Yɔɔb 18:1-21
18 Suwaa tʋ Bilɩdaadɩ+ cosi nɛ ɛyɔɔdɩ se:
2 «Ɛzɩmtaa ɩkaɣ yebu yɔɔdʋʋ tɔm tʋnɛ?
Ɩnɩɩ tɔm taa, ɖɩnɛ ɛlɛ ɖɩpɩzɩɣ nɛ ɖɩyɔɔdɩ.
3 Ɛbɛ yɔɔ ɩcɔŋnɩ-ɖʋ ɛzɩ ɖɩkɛ kpɩna yɔ+Nɛ ɩkpakɩɣ-ɖʋ ɛzɩ kɩmɛlɛmɩŋ* yɔ?
4 Paa ŋcɩyɩ ña-tɩ* hɔɔlasɩ hɔɔlasɩ ña-pana taa yɔ,Ɛzɩ ñɔ-yɔɔ lɛ, pakaɣ tɛtʋ lɔʋ na?
Yaa kaaʋ kaɣ lɛɣzʋʋ lone?
5 Ɛɛɛ, ɛyʋ kɩdɛkɛdʋ ñalɩmɩyɛ kaɣ ɖɩm,Nɛ e-miŋ nzʋlʋmɩyɛ ɛɛkaɣ ñandʋʋ.+
6 Pɩtʋʋ fɛyɩ se e-kizinziku tɛɛ ñalɩmɩyɛ kaɣ pɩsʋʋ cɩkpɛndʋʋ,Nɛ kanɖʋ ŋgʋ kɩwɛ ɛ-ñʋʋ yɔɔ yɔ kɩkaɣ ɖɩm.
7 Ɛɛtasɩɣ wɛnʋʋ ɖoŋ se ɛɖɔ lɛɛ lɛɛ,Nɛ ɛ-maɣmaɣ ɛ-lɔŋ tasʋʋ kaɣnɩ-ɩ tɔlɩsʋʋ.+
8 Mbʋ pʋyɔɔ yɔ ɛ-nɩŋgbanzɩ kaɣ-ɩ ɖʋzʋʋ piyuu taa,Nɛ ɛkaɣ yotuu ki-nimasɩ taa.
9 Kpaca kaɣ kpaʋ ɛ-naakiɖe;Kaamʋʋ kaɣ-ɩ kpaʋ.+
10 Pañɩbɩ-ɩ nimaɣ tataa,Pañɩbɩ kpaca ɛ-nʋmɔʋ taa.
11 Mbʋ pɩcaɣ sɔɔndʋ yɔ pɩñazɩɣ-ɩ hɔɔlɩŋ tɩŋa taa+Nɛ pɩɖʋʋ ɛ-wayɩ kpam.
12 E-ɖoŋ tɛŋ,Nɛ asɛyʋʋ+ kaɣ yebu nɛ pɩcɛŋɛsɩ-ɩ.*
13 Pɩtɔɔ ɛ-tɔnʋʋ payɩ;Kʋdɔŋ ŋgʋ kɩkɩlɩɣ ɛyaa kʋʋ yɔ* kɩtɔɔ e-nesi nɛ ɛ-nɩŋgbanzɩ.
14 Palɩzɩ-ɩ e-kizinziku ŋgʋ kɩ-tɛɛ ɛɛwɛ pɛɛyɛ taa yɔ kɩ-tɛɛ+Nɛ powoni-i mbʋ pɩcaɣ sɔɔndʋ yɔ pi-wiyaʋ cɔlɔ.*
15 Agɔma* kaɣ caɣʋ e-kizinziku tɛɛ;Pakaɣ mɩzʋʋ tɩm ɛ-ɖɩɣa yɔɔ.+
16 E-lila kaɣ wɩlʋʋ ɛ-tɛɛ,Nɛ e-pilinzi kaɣ lou ɛ-ñʋʋ yɔɔ.
17 Pakaɣ ɛ-yɔɔ sɔʋ tɛtʋ yɔɔ,Nɛ paakaɣ tɩlʋʋ ɛ-hɩɖɛ* habɩyɛ yɔɔ.
18 Pakaɣ-ɩ tuzuu nɛ ñalɩmɩyɛ taa nɛ powoni-i cɩkpɛndʋʋ taaNɛ pakaɣ-ɩ ɖɔɔnʋʋ tɛtʋ yɔɔ.
19 Ɛɛkaɣ wɛnʋʋ piya nɛ sayɩnaa ɛ-samaɣ taa,Nɛ ɖenɖe ɛwɛɛ yɔ,* pɩɩkaɣ-ɩ kazʋʋ ɛyʋ nɔɔyʋ se ɛtʋlaa.
20 Ɛ-kɩyakʋ talɩɣ lɛ, sɔɔndʋ kaɣ kpaʋ Wɩsɩ Ðɩɖʋyɛ taa mbaNɛ Wɩsɩ Ðɩlɩyɛ taa mba kaɣ seluu.
21 Mbʋ pɩtɛŋnɩ kɩwɛɛkɩm laɖʋ kizinzikiŋ,Nɛ mbʋ pɩtɛŋnɩ ɖɔɖɔ weyi ɛɛsɩŋ Ɛsɔ yɔ e-lone.»
Pɩ-tɛɛ tɔm
^ Pɩpɩzɩɣ pɩkɛ, «ɛzɩ mba pɛfɛyɩ kele kele.»
^ Yaa «ña-kalɩzaɣ.»
^ Yaa «nɛ ɛɖɔ taɖɩyɛ.»
^ Piye piye, «Sɩm kajalaɣ pɩɣa.»
^ Yaa «powoni-i sɩm mbʋ pɩcaɣ sɔɔndʋ yɔ pɩ-cɔlɔ.»
^ Piye piye, «Mbʋ pɩtɩkɛ ɛ-pʋyʋ yɔ.»
^ Piye piye, «Nɛ ɛɛkaɣ wɛnʋʋ hɩɖɛ.»
^ Yaa «ɖenɖe ɛwɛ alɩwaatʋ natʋyʋ pazɩ yɔ.»