Yɔɔb 22:1-30
22 Temaanɩ tʋ Eliifaazɩ+ cosi nɛ ɛyɔɔdɩ se:
2 «Ɛyʋ pɩzɩɣ nɛ ɛwɛɛ Ɛsɔ wazaɣ yaa we?
Ɛyʋ weyi ɛwɛnɩ lɛɣtʋ yɔ, ɛpɩzɩɣ nɛ ɛwazɩ-ɩ pʋyʋ yaa we?+
3 Ye ŋwɛ siɣsiɣ, piheyiɣ Ðoŋ Tɩŋa Tʋ natʋyʋ* yaa we?
Yaa ye ŋɖɔŋ cɩŋgɩlɩm wɛtʋ nʋmɔʋ taa, ehikiɣ kɛzɛɣa nakɛyɛ yaa we?+
4 Ɛkaɣ ña-nɩŋgbaŋʋʋ hɔmNɛ ɛya-ŋ tɔm, mbʋ pʋyɔɔ yɔ ŋñaŋɩ-ɩ?
5 Ɛzɩ pɩtɩkɛ ña-kañatʋ lakasɩ sɔsɔsɩNɛ ña-kɩwɛɛkɩm mbʋ pɩfɛyɩnɩ tɩnaɣ yɔ pɩ-yɔɔ ɛhɔm ña-nɩŋgbaŋʋʋ na?+
6 Mbʋ pʋyɔɔ yɔ ŋmʋʋ ño-koobiya wondu yem se pɛhɛyɩ-ŋ pa-kɩma lɛ ŋŋpɩsɩnɩ-wɛ tʋ,Nɛ ŋhɔzʋʋ wondu ɛyaa yɔɔ nɛ ŋyeki-wɛ ndaakpeɖe.*+
7 Ŋŋhaɣ lɩm weyi pɩnɩ-ɩ yɔ se ɛñɔɔ,Nɛ ŋpɛŋ tɔɔnaɣ weyi ñɔɔsɩ wɩɣ-ɩ yɔ.+
8 Ɛyʋ ɖoŋ tʋ tɩnɩ ɛjaɖɛ,+Nɛ weyi ɛ-hɩɖɛ sɛwa yɔ, ɛnʋ cakɩnɩ ɖɩ-taa.
9 Ɛlɛ ŋɖɔɔnɩ lelaa nesi kpɛɖɛ,Nɛ ŋtɔyɩtɩ piya nzɩ sɩfɛyɩ caanaa yɔ* si-nesi.
10 Pʋyɔɔ kpacanaa* cɔ-ŋ nɛ pata,+Nɛ sɔɔndʋ tuduu-ŋ nɛ tɩñazɩɣ-ŋ;
11 Pʋyɔɔ piyu cɩkpɛndʋʋ siŋŋ nɛ ŋŋpɩzɩɣ se ŋna,Nɛ lɩm wadɩ nɛ pihuuzi ñɔ-yɔɔ.
12 Ɛzɩ Ɛsɔ fɛyɩ ɛsɔdaa liɣ liɣ?
Nɛ na ɛzɩma tɩɩnzɩ tɩŋa wɛ ɖooo hayo yɔ.
13 Ɛlɛ ŋyɔɔdaa se: “Ɛbɛ ɖeyi ɖeyi Ɛsɔ sɩma?
Ɛzɩ ɛpɩzɩɣ nɛ ɛna mbʋ pɩwɛ cɩkpɛndʋʋ sɔsɔʋ wayɩ yɔ nɛ ɛhʋʋ tɔm na?
14 Mɩndʋ kendiɣ-i nɛ ɛɛnaɣAlɩwaatʋ ndʋ ɛɖɔŋ ɛsɔdaa yɔ.”*
15 Ŋkaɣ tɩŋʋʋ ɖooo lɔndaa nʋmɔʋŊgʋ kɩ-taa kañatʋ tɩnaa ɖɔma yɔ?
16 Ɛyaa mba pɛkpɛzɩ-wɛ* pʋcɔ nɛ pa-alɩwaatʋ talɩɣ yɔ,Mba lɩm wadaa nɛ pɩkpaɣ* pe-tigiɖe yɔ?+
17 Peheyaɣ Ɛsɔ toovenim tʋ se: “Yebi-ɖʋ!”
Nɛ “Ɛbɛ Ðoŋ Tɩŋa Tʋ pɩzɩɣ nɛ ɛlabɩ-ɖʋ?”
