nɛ ɛɖɛɣ nɛ ɛkpa nɔɔyʋ nɛ ewoni-i tɔm ɖɩhʋyɛ,Apɩzɩɣ nɛ ɛkaɖɩnɩ-ɩ?
11 Mbʋ pʋyɔɔ yɔ ɛtɩlɩɣ ɛyaa mba pɛkɛ peɣziyaa yɔ.
Ye ɛna kɩdɛkɛdɩm yɔ, ɛɛkaɣ-pʋ ɖiɣzinuu yaa we?
12 Ɛlɛ kɩyakʋ ŋgʋ tɛyɛ kpaŋaɣ kaɣ ɛyʋ lʋlʋʋ yɔ,*Puwiye kɩmɛlɛŋ kaɣ tɔm taa nɩʋ.
13 Ye ŋŋñɔɔzaɣ ña-laŋɩyɛNɛ ŋposi ñe-nesi nɛ ɛ-cɔlɔ kiŋ yɔ.
14 Ye ñe-nesi ɛlakɩ mbʋ pɩfɛyɩ ɖeu yɔ, ɖɛnɩ-pʋ ɖooo poliŋ,Nɛ taayele nɛ mbʋ pɩfɛyɩ siɣsiɣ yɔ pɩwɛɛ ñe-kizinzikiŋ tɛɛ.
15 Ðɩnɛ ɛlɛ ŋkaɣ pɩzʋʋ nɛ ŋkpazɩ ñɛ-ɛsa nɛ fɛyɛ ɛɛkpaɣ-ŋ;Ŋpɩzɩɣ nɛ ŋka camɩyɛ nɛ sɔɔndʋ ɛɛkpaɣ-ŋ nɛ nabʋyʋ.
16 Ðɩnɛ ɛlɛ ŋkaɣ sɔʋ ña-kʋñɔŋ yɔɔ;Ŋkaɣ kɩ-yɔɔ tɔzʋʋ ɛzɩ lɩm mbʋ pɩtɩŋnɩ ñɔ-cɔlɔ nɛ pɩɖɛɛ yɔ.
17 Ñe-wezuu kaɣ ñandʋʋ ñamm nɛ pɩkɩlɩ wɩsɩ kaalaŋa;Halɩ kɩ-cɩkpɛndʋʋ kaɣ wɛʋ ɛzɩ tanaŋ yɔ.
18 Ña-laŋɩyɛ ɛɛkaɣ tɔʋ, mbʋ pʋyɔɔ yɔ lidaʋ wɛɛ,Nɛ ŋkaɣ cɔnʋʋ kpɛɛɛ nɛ ŋhɩnɩ pɛɛyɛ taa.
19 Ŋkaɣ hɩnʋʋ nɛ nɔɔyʋ ɛɛkaɣ-ŋ ɖʋʋ sɔɔndʋ,Nɛ ɛyaa sakɩyɛ kaɣ ñɩnʋʋ se ŋna pa-pʋtɔdɩyɛ.
20 Ɛlɛ kɩdɛkɛdaa ɛsa kaɣ camʋʋ;Nɛ paakaɣ naʋ lone naɖɩyɛ se pese nɛ pɛɖɛɛ peeɖe,Nɛ sɩm* ɖeke kaɣnɩ kɛʋ pe-lidaʋ.»+
Pɩ-tɛɛ tɔm
^ Yaa «tɩ kpazɩyʋ tɔm kaɣ ɖeu na?»
^ Yaa «nɛ ŋna Ðoŋ Tɩŋa Tʋ kamaɣ na?»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «kɩyakʋ ŋgʋ palʋlʋʋ tɛyɛ kpaŋaɣ nɛ kɛkɛ ɛyʋ yɔ.»
^ Yaa «kalɩzaɣ sɩm.»