Yɔɔb 30:1-31
30 «Abalaa mba mankɩlɩ-wɛ yɔ,Lɛɛlɛɛyɔ powoŋuu-m,+Mba mantaatisiɣ se mɛnkpɛndɩPa-caanaa nɛ hasɩ nzɩ sɩɖaŋaɣ man-kpɩna yɔɔ yɔ.
2 Ɛbɛ pe-nesi ɖoŋ wazaɣ-m?
Po-ɖoŋ tɛma.
3 Kɛdɛɖaɣ nɛ ñɔɔsɩ yeba nɛ po-ɖoŋ tɛ;Pasalɩɣ tɛtʋ ndʋ tɩwɩlɩ kaŋkaŋ yɔ,Ndʋ tɩtɛm pɩsʋʋ njɛyɛ nɛ tɩwɛɛ ndaakpasɩ yɔ.
4 Pacaɣ ɖɔm ñɩtʋ cɔka taa;Cɔka lila kɛnɩ pɔ-tɔɔnaɣ.
5 Pɔɖɔɔnɩ-wɛ samaɣ taa;+Ɛyaa kou pɔ-yɔɔ ɛzɩ pokoou mɩlʋ yɔɔ yɔ.
6 Pacakaɣ wezuu fɛɛŋ* taa,Pɔŋ taa nɛ kaaŋ taa.
7 Pamakɩ kubusi cɔka taaNɛ pekpiikiɣni ɖama sɔɔ ñɩtʋ taa.
8 Pɔɖɔɔnɩ-wɛ* ɛjaɖɛ taa,Ɛzɩ kɩmɛlɛmɩŋ pɩyalaa nɛ aleewondu tɩnaa* pɩyalaa yɔ.
9 Ɛlɛ lɛɛlɛɛyɔ, powoŋuu-m pɩkpɛndɩnɩ pe-hendu taa;+Manpɩsɩ mbʋ peniŋ yɔ* pɛ-ɛsɩndaa.+
10 Papaɖɩɣ-m nɛ poposuuni-m;+Pɩfɛyɩ-wɛ kaɖɛ se pɔtɔ ndaatʋ mɛ-ɛsɩndaa.+
11 Ɛsɔ mʋ mo-you wondu* nɛ eluzi-m,Pʋyɔɔ paatasɩɣ pa-tɩ kpaʋ mɛ-ɛsɩndaa.
12 Pakʋyʋʋ ma-nɩwaŋ yɔɔ ɛzɩ samaɣ ŋga kacaɣ se kalabɩ-m kɩdɛkɛdɩm yɔ;Pɔɖɔɔnʋʋ-m nɛ menseɣNɛ paɖɩkɩ ma-nʋmɔʋ se paɖɩzɩ-m.
13 Pɛwɛɛkɩɣ ma-nʋmɔŋNɛ palakɩ nɛ ma-asɛyʋʋ tɛzɩɣ kpaʋ ɖoŋ,+Nɛ nɔɔyʋ fɛyɩ se ekizini-wɛ.*
14 Pɔkɔŋ ɛzɩ koloŋa pɔʋ sɔsɔʋ taa patɩŋnaa yɔ;Poku ɖama nɛ pɔkɔŋ lone nɖɩ ɖɩpɩsɩ njɛyɛ yɔ ɖɩ-taa.
15 Sɔɔndʋ kɩlɩ-m;Pɩkpaɣ ma-hɩɖɛ ɖʋʋ nɛ pɩɖɛna ɛzɩ helim kpakʋʋ nabʋyʋ yɔ,Nɛ ma-ñʋʋ yabʋ mʋkɩ ɛzɩ mɩndʋ yɔ.
16 Lɛɛlɛɛyɔ, me-wezuu* lɩɣ man-taa;+Kʋñɔŋ+ kɩyakɩŋ talɩ-m.
17 Wɩzasɩ tʋlʋʋ mɔ-mɔɔ* ɖoo taa;+Pɩsalɩɣ-m, nɛ wɩzasɩ nzɩ sɩɩsɩŋɩɣ kpa.+
18 Ðoŋ sɔsɔŋ nɩɩyɩ wɛɛkɩ mon-toko wɛtʋ;*Kɩɖɩɣ men-feziŋ ɛzɩ mon-toko kɔla yɔ.
