Yɔɔb 34:1-37
34 Nɛ Eliihu tasɩ yɔɔdʋʋ se:
2 «Iwelisi mɔn-tɔm, mɩ mba ɩkɛ lɔŋsɩnɖaa yɔ;Ikemsini-m, mɩ mba ɩwɛnɩ sɩmtʋ sakɩyɛ yɔ.
3 Mbʋ pʋyɔɔ yɔ nɩŋgbaŋʋʋ takɩɣ tɔm pee se kɩnaƐzɩ nzʋlʋmɩyɛ ɖɩkʋʋ tɔɔnaɣ se ɖɩna yɔ.
4 Ðɩmaɣzɩ nɛ ɖɩna mbʋ pɩtʋʋzaa yɔ;Ðɩnɩɩnɩ ɖama nɛ ɖɩlɩzɩ mbʋ pɩwɛ ɖeu yɔ.
5 Mbʋ pʋyɔɔ yɔ Yɔɔb yɔɔdaa se: “Mɔn-tɔm ɖewa,+Ɛlɛ Ɛsɔ kizaa se eeɖeziɣ mɔn-tɔm.+
6 Ɛzɩ pɩwɛɛ se mɛncɛtɩ nɛ mɔyɔɔdɩ se pɩtɩmʋna se pahʋʋ mɔn-tɔm siɣsiɣ?
Me-heŋ ɛɛwaɣ, ŋgʋ mantɩwɛɛkɩ nabʋyʋ.”+
7 Awɛ ɛzɩ Yɔɔb yɔ,Weyi ɛñɔʋ tʋtʋ* ɛzɩ pɔñɔɔʋ lɩm yɔ?
8 Ɛ nɛ kɩdɛkɛdɩm laɖaa paɖʋʋnɩ taabalɩyɛ,Nɛ ɛ-ɛgbaɣdɩnaa lɛ kañatʋ tɩnaa.+
9 Mbʋ pʋyɔɔ yɔ ɛyɔɔdaa se: “Ɛyʋ ɛñakɩ pana se ɛ-tɔm ɛkɛdɩnɩ Ɛsɔ yɔ,Pɩɩwazɩɣ-ɩ nabʋyʋ.”+
10 Pʋyɔɔ lɛ, iwelisini-m, mɩ mba ɩwɛnɩ tɔm taa nɩʋ lɛɣtʋ* yɔ:
Ɛsɔ toovenim tʋ ɛɛpɩzɩɣ nɛ ɛla kañatʋ lakasɩ kpa,+Nɛ Ðoŋ Tɩŋa Tʋ ɛɛpɩzɩɣ nɛ ɛla mbʋ pɩfɛyɩ ɖeu yɔ kpa!+
11 Mbʋ pʋyɔɔ yɔ ɛkaɣ ɛyʋ hɛyʋʋ nɛ pɩla nɔɔ kʋɖʋmaɣ nɛ ɛ-lakasɩ+Nɛ ɛkaɣ kɔnʋʋ ɛ-yɔɔ mbʋ pɩlɩ ɛ-ɖɔnɛ taa yɔ.
12 Toovenim taa lɛ, Ɛsɔ ɛɛlakɩ kañatʋ lakasɩ;+Ðoŋ Tɩŋa Tʋ ɛɛkɛzɩɣ siɣsiɣ tɔm kiŋgiɖe.+
13 Aɖʋzɩ tɛtʋ e-nesi tɛɛ,Nɛ asɩ-ɩ kedeŋa kpeekpe ñʋʋdʋ?
14 Ye ɛkam ɛ-lɩmaɣza* pɔ-yɔɔ,Ye ekpeɣli pe-fezuu nɛ pɔ-mɔɔŋ tɛɛ helim ɛ-cɔlɔ yɔ,+
15 Ɛyaa* kpeekpe kaɣ tɛŋɩlʋʋ,Nɛ ɛyaa kaɣ ɖaɣnʋʋ pɩsʋʋ tɛtʋ.+
16 Pʋyɔɔ lɛ, ye ŋwɛ lɛɣtʋ yɔ, kemsi tʋnɛ;Welisi tɔm ndʋ mɔyɔɔdʋʋ yɔ camɩyɛ.
17 Ɛzɩ pɩwɛɛ se weyi ɛpaɖɩɣ siɣsiɣ tɔm yɔ ɛtɔɔ kewiyitu na?
Ŋkaɣ kʋʋ ɖoŋ tʋ weyi ɛwɛ siɣsiɣ yɔ ɛ-tɔm na?
18 Ŋkaɣ heyuu wiyaʋ se: “Ŋŋwazɩɣ pʋyʋ”?
Yaa ŋkaɣ heyuu sɔsaa se: “Ɩkɛ kañatʋ tɩnaa” na?+
19 Nɔɔyʋ wɛɛ nɛ ɛɛtɩnɩɣ awumbiya yɔɔ,Ɛɛtɩnɩɣ ɖɔɖɔ ñɩm tʋ yɔɔ se pimuli kʋñɔndʋ,*+Mbʋ pʋyɔɔ yɔ pa-tɩŋa pɛkɛ e-nesi tɛɛ tʋmɩyɛ.+
20 Papɩzɩɣ nɛ pasɩ tuda yem,+ ɖoo hɛkʋ taa;+Peseliɣ siŋŋ nɛ pasɩ;Halɩ pamʋʋzʋʋ ɖoŋ tɩnaa, ɛlɛ pɩtɩkɛ ɛyʋ nesi mʋʋzʋʋnɩ-wɛ.+
21 Mbʋ pʋyɔɔ yɔ Ɛsɔ ɛsa wɛ ɛyʋ nʋmɔŋ yɔɔ,+Nɛ ɛnaɣ ɖenɖe payɩ ɛfɛyɩɣ nɩŋgbanzɩ yɔ.
22 Cɩkpɛndʋʋ yaa kuzotuu* sɔsɔʋ nakʋyʋ fɛyɩSe kɩwɛɛkɩm laɖaa pɩzɩɣ nɛ pɛmɛlɩ peeɖe.+
23 Mbʋ pʋyɔɔ yɔ Ɛsɔ tɩɖʋ ɛyʋ nɔɔyʋ alɩwaatʋNdʋ tɩ-yɔɔ pɩwɛɛ se ewolo ɛ-ɛsɩndaa tɔm ɖɩhʋyɛ yɔ.
24 Ɛpʋʋtʋʋ ɖoŋ tɩnaa nɛ pɩtɩcɛyɩ se ɛtazɩ tɔm taa nɛ pʋcɔ,Nɛ ɛsɩɣ lalaa po-lone taa.+
25 Mbʋ pʋyɔɔ yɔ ɛsɩm mbʋ palakɩ yɔ;+Etuzuu-wɛ ɖoo taa nɛ ɛpɛɖɩɣ nɛ papʋʋtʋʋ.+
26 Ɛmakɩ-wɛ pa-kañatʋ lakasɩ yɔɔ,Lone nɖɩ ɖɩ-taa paa weyi ɛpɩzɩɣ nɛ ɛna yɔ,+
27 Mbʋ pʋyɔɔ yɔ peyebi-i tɩŋʋʋ+Nɛ pa-paa fɛyɩnɩ ɛ-nʋmɔʋ nakʋyʋ;+
28 Palakɩ nɛ kʋñɔndʋ makɩ kubusi nɛ ɛyaɣ-ɩ,Nɛ ɛnɩɣ weyi ɛfɛyɩnɩ ɖoŋ nɩɩyɩ yɔ e-kubusi.+
29 Ye Ɛsɔ esum tamɩyɛ, apɩzɩɣ nɛ ɛkʋ ɛ-tɔm?
Ye ɛmɛsɩ ɛ-ɛsɩndaa, apɩzɩɣ nɛ ɛna-ɩ?
Paa Ɛsɔ ɛmɛsɩ ɛ-ɛsɩndaa se ɛyʋ nɔɔyʋ yaa ɛjaɖɛ naɖɩyɛ ɛtaana-ɩ yɔ, mbʋ pɩlɩɣ pɩ-taa yɔ pɩwɛ ɖeyi ɖeyi,
30 Se pɩsa nɛ ɛyʋ weyi ɛɛñaŋ Ɛsɔ yɔ* ɛtaatɔɔ kewiyitu+Nɛ ɛtaañɩ ɛyaa kpacanaa ɖɔɖɔ.
31 Mbʋ pʋyɔɔ yɔ ɛzɩ nɔɔyʋ kaɣ heyuu Ɛsɔ se:
“Pɔhɔm ma-nɩŋgbaaŋ, ŋgʋ mantɩla kɩdɛkɛdɩm nabʋyʋ;+
32 Wɩlɩ-m mbʋ mantɩpɩzɩ nɛ mana yɔ;Ye malabɩ mbʋ pɩfