Yɔɔb 17:1-16
17 «Mon-ɖoŋ tɛma, man-kɩyakɩŋ ɖɩma;Pɩlaʋ ɖaŋnɩ-m.+
2 Woŋiyaa cɔ-m nɛ pata,+Nɛ pɩwɛɛ se mɛ-ɛsɩyɛ ɛcɔŋnɩ pa-ñʋʋ taa ɖoŋ lakasɩ.*
3 Mentendi-ŋ, tisi nɛ ŋlʋ mɔ-yɔɔ.
Anɩ ɖɔɖɔ pɩzɩɣ nɛ ɛha-m nesi nɛ ɛlʋ mɔ-yɔɔ?+
4 Mbʋ pʋyɔɔ yɔ ŋmɛsɩ lɛɣtʋ pa-laŋa;+Pʋyɔɔ ŋtɩkpazɩ-wɛ.
5 Ɛpɩzɩɣ nɛ ɛla kʋjɔʋ ɛ-taabalaa,Ŋgʋ e-piya ɛsa ɖiɣni piyuu.
6 Eyeba nɛ manpɩsɩ mbʋ peniŋ yɔ* ɛyaa hɛkʋ taa,+Nɛ manpɩsɩ weyi ɛ-ɛsɩndaa pɔtɔʋ ndaatʋ yɔ.+
7 Wɩzasɩ yeba nɛ mɛ-ɛsa yu cɩkpɛndʋʋ,+Nɛ kuzotuu mon-tomnaɣ pilinzi kpeekpe kɛnaa.
8 Ɛyaa siɣsiɣ tɩnaa naɣ mbʋ nɛ pɩɖɩɣzɩɣ-wɛ,Nɛ ɛyʋ weyi ɛɛñaŋ Ɛsɔ yɔ* ɛ-yɔɔ lɛ, ɛyʋ weyi ɛtɩɖɔɔ wɛɛ yɔ ɛ-taa wɩɣ.
9 Ɛyʋ siɣsiɣ tʋ ñɔʋnɩ ɛ-nʋmɔʋ kpam,+Nɛ ɛyʋ weyi e-nesi wɛ kele kele yɔ ɛkpaɣ ɖoŋ kpaʋ yɔɔ.+
10 Ɛlɛ mɩ-tɩŋa ɩpɩzɩɣ nɛ ɩɖaɣnɩ pɩsʋʋ mɩ-tɔm hɔm yɔɔ,Mbʋ pʋyɔɔ yɔ mantɩna lɔŋsɩnɖʋ nɔɔyʋ mɩ-taa.+
11 Man-kɩyakɩŋ tɛma;+Man-tamasɩ, mbʋ mbʋ ma-laŋɩyɛ sɔɔlaa yɔ, pɩtɩŋa pɩwɛɛkaa.+
12 Pɛwɛɛ nɛ papɩsɩɣ ɖoo wɩsɩ,Nɛ pɔtɔŋ se: “Ñalɩmɩyɛ ɛɛwɛɣ poliŋ, mbʋ pʋyɔɔ yɔ piyu cɩkpɛndʋʋ.”
13 Ye manɖaŋaa yɔ, Pɩlaʋ* kaɣnɩ pɩsʋʋ man-ɖɩɣa;+Mankaɣ ma-ñalʋʋ pɔʋ cɩkpɛndʋʋ taa.+
14 Mankaɣ mabʋ kubuka nɛ meheyi pɔʋ*+ se: “Ña yɔ man-caa!”
Nɛ mayaa sonzooye se: “Mon-ɖoo nɛ mɔn-kɔɔ!”*
15 Ye mbʋ, le me-lidaʋ wɛɛ?+
Nɔɔyʋ maɣzɩɣ se mɛwɛnɩ lidaʋ nakʋyʋ yaa we?
16 Kɩkaɣ* tibu Pɩlaʋ* nɔnɔsɩ cɔlɔAlɩwaatʋ ndʋ ma nɛ kʋ ɖitiki puuyuu taa yɔ.»+
Pɩ-tɛɛ tɔm
^ Yaa «mɛ-ɛsɩyɛ ɛwɛɛ pa-ñʋʋ taa ɖoŋ lakasɩ yɔɔ.»
^ Piye piye, «manpɩsɩ eduuye.»
^ Yaa «tisuu yebiyu.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «pɩlaʋ.»
^ Yaa «me-neu halɩñɩnʋ.»
^ Pʋ-tɔbʋʋ se me-lidaʋ.
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