19 Ɛsɔ pɛɖɩ-m ahɔya taa;Manpɩsɩ puuyuu nɛ tɔlɩma.
20 Mamakɩ kubusi se ŋsɩnɩ-m, ɛlɛ ŋŋcosuu-m;+Mankʋyaa nɛ mansɩŋ, ɛlɛ ŋcɔŋnɩ-m kɩcɔnʋʋ yem.
21 Ŋpɩsaa nɛ ŋlakɩ-m kañatʋ;+Ŋɖakɩ-m nɛ ñe-nesi ɖoŋ tɩŋa.
22 Ŋkpazɩɣ-m nɛ ŋkpakɩɣ-m nɛ helim nɛ ŋɖɛɣna;Nɛ ŋfiɣdiɣ-m tɛʋ sɔsɔʋ ŋgʋ kɩnɩɣnɩ helim yɔ kɩ-taa.*
23 Mbʋ pʋyɔɔ yɔ manawa se ŋkaɣ-m tisuu sɩm taa,Ðɩɣa ŋga ka-taa ɛsadɩnaa tɩŋa kaɣ katʋʋ yɔ.
24 Ɛlɛ nɔɔyʋ ɛɛmakɩ abalʋ weyi pɩpʋʋtɩ-ɩ yɔ*+Alɩwaatʋ ndʋ ɛmakɩ kubusi asɛyʋʋ alɩwaatʋ taa se pasɩnɩ-ɩ yɔ.
25 Mantiwii mba kaɖɛ talɩ-wɛ yɔ?*
Mantɩnɩɩ* kʋñɔndʋ siziŋ na?+
26 Kɩbandʋ maaɖaŋaa, ɛlɛ kɩwɛɛkɩm kɔmna;Ñalɩmɩyɛ maaɖaŋaa, ɛlɛ cɩkpɛndʋʋ kɔmna.
27 Pɩcʋʋdʋʋ man-taa kaahɛzaɣ;Kʋñɔŋ kɩyakɩŋ talɩ-m.
28 Moyotuu laŋwɛɛkɩyɛ taa;+ wɩsɩ ñalɩmɩyɛ fɛyɩ.
Mankʋyɩ samaɣ hɛkʋ taa, nɛ mamakɩ kubusi se pasɩnɩ-m.
29 Manpɩsɩ tɛyɛ hasɩ koobuNɛ taataa pɛlaa taabalʋ.+
30 Mɔn-tɔnʋʋ piyi kiɖi kiɖi nɛ kɩkpɛzɩɣ nɛ kɩɖakɩ;+Soŋaɣ yeki* nɛ mɔ-mɔɔ ñakɩ.
31 Kʋñɔwiye taa ɖeke panɩɣ man-cɩmʋʋ taŋ,Nɛ wiu alɩwaatʋ taa ɖeke panɩɣ ma-hɩlaɣ taŋ.
Pɩ-tɛɛ tɔm
^ Yaa «lemisi.»
^ Piye piye, «Pɔɖɔɔnɩ-wɛ nɛ agbazɛɛ.»
^ Piye piye, «nɛ mba pɛfɛyɩ hɩɖɛ.»
^ Piye piye, «Manpɩsɩ eduuye.»
^ Piye piye, «Ɛsɔ yɔɔyɩ mɔn-tɔʋ nimiye.»
^ Pɩpɩzɩɣ pɩkɛ, «ɛsɩnɩ-wɛ.»
^ Yaa «man-kalɩzaɣ.»
^ Piye piye, «Mɔ-mɔɔ tʋlɩ pɔŋ.»
^ Pɩpɩzɩɣ pɩkɛ, «Man-kʋñɔŋ kpa ɖoŋ kpaʋ mbʋ yɔ pɩwɛɛkɩ mɛ-ɛsɩndaa wɛtʋ.»
^ Pɩpɩzɩɣ pɩkɛ, «Nɛ ŋyɔlɩsʋʋ-m helim sɔsɔm taa.»
^ Piye piye, «ɛɛmakɩ njɛyɛ tambaɣ huuye.»
^ Yaa «mba pe-evemiye wɛ kaɖɛ yɔ?»
^ Yaa «Man-kalɩzaɣ tɩnɩɩ.»
^ Pɩpɩzɩɣ pɩkɛ, «Mansa miŋ.»
