Yɔɔb 31:1-40
31 «Ma nɛ mɛ-ɛsa ɖɩɖʋ ɛgbɛyɛ.+
Ye mbʋ, ɛzɩma manpɩzɩɣ nɛ mɔncɔnɩ pɛlɛ* nɔɔyʋ nɛ lɩmaɣza kɩdɛkɛda?+
2 Ye malabɩ mbʋ, ɛbɛ ɛsɔdaa Ɛsɔ kaɣ-m cɛlʋʋ?
Ñɩm mbʋ Ðoŋ Tɩŋa Tʋ weyi ɛwɛ hayo yɔ ɛkaɣ-m cɛlʋʋ?
3 Pɩtɩkɛ asɛyʋʋ ɖaŋnɩ kɩwɛɛkɩm laɖʋ na?
Nɛ pɩtɩkɛ kʋñɔŋ ɖaŋnɩ mba palakɩ mbʋ pɩfɛyɩ ɖeu yɔ?+
4 Ɛzɩ ɛɛnaɣ ma-nʋmɔŋ+Nɛ ɛɛkalɩɣ nɩŋgbanzɩ nzɩ payɩ mɛnkpɛzɩɣ yɔ?
5 Wiɖiyi mɛntɛm ɖɔm cɛtɩm taa?*
Ma-nɩŋgbaŋaɣ kpedesaa se kɛcɛtɩ yaa we?+
6 Ɛsɔ ɛmaɣzɩ-m nɛ yuŋ kɩmaɣzʋʋ ŋgʋ kɩtʋʋzaa yɔ;+Ðɩnɛ ɛlɛ ɛkaɣ ɖiɣzinuu man-cɩŋgɩlɩm wɛtʋ.+
7 Ye ma-nɩŋgbanzɩ iyebi tɩŋʋʋ nʋmɔʋ+Yaa ma-laŋɩyɛ ɛtɩŋ mɛ-ɛsa wayɩ+Yaa nabʋyʋ episi me-nesi yɔ,
8 Ðɩnɛ ɛlɛ monɖuu ɖomaɣ nɛ ɛyʋ lɛlʋ tɔɔna,+Nɛ pɛkpɛzɩ mbʋ mɔnsɔwa yɔ.*
9 Ye halʋ nɔɔyʋ epeɣzi ma-laŋɩyɛ+Nɛ manpabɩ+ ɛyʋ lɛlʋ nɔnɔɔ tɛɛ yɔ,
10 Ðɩnɛ ɛlɛ ma-halʋ ɛnaŋ mʋlʋm abalʋ lɛlʋ,Nɛ abalaa lalaa ɩsʋʋnɩ-ɩ.*+
11 Mbʋ pʋyɔɔ yɔ pɩkɛɣnɩ fɛyɛ lakasɩ,Pɩkɛɣnɩ kɩwɛɛkɩm mbʋ pɩ-yɔɔ pɩwɛɛ se tɔm hʋyaa ɩhɔ ma-nɩŋgbaaŋ yɔ.+
12 Pɩkɛɣnɩ miŋ weyi ɛñakɩ* wondu nɛ ɛɖɩzɩɣ-tʋ yɔ,+Miŋ weyi ɛñakɩ nɛ halɩ pɩkpɛndɩnɩ mbʋ payɩ mɛwɛna yɔ pi-lila yɔ.*
13 Ye momuli ma-lɩmɖʋyaa abalɩñɩma yaa halɩñɩmaAlɩwaatʋ ndʋ tɔm kɔm ma nɛ wɛ ɖɛ-hɛkʋ taa yɔ,*
14 Ɛbɛ manpɩzɩɣ nɛ mala alɩwaatʋ ndʋ Ɛsɔ yaɣ-m tɔm yɔ?*
Suwe manpɩzɩɣ nɛ moncosi-i alɩwaatʋ ndʋ ɛpɔzʋʋ-m akɔnta yɔ?+
15 Pɩtɩkɛ Ɛsɔ weyi ɛma-m lotu taa yɔ ɛnʋ manɩ-wɛ ɖɔɖɔ?+
Pɩtɩkɛ kʋɖʋm ɛnʋ ɛmanɩ-ɖʋ pʋcɔ nɛ palʋlʋʋ-ɖʋ?*+
16 Ye menkizaa se maahaɣ kʋñɔndɩnaa mbʋ pe-liu wɛɛ yɔ+Yaa ye meyeba nɛ lelu ɛsa wɛɛ laŋwɛɛkɩyɛ taa;*+
17 Ye mɔntɔɔ mɔn-tɔɔnaɣ men-ɖekeNɛ mantɩha solisi;+
18 (Mbʋ pʋyɔɔ yɔ kpaɣnɩ ɖooo me-evebitu taa, soliɣa paɣlɩ* mɔn-cɔlɔ ɛzɩ maakɛnɩ ka-caa yɔ,Nɛ maakɛ lelu ɖiyiyu kpaɣnɩ pɩjatʋ* taa.)
19 Ye mana nɔɔyʋ eɖiɣni sɩbʋ, mbʋ pʋyɔɔ yɔ ɛfɛyɩnɩ wondu kususutuYaa kʋñɔndʋ nɔɔyʋ, ɛfɛyɩnɩ nabʋyʋ se ehu;+
20 Ye mantɩha-ɩ me-heŋ hʋndʋSe pisoŋi-i nɛ ɛwazɩ-m;*+
21 Ye mawɩlɩ soliɣa ŋgulumiye+Alɩwaatʋ ndʋ kañɩnaɣ se mansɩnɩ-kɛ* tɛtʋ nɔnɔɔ taa yɔ;+
22 Ðɩnɛ ɛlɛ ma-nɩŋgbɛɛŋa* ɛlɩɩnɩ ma-hamʋʋ yɔɔ nɛ kɔtɔlɩ,Nɛ ma-nɩŋgbɛɛŋa ɛpɛlɩ nuŋgoloŋa taa.*
23 Mbʋ pʋyɔɔ yɔ asɛyʋʋ ŋgʋ kɩlɩɣnɩ Ɛsɔ cɔlɔ yɔ kɩkpaɣaɣ-m sɔɔndʋ siŋŋ,Nɛ mantaapɩzɩɣ se mansɩŋ ɛ-sɔsɔtʋ ɛsɩndaa.
24 Ye manɖʋ me-lidaʋ sika yɔɔYaa meheyi sika kɩbaŋa se: “Ña mantaɣ liu!”+
25 Ye ma-ñɩm sɔsɔm ɛhanɩ-m taa leleŋ+Ñɩm sakɩyɛ mbʋ mancazaa yɔ pʋyɔɔ;+
26 Ye mana wɩsɩ* ɖiɣni ñaɣʋYaa fenaɣ ɖiɣni ɖɛʋ ke-keɖeɣa taa;+
27 Nɛ pipeɣzi ma-laŋɩyɛ mɛsaɣ tɛɛ,Nɛ mɔ-nɔɔ mʋzɩ me-nesi nɛ pɩwɩlɩ se mɛnsɛɣ-wɛ yɔ;+
28 Ðɩnɛ ɛlɛ pɩkɛɣnɩ kɩwɛɛkɩm mbʋ pɩ-yɔɔ pɩwɛɛ se tɔm hʋyaa ɩhɔ ma-nɩŋgbaaŋ yɔ,Mbʋ pʋyɔɔ yɔ pɩwɩlɩɣ se menkizi ɛsɔdaa Ɛsɔ toovenim tʋ.
29 Wiɖiyi mɛntɛm wɛʋ laŋhʋlʋmɩyɛ taa mon-koyindu ɖɩzʋʋ yɔɔ?+
Yaa mɛntɛm mɛyʋʋ mbʋ pʋyɔɔ yɔ kɩdɛkɛdɩm talɩ-ɩ?
30 Wiɖiyi mantɩha mɔ-nɔɔ nʋmɔʋ se kala kɩdɛkɛdɩmNɛ kɔlɔ nɔɔ nɛ kɔpɔzɩ e-wezuu.*+
31 Ɛzɩ men-kizinziku tɛɛ ɛyaa tɩyɔɔdɩ se:
“Apɩzɩɣ nɛ ɛna nɔɔyʋ weyi ɛtɩtɔɔ ɛ-tɔɔnaɣ* nɛ ɛhaɣ yɔ?”+
32 Ɛgɔm nɔɔyʋ tɩhɩnɩ awayɩ ɖoo taa;+Mantʋlɩ mɔ-nɔnɔsɩ nʋmɔɖɔnʋ.
33 Wiɖiyi mɛntɛm ñaɣʋ pana se mohuuzi man-kɩdɛkɛdɩm yɔɔ ɛzɩ ɛyaa lalaa lakʋʋ yɔ,+Nɛ mɛmɛsɩ man-kɩwɛɛkɩm mon-toko kabʋa taa?
