Yɔɔb 28:1-28
28 «Liidiye ñɩɣtʋ ɖihuyiye wɛɛ,Nɛ sika ŋga pekelisiɣ-kɛ yɔ ko-lone wɛɛ;+
2 Tɛtɛɛ pohuyuu ñɩɣtʋ,Nɛ kaaŋ taa poyolusuuni ñɩɣtʋ kɩsɛɛmtʋ.+
3 Ɛyʋ wakɩ cɩkpɛndʋʋ;Ɛwɛɖɩɣ ɖenɖe piyuwa yɔ nɛ cɩkpɛndʋʋ taaNɛ ɛñɩnɩɣ tɛtɛɛ ñɩm.*
4 Ehuyuu pɔʋ poliŋ nɛ ɖenɖe ɛyaa wɛɛ yɔ nɛ etiki tɛtɛɛ ñɩm wayɩ,Lona wena pɔsɔ a-yɔɔ yɔ a-taa, ɖooo poliŋ nɛ ɖenɖe ɛyaa ɖɔŋ yɔ;Ɛyaa nabɛyɛ tiki kɩ-taa, posusi nimee yɔɔ nɛ pifiɣdiɣ-wɛ.
5 Tɔɔnaɣ ñɔʋ tɛtʋ yɔɔ;Ɛlɛ tɛtɛɛ lɛ, pisidi yem ɛzɩ miŋ labɩna nɛ pisidi yɔ.*
6 Pɩyɛ nɖɩ payaɣ se saafiirɩ yɔ ɖɩwɛ kaaŋ taa peeɖe,Nɛ sika wɛ puuyuu taa.
7 Sumasɩ nzɩ sɩtɔkɩ nandʋ yɔ, sɩ-taa nakɛyɛ ɛɛsɩŋ peeɖe nʋmɔʋ;Makɩyɛ kɩkpɛɛdɩyɛ ɛsɩyɛ tɩna-kʋ.
8 Tɛtɛgbɩnɛ sɔsɔɖɛ naɖɩyɛ tɩɖɔ kɩ-taa;Mʋʋzʋʋ ŋgʋ kɩ nɛ ki-ɖoŋ yɔ kɩtɩpabɩ peeɖe.
9 Ɛyʋ yɔkʋʋ pɩcalɩmɩyɛ* nɛ e-nesi;Ɛpɩsɩɣ pʋŋ kpɛlɩ kpɛlɩ i-tigila taa.
10 Ɛhɛɣ lɩm lɔɔŋ+ kaaʋ taa;Ɛ-ɛsa naɣ ñɩm wondu tɩŋa.
11 Ɛɖɩkɩ pɔsɩ hilaNɛ ɛlɩzɩɣ ñalɩmɩyɛ taa mbʋ pɩɩwɛ mɛsaɣ tɛɛ yɔ.
12 Ɛlɛ lɔŋsɩnɖɛ lɛ, le papɩzɩɣ nɛ palɩɩ ɖɩ-yɔɔ,+Nɛ le tɔm taa nɩʋ lɛɣtʋ hiɖe wɛɛ?+
13 Ɛyʋ nɔɔyʋ eeɖiɣziɣni ɖɩ-wazaɣ,+Nɛ paapɩzɩɣ nɛ palɩɩ ɖɩ-yɔɔ ɛsadɩnaa ɛjaɖɛ taa.
14 Lɩm cukaŋ ñɩmbʋ yɔɔdʋʋ se: “Ðɩfɛyɩ man-taa!”
Nɛ teŋgu yɔɔdʋʋ se: “Ðɩfɛyɩ mɔn-cɔlɔ!”+
15 Paapɩzɩɣ payabɩ-ɖɩ nɛ sika kele kele ñɩŋga;Paapɩzɩɣ ɖɔɖɔ nɛ pamaɣzɩ liidiye nɛ pɛlɛɣzɩnɩ-ɖɩ.+
16 Paapɩzɩɣ payabɩ-ɖɩ nɛ Ofiiri sika,+Paapɩzɩɣ ɖɔɖɔ nɛ payabɩ-ɖɩ nɛ onikisi pɩyɛ nɖɩ ɖɩtɩtɔyɩ yɔ nɛ saafiirɩ pɩyɛ.
17 Paapɩzɩɣ nɛ pakpaɣ sika nɛ ñɩnʋʋ nɛ pamaɣzɩnɩ-ɖɩ;Paapɩzɩɣ ɖɔɖɔ nɛ pɛlɛɣzɩ-ɖɩ nɛ ñanaɣ ŋga palabɩnɩ sika kɩbaŋa yɔ.*+
18 Paayaɣ ñɩɣlɩm pɩyɛ nɛ krisɩtaalɩ pɩyɛ hɩla ɖɩ-cɔlɔ,+Mbʋ pʋyɔɔ yɔ huyuu ŋgʋ kisuni lɔŋsɩnɖɛ yɔ kɩmʋ ñɩm nɛ pɩkɩlɩ ŋgʋ kisuni kijisi yɔ.
19 Paapɩzɩɣ nɛ pakpaɣ Kuusi toopaazɩ pɩyɛ+ nɛ pamaɣzɩnɩ-ɖɩ;Halɩ paapɩzɩɣ nɛ payabɩ-ɖɩ nɛ sika kele kele ñɩŋga.
20 Ɛlɛ le lɔŋsɩnɖɛ lɩnaa,Nɛ le tɔm taa nɩʋ lɛɣtʋ hiɖe wɛɛ?+
21 Pɛmɛsɩ-ɖɩ se mbʋ payɩ pɩwɛ wezuu yɔ pɩtaana-ɖɩ,+Pɛmɛsɩ-ɖɩ ɖɔɖɔ se ɛsɔdaa sumasɩ ɩtaana-ɖɩ.
22 Ðɩzʋʋ nɛ sɩm pɔyɔɔdʋʋ se:
“Pɔyɔɔdɩ ɖɩ-tɔm kɩyɔɔdʋ yem nɛ ɖa-nɩŋgbaaŋ nɩɩ.”
23 Ɛsɔ sɩmnɩ nʋmɔʋ ŋgʋ patɩŋ nɛ palɩɩ ɖɩ-yɔɔ yɔ;E-ɖeke ɛsɩmnɩ ɖenɖe ɖɩwɛɛ yɔ,+
24 Mbʋ pʋyɔɔ yɔ ɛcɔŋnɩ ɖooo tɛtʋ kamasɩ yɔɔ,Nɛ ɛnaɣ pɩtɩŋa tɛtʋ kpeekpe yɔɔ.+
25 Alɩwaatʋ ndʋ ɛha helim pi-ɖoŋ*+Nɛ ɛmaɣzɩ lɩm yɔ,+
26 Alɩwaatʋ ndʋ ɛɖʋ paɣtʋ tɛʋ+Nɛ ɛɖʋ nʋmɔʋ tɛʋ sɔsɔʋ ŋgʋ kɩnɩɣnɩ helim nɛ kɩnazɩɣ yɔ kɩ-mɩndʋ yɔ,+
27 Pʋbʋ taa ɛna lɔŋsɩnɖɛ nɛ ɛlɩzɩ ɖɩ-taa;Ɛcaɣzɩ-ɖɩ nɛ ɛtakɩ-ɖɩ nɛ ɛna.
28 Nɛ eheyi ɛyʋ se:
“Na! Yehowa sɔɔndʋ seu kɛnɩ lɔŋsɩnɖɛ,+Nɛ kɩdɛkɛdɩm seu kɛnɩ tɔm taa nɩʋ lɛɣtʋ.”»+
Pɩ-tɛɛ tɔm
^ Piye piye, «ɛñɩnɩɣ pɩyɛ.»
^ Pʋtɔma yɔ tɛtɛɛ ñɩm huyuu tɔm pɔyɔɔdʋʋ.
^ Yaa «kaaʋ ɖoŋ ñɩŋgʋ.»
^ Yaa «sika ŋga pekelisi-kɛ yɔ.»
^ Piye piye, «pi-yuŋ.»