18 Ŋgʋ, ɛnʋ haɣzɩnɩ pa-ɖɩsɩ wondu kɩbandʋ.
(Lɩmaɣza kɩdɛkɛda ana aposini ma-ñɩna.)
19 Ɛyʋ siɣsiɣ tʋ kaɣ naʋ nɛ ɛ-taa la leleŋ,Nɛ weyi ɛtɩwɛɛkɩ nabʋyʋ yɔ, ɛkaɣ-wɛ woŋuu nɛ ɛtɔ se:
20 “Paɖɩzɩ ɖo-koyindinaa,Nɛ miŋ kaɣ ñaɣʋ mbʋ pɩkazɩ-wɛ yɔ.”
21 Kpɛlɩkɩ nɛ ŋtɩlɩ Ɛsɔ, nɛ ŋkaɣ wɛʋ laŋhɛzɩyɛ taa;Ðɩnɛ ɛlɛ ŋkaɣ hiɣu wondu kɩbandʋ.
22 Mʋ paɣtʋ ndʋ tɩlɩɣnɩ ɛ-nɔɔ taa yɔ,Nɛ ŋsɩɩ ɛ-tɔm ña-laŋɩyɛ taa.+
23 Ye ŋpɩsɩnɩ Ðoŋ Tɩŋa Tʋ yɔɔ yɔ, pɩkaɣ-ŋ tasʋʋ ɖenuu;+Ye ŋlɩzɩ mbʋ pɩfɛyɩ siɣsiɣ yɔ ñe-kizinziku tɛɛ yɔ,
24 Ye ŋlɔ ñe-sika puuyuu taaNɛ ŋlɔ Ofiiri+ sika fɛɛŋ* taa kaaŋ taa yɔ,
25 Ðɩnɛ ɛlɛ Ðoŋ Tɩŋa Tʋ kaɣ pɩsʋʋ ñe-sika,Nɛ ɛkaɣ kɛʋ ñe-liidiye nɖɩ ɖɩkɩlɩ ɖeu yɔ.
26 Ðɩnɛ ɛlɛ ña-taa leleŋ kaɣ wɛʋ Ðoŋ Tɩŋa Tʋ taa,Nɛ ŋkaɣ kpazʋʋ ñɛ-ɛsa nɛ Ɛsɔ.
27 Ŋkaɣ-ɩ tenduu, nɛ ɛkaɣ-ŋ welisinuu;Nɛ ŋkaɣ ɖɔm ño-ɖuutu yɔɔ.
28 Mbʋ payɩ ŋɖʋʋ se ŋlakɩ yɔ pɩkaɣ-ŋ ɖenuu pɩ-taa,Nɛ ñalɩmɩyɛ kaɣ ñandʋʋ ña-nʋmɔʋ taa.
29 Mbʋ pʋyɔɔ yɔ alɩwaatʋ ndʋ ŋyɔɔdʋʋnɩ tɩ kpazʋʋ yɔ, pakaɣ-ŋ ɖʋʋ fɛyɛ,Ɛlɛ ɛkaɣ yabʋ weyi eluzuu ɛ-tɩ yɔ* ɛ-ñʋʋ.
30 Ɛkaɣ yabʋ mba patɩwɛɛkɩ nabʋyʋ yɔ pa-ñʋʋ;Ye mbʋ, ye ñe-nesi ɩwɛ kele kele yɔ, paa pɩɩla ɛzɩma pakaɣ yabʋ ña-ñʋʋ.»
Pɩ-tɛɛ tɔm
^ Yaa «pɩkɛdɩɣnɩ Ðoŋ Tɩŋa Tʋ.»
^ Piye piye, «ŋhɔzʋʋ mba pɛwɛ ndaakpeɖe yɔ pɔ-yɔɔ wondu.»
^ Yaa «solisi.»
^ Piye piye, «sumasɩ kpacanaa.»
^ Yaa «ɛsɔdaa kulukulu yɔɔ yɔ.»
^ Yaa «potobiyi pe-weziŋ.»
^ Piye piye, «Mba pɔɔ kpaɣ.»
^ Yaa «lemisi.»
^ Yaa «weyi ɛsɔkɩ ɛ-ɛsa nɛ tɛtʋ yɔ.»
