Yɔɔb 12:1-25
12 Ðɩnɛ ɛlɛ Yɔɔb cosi nɛ ɛyɔɔdɩ se:
2 «Toovenim, mɩ yɔ sɩnɖaa,*Nɛ mɩ-cɔlɔ lɔŋsɩnɖɛ kaɣ sɩbʋ!
3 Ɛlɛ ma ɖɔɖɔ mɛwɛnɩ tɔm taa nɩʋ lɛɣtʋ.*
Ɩtɩkɩlɩ-m.
Aasɩŋ tɔm ndʋ?
4 Manpɩsɩ woŋa pʋyʋ man-taabalaa,+Ma weyi mayaɣ Ɛsɔ se ecosi-m yɔ.+
Ɛyʋ siɣsiɣ tʋ, weyi ɛfɛyɩnɩ kɩwɛɛkɩtʋ natʋyʋ yɔ ɛkɛ woŋa pʋyʋ.
5 Ɛyʋ weyi ɛ-paa fɛyɩnɩ nabʋyʋ yɔ eniŋ asɛyʋʋ,Ɛmaɣzɩɣ se mba pa-nɩŋgbanzɩ tɩka camɩyɛ yɔ* pe-ɖeke kɩtalɩɣ.
6 Mɩlaa kizinzikiŋ wɛ laŋhɛzɩyɛ taa,+Nɛ mba pacaɣ tɔm Ɛsɔ yɔ pɛwɛ pɛɛyɛ taa,+Mba pɛ-ɛsɔ wɛ pe-nesi taa yɔ.
7 Ɛlɛ mentendi-ŋ, pɔzɩ kpɩna nɛ akaɣ-ŋ tɔm wɩlʋʋ;Pɔzɩ ɖɔɖɔ ɛsɔdaa sumasɩ, nɛ sɩkaɣ-ŋ heyuu.
8 Yaa kɛzɩ ña-lɩmaɣza nɛ tɛtʋ yɔɔ kiŋ,* nɛ tɩkaɣ-ŋ tɔm wɩlʋʋ;Nɛ teŋgu taa kpakpasɩ kaɣ-ŋ tʋ heyuu.
9 Wondu ndʋ ti-kpeekpe tɩ-taa ŋgʋ ɛɛsɩŋSe Yehowa nesi labɩnɩ pɩtɩŋa mbʋ yɔ?
10 Mbʋ payɩ pɩwɛ wezuu yɔ e-nesi taa pi-wezuu* wɛɛ,Nɛ e-nesi taa paa ɛyʋ weyi lɛ* e-fezuu wɛɛ.+
11 Nɩŋgbaŋʋʋ ɛɛtakɩɣ tɔm pee se kɩnaƐzɩ nzʋlʋmɩyɛ ɖɩkʋʋ tɔɔnaɣ se ɖɩna yɔ?+
12 Pɩtɩkɛ akpadɩyaa cɔlɔ panaɣ lɔŋsɩnɖɛ na?+
Nɛ pɩtɩkɛ wezuu kɩɖaɣlʋʋ kɔŋnɩnɩ tɔm taa nɩʋ lɛɣtʋ na?
13 Ɛ-cɔlɔ lɔŋsɩnɖɛ nɛ ɖoŋ pɛwɛɛ;+Ɛwɛnɩ lɔŋ tasʋʋ nɛ tɔm taa nɩʋ lɛɣtʋ.+
14 Ye ɛyɔkɩ nabʋyʋ yɔ, paapɩzɩɣ nɛ paɖaɣnɩ-pʋ maʋ;+Ye ɛɖɩɣaa yɔ, ɛyʋ nɔɔyʋ ɛɛpɩzɩɣ nɛ ɛtʋlɩ.
15 Ye ɛkpa lɩm yɔ, pɩtɩŋa pɩwɩlɩɣ;+Etiyiɣni-pʋ lɛ, pɩwadɩɣ tɛtʋ yɔɔ.+
16 Ɛ-cɔlɔ ɖoŋ nɛ lɔŋsɩnɖɛ nɖɩ ɖɩwazɩɣ yɔ pɛwɛɛ;+Ɛnʋ tɩnɩ ɛyʋ weyi eleki yɔ nɛ ɛyʋ weyi elesiɣ lɛlʋ yɔ;
17 Ɛlakɩ nɛ lɔŋ tasɩyaa ɖɔŋ naataŋ,*Nɛ ɛsʋzʋʋ tɔm hʋyaa kpaaŋ.+
18 Ɛhɛɖɩɣ kpasɩ nzɩ awiya ɖɩɣ ɛyaa yɔ,+Nɛ ɛɖɩɣ a-tɩnzɩ taa tambaɖɛ.
19 Ɛlakɩ nɛ cɔjɔnaa ɖɔŋ naataŋ,+Etuzuu mba po-ɖoŋ kam camɩyɛ yɔ nɛ ɛpɛɖɩɣ;+
20 Eyeki nɛ tɔm tɛŋ lɔŋsɩnɖaa mba pataɣ-wɛ liu yɔ pɔ-nɔsɩ taaNɛ ɛmʋʋ lɛɣtʋ akpadɩyaa* cɔlɔ;
21 Mba pɔ-yɔɔ wɛ ñamtʋ yɔ, ɛpɩyɩɣ fɛyɛ pɔ-yɔɔ,+Nɛ ɛlakɩ nɛ ɖoŋ tɩnaa pɩsɩɣ ajamaa;*
22 Ekuluu wondu cukaŋ ñɩndʋ ndʋ tɩwɛ cɩkpɛndʋʋ taa yɔ tɩ-yɔɔ,+Nɛ ɛkɔŋnɩ cɩkpɛndʋʋ sɔsɔʋ ñalɩmɩyɛ taa;
23 Eyeki nɛ ajɛɛ paɣlɩɣ se piyele nɛ ɛɖɩzɩ-yɛ;Ɛwalɩsɩɣ ajɛɛ se pɩsa nɛ ewoni-yɛ yomiye taa.
24 Ɛmʋʋ tɔm taa nɩʋ lɛɣtʋ* samaɣ ɖiyiyaa cɔlɔNɛ ɛlakɩ nɛ poyotuu kañɩmbusiŋ weyi ɩ-taa nʋmɔŋ fɛyɩ yɔ ɩ-taa.+
25 Patakɩɣ cɩkpɛndʋʋ taa,+ ɖenɖe ñalɩmɩyɛ fɛyɩ yɔ;Ɛlakɩ nɛ poyotuu ɛzɩ mba sʋlʋm kʋʋ-wɛ yɔ.+
Pɩ-tɛɛ tɔm
^ Piye piye, «ɛyaa.»
^ Piye piye, «mɛwɛnɩ laŋɩyɛ.»
^ Yaa «mba pituu-wɛ yɔ.»
^ Yaa «yɔɔdɩnɩ tɛtʋ.»
^ Yaa «Mba payɩ pɛwɛ wezuu yɔ e-nesi taa pa-taa paa weyi ɛ-kalɩzaɣ.»
^ Piye piye, «paa ɛyʋ tomnaɣ nandʋ ndʋ lɛ.»
^ Yaa «Ɛmʋʋ lɔŋ tasɩyaa wondu kpeekpe.»
^ Yaa «ɛzʋtʋyaa.»
^ Piye piye, «ɛhɛɖɩɣ ɖoŋ tɩnaa tambaɖɛ.»
^ Piye piye, «Ɛmʋʋ laŋɩyɛ.»
