Yɔɔb 19:1-29
19 Yɔɔb cosi nɛ ɛyɔɔdɩ se:
2 «Ɩwɛɣ nɛ ɩɖʋʋ man-kalɩzaɣ* ɖɩwɩzɩyɛ+Nɛ ɩtɔyɩtʋʋ-m nɛ mɩ-tɔm pee+ nɛ pɩkɔɔ pɩsɩɩnɩ ɖooye?
3 Ɩkalʋʋ-m* yɔ pɩlakɩ tam 10 yɔ;Fɛyɛ tɩkpa-mɩ se ɩwɩlɩ-m ñaŋ.+
4 Nɛ paa picoɖi-m toovenim taa yɔ,Mɔ-yɔɔ man-kɩwɛɛkɩm cakɩ.
5 Ye ɩtɛŋ mɩ-taa se ɩkpazɩɣ mɩ-tɩ ma-ñʋʋ yɔɔ,Nɛ ɩtɔŋ se mamʋnaa se paɖʋ-m fɛyɛ yɔ,
6 Ðɩnɛ ɛlɛ, ɩtɩlɩ se Ɛsɔ labɩna nɛ mele,Nɛ ɛkpa-m e-piyuu taa.
7 Ɩna! Mɛwɛɛ nɛ mamakɩ kubusi se: “Puuyaɣ lakasɩ!” Ɛlɛ nɔɔyʋ ticosi-m;+Mɛwɛɛ nɛ mamakɩ kubusi se pasɩnɩ-m, ɛlɛ siɣsiɣ wɛtʋ fɛyɩ.+
8 Ɛɖɩɣ ma-nʋmɔʋ nɛ pɛɛ koloŋa, nɛ maapɩzɩɣ se mɛntɛzɩ;Eyeba nɛ ma-nʋmɔŋ taa yu cɩkpɛndʋʋ.+
9 Ɛhɔzɩ mɔ-yɔɔ hɩɖɛ ɖʋʋ mbʋ mɛwɛna yɔNɛ ekuli ma-ñʋʋ yɔɔ awiya hulaɣ.
10 Ɛyɔlɩsɩ-m cɩɖɩ cɩɖɩ nɛ mɛntɛŋɩlɩ;Ɛkpɛzɩ me-lidaʋ ɛzɩ pɛkpɛzʋʋ tɩʋ yɔ.
11 Ɛkɔ-m nɛ pana siŋŋ,Nɛ ɛkpakɩɣ-m ɛzɩ e-koyindu yɔ.+
12 Ɛ-sɔɔjanaa kpɛndaa nɛ pɔkɔɔ nɛ pɛñɛyɩ-m,Pɔcɔ men-kizinziku nɛ pata.
13 Eposi mon-koobiya maɣmaɣ ɖooo poliŋ nɛ m,Nɛ mba pasɩmɩ-m yɔ paha-m siɣye.+
14 Man-taabalaa kɩbama* ɖɛwa,Nɛ mba mansɩm camɩyɛ yɔ pɔsɔ mɔ-yɔɔ.+
15 Man-ɖɩɣa taa agɔma+ nɛ mo-yomaa halɩñɩma pɔcɔŋnɩ-m ɛzɩpaasɩŋɩ-m yɔ;Mɛnkɛ agbaaɣdaa tʋ pɛ-ɛsɩndaa.
16 Maya ma-lɩmɖʋyʋ, ɛlɛ ɛtɩsɛɛ;Monkuli mɔ-nɔɔ nɛ mentendi-i se ɛna man-pʋtɔdɩyɛ.
17 Mɔ-nɔɔ taa lɩɣ sɔŋ ma-halʋ,+Nɛ mɛnkɛ mbʋ pɩlɩɣ sɔŋ yɔ mon-koobiya* maɣmaɣ cɔlɔ.
18 Halɩ piya cikpesi maɣmaɣ niŋi-m;Mankʋyʋʋ lɛ, sɩpaɣzɩɣ-m hoŋuu.
19 Man-taabalaa kɩbama kpeekpe paɖɩɣ-m,+Nɛ mba maasɔɔlaa yɔ, papɩsaa nɛ pakaɖɩɣnɩ-m.+
20 Mɔ-mɔɔ ñɔnɩ mɔn-tɔnʋʋ nɛ mon-tomnaɣ nandʋ,+Malɩɣ pɩ-taa nɛ men-kela yɔɔ tɔnʋʋ.
21 Ɩna man-pʋtɔdɩyɛ, man-taabalaa, ɩna man-pʋtɔdɩyɛ,Mbʋ pʋyɔɔ yɔ Ɛsɔ nesi maɣmaɣ tukuni-m.+
22 Ɛbɛ yɔɔ ɩwɛɛ nɛ ɩnazɩɣ-m ɛzɩ Ɛsɔ ɖɔɖɔ lakʋʋ yɔ,+Nɛ iyouni-m kaahɛzaɣ?*+
23 Ɛbɛ kaalaba se pama mɔn-tɔm pee nɛ pasɩɩ,Ɛbɛ kaalaba se pama-yɛ takayaɣ nakɛyɛ taa!
24 Hayɩ, ɛbɛ kaalaba se pama-yɛ nɛ ñɩɣtʋ kɩmamaʋNɛ ñɩɣtʋ ndʋ payaɣ se pʋlɔŋ yɔ kaaʋ nakʋyʋ yɔɔ nɛ awɛɛ tam!
25 Mbʋ pʋyɔɔ yɔ mana camɩyɛ se ma-ñʋʋ yaɖʋ*+ wɛ wezuu;Ɛkaɣ kɔm pʋwayɩ nɛ ɛkʋyɩ nɛ ɛsɩŋ tɛtʋ* yɔɔ.
26 Paɖɩzɩɣ mɔn-tɔnʋʋ mbʋ nɛ pɩtɛ,Nɛ alɩwaatʋ ndʋ mɛnkpɛndɩ mɛwɛ mon-tomnaɣ taa yɔ lɛ, mankaɣ naʋ Ɛsɔ,
27 Ma-maɣmaɣ mankaɣ-ɩ naʋ,Mɛ-ɛsa maɣmaɣ kaɣnɩ-ɩ naʋ, pɩtɩkɛ nɔɔyʋ ñɩna.+
Ɛlɛ ɖooo man-taa lɛ, pɩɖɛ-m!*
28 Mbʋ pʋyɔɔ yɔ ɩyɔɔdʋʋ se: “Ɛzɩma tɩyɛ ɖɩwɛɛ nɛ ɖɩnazɩɣ-ɩ?”+
Mbʋ pʋyɔɔ yɔ mɔn-cɔlɔ tɔm lɩnaa.
29 Mɩ-maɣmaɣ pɩwɛɛ se ise laɣɖɛ sɔɔndʋ,+Mbʋ pʋyɔɔ yɔ laɣɖɛ kɔŋnɩ nɩŋgbaŋʋʋ hɔmtʋ kɩwɛɛkɩm laɖaa yɔɔ;Pɩwɛɛ se ɩtɩlɩ se tɔm hʋyʋ nɔɔyʋ wɛɛ.»+
Pɩ-tɛɛ tɔm
^ Yaa «ɩɖʋʋ-m.» Cɔnɩ Tɔm pee sɔsɔna tɔbʋʋ lɩzʋʋ.
^ Yaa «Ɩtʋʋ-m.»
^ Yaa «Mɔ-hɔʋ taa ñɩma.»
^ Piye piye, «mo-lotu taa pɩyalaa,» pʋ-tɔbʋʋ se lotu ndʋ tɩ-taa malɩnaa yɔ (mon-ɖoo lotu).
^ Piye piye, «Nɛ ɩɩhakɩ ma-nandʋ?»
^ Yaa «se weyi ɛɖaɣnɩɣ-m yabʋ yɔ.»
^ Piye piye, «mʋzʋʋ.»
^ Yaa «pɩyɔbɩ man-kataŋgayɩsɩ.»