Yɔɔb 23:1-17
23 Yɔɔb cosi nɛ ɛyɔɔdɩ se:
2 «Halɩ sɔnɔ ɖɔɖɔ, mankaɣ wiu man-kʋñɔŋ nɛ ñʋʋ taa ɖoŋ;*+Men-sizuu yeba nɛ mon-ɖoŋ tɛ.
3 Ɛbɛ kaalaba se mansɩm ɖenɖe manpɩzɩɣ nɛ mana Ɛsɔ yɔ!+
Ðɩnɛ ɛlɛ maawobi lone nɖɩ ɖɩ-taa ɛwɛɛ yɔ.+
4 Maawoni mɔn-tɔm ɛ-ɛsɩndaaNɛ maayeba nɛ mɔ-nɔɔ suni tɔm ndʋ mɔyɔɔdʋʋ se malʋbɩnɩ man-tɩ yɔɔ yɔ;
5 Ðɩnɛ ɛlɛ maana ɛzɩma ecosuu-m yɔ
Nɛ manɩɩ tɔm ndʋ eheyiɣ-m yɔ.
6 Ɛkaɣ labɩnʋʋ e-ɖoŋ sɔsɔŋ tʋmɩyɛ nɛ ɛlʋbɩnɩ-m yaa we?
Aayɩ, paa pɩɩlabɩ ɛzɩma yɔ ɛkaɣ-m welisinuu.+
7 Peeɖe lɛ, ɛyʋ weyi ɛwɛ siɣsiɣ yɔ ɛ nɛ ɩ papɩzɩɣ nɛ pɔñɔɔzɩ tɔm,Nɛ mɔn-Tɔm Hʋyʋ kaɣ ɖezuu mɔn-tɔm tam kʋɖʋm nɛ pɩla se pɩtɛma.
8 Ɛlɛ ye mɛnɖɛnɩ wɩsɩ ɖɩlɩyɛ taa yɔ, ɛfɛyɩ peeɖe;Manpɩsɩɣ lɛ maanaɣ-ɩ.
9 Ɛɛlakɩ tʋmɩyɛ nɩmɩyɛ yɔɔ lɛ, maanaɣ-ɩ;Pʋwayɩ lɛ ɛpɩsɩnɩ nɩwaŋ yɔɔ, ɛlɛ maanaɣ-ɩ ɖɔɖɔ.
10 Ɛlɛ ɛsɩm nʋmɔʋ ŋgʋ mankpaɣaa yɔ.+
Ɛtakɩɣ-m nɛ pɩtɛ lɛ, mankaɣ wɛʋ ɛzɩ sika kele kele ñɩŋga yɔ.+
11 Ma-nɩŋgbanzɩ tɩŋ ɛ-nɩŋgbanzɩ taa ɖeyi ɖeyi;Mɔnɖɔm ɛ-nʋmɔʋ taa nɛ mantɩhɛyɩ ɖoli.+
12 Mantiposini e-ndomee paɣtʋ.
Mansɩ ɛ-tɔm camɩyɛ+ halɩ pɩkɩlɩ ɛzɩma pɔpɔzɩ-m yɔ.*
13 Ye ɛtɛm ɛ-taa yɔ, apɩzɩɣ nɛ ɛkaɖɩnɩ-ɩ?+
Ye ɛsɔɔlaa* se ɛla nabʋyʋ yɔ ɛlakɩ-pʋ.+
14 Mbʋ pʋyɔɔ yɔ ɛkaɣ labʋ mbʋ payɩ ɛɖʋwa* se ɛlakɩ-m yɔ;Nɛ ɛtɔsɩ wondu ndʋ tɩ-ɖɔndɩnaa sakɩyɛ.
15 Pʋyɔɔ ɛ-yɔɔ lɛ, mɛwɛ nɩɣzɛ taa;Mamaɣzɩɣ ɛ-yɔɔ lɛ, mɔn-sɔɔndʋ kpaɣ ɖoŋ.
16 Ɛsɔ yeba nɛ ma-laŋɩyɛ lɩɣ,Nɛ Ðoŋ Tɩŋa Tʋ ɖʋ-m sɔɔndʋ.
17 Ɛlɛ cɩkpɛndʋʋ tisuliti mɔ-nɔɔNɛ cɩkpɛndʋʋ ŋgʋ kihuuzi mɛ-ɛsɩndaa yɔ kitisuliti ɖɔɖɔ mɔ-nɔɔ.
Pɩ-tɛɛ tɔm
^ Yaa «man-kʋñɔŋ wiu ɛɛñaŋ.»
^ Yaa «ɛzɩma paɖʋ-m paɣtʋ se mala yɔ.»
^ Yaa «ɛ-kalɩzaɣ ɛsɔɔlaa.»
^ Yaa «ɛɖʋ paɣtʋ.»