34 Ɛzɩ sɔɔndʋ tɛmɩ-m kpaʋ nɛ samaɣ,Yaa sɔɔndʋ tɛmɩ-m kpaʋ se hɔŋ lɛɛŋ kaanimi-m,Nɛ piyele nɛ monsu tamɩyɛ nɛ sɔɔndʋ kpaɣ-m nɛ awayɩ lɩʋ na?
35 Ɛbɛ kaalaba se nɔɔyʋ welisaɣni-m!+
Ðɩnɛ ɛlɛ maañɩɣ niye tɔm ndʋ mɔyɔɔdaa yɔ tɩ-yɔɔ nɛ ma-hɩɖɛ.*
Ðoŋ Tɩŋa Tʋ ecosi-m!+
Ɛbɛ kaalaba se weyi ɛkʋʋ mɔn-tɔm yɔ, ɛma tɔm ndʋ tɩ-yɔɔ ɛkʋʋ mɔn-tɔm yɔ takayaɣ nakɛyɛ taa!
36 Ðɩnɛ ɛlɛ maahɔɔlɩ-kɛ ma-hazaɣ yɔɔ,Nɛ maapam-kɛ ma-ñʋʋ taa ɛzɩ awiya hulaɣ yɔ.
37 Ðɩnɛ ɛlɛ, maalabɩ-ɩ akɔnta nɩŋgbanzɩ nzɩ payɩ mɛnkpɛzaa yɔ sɩ-yɔɔ;Maañɔtɩnɩ-ɩ kaalɛyɩtʋ, ɛzɩ awumbu yɔ.
38 Ye mɛn-tɛtʋ maɣmaɣ ɛmakɩ kubusi mɔ-yɔɔNɛ tɩ-kpɛnzɩ ɩkpɛndaa nɛ siwiɣ;
39 Ye mɔntɔɔ mbʋ tɩlʋlaa yɔ nɛ mantɩhɛyɩ,+Yaa ye meyeba nɛ mba patɩnɩ-tʋ yɔ pelesi* lidaʋ yɔ;+
40 Ðɩnɛ ɛlɛ sɔɔ ñɩtʋ ɩñɔ ma-hayɩm taa blee* lone taaNɛ ñɩtʋ kɩdɛkɛdɩtʋ ndʋ tɩlɩɣ sɔŋ yɔ tɩñɔ orjɩ* lone taa.»
Yɔɔb tɔm sɩ tɩnaɣ cɩnɛ.
Pɩ-tɛɛ tɔm
^ Piye piye, «pɛlɛ weyi ɛtɩtɩlɩ abalʋ yɔ.»
^ Pɩpɩzɩɣ pɩkɛ, «ma nɛ cɛtɩyaa ɖɩtɛm ɖɔm na?»
^ Yaa «pɛkpɛzɩ ma-lʋlʋʋ taa mba.»
^ Piye piye, «abalaa lalaa iluŋ ɛ-yɔɔ.»
^ Piye piye, «ɛtɔkɩ.»
^ Yaa «weyi ɛkpɛzɩɣ mbʋ payɩ mɛwɛna yɔ.»
^ Yaa «Alɩwaatʋ ndʋ paya-m tɔm yɔ.»
^ Piye piye, «Ɛsɔ kʋyʋʋ yɔ?»
^ Piye piye, «ɛmanɩ-ɖʋ lotu taa.»
^ Piye piye, «ɛsa yɔɔ piyi.»
^ Piye piye, «mon-ɖoo lotu.»
^ Piye piye, «ɛpaɣlɩ.»
^ Piye piye, «nɛ ɛ-tɩnaɣ wazɩ-m.»
^ Pɩpɩzɩɣ pɩkɛ, «Alɩwaatʋ ndʋ manawa se maawɛnɩ sɩnʋʋ.»
^ Yaa «ma-hazaɣ.»
^ Yaa «ɛpɛlɩ ka-ɖɩdanɖɛ taa.»
^ Piye piye, «ñalɩmɩyɛ.»
^ Yaa «ɛ-kalɩzaɣ.»
^ Piye piye, «ɛ-nandʋ.»
^ Yaa «Me-niye ñɩɣʋ yɔ.»
^ Yaa «pa-kalɩzaɣ lesi.»
^ Blee kɛ tɔɔnaɣ pee naayɛ.
^ Orjɩ kɛ tɔɔnaɣ pee naayɛ.
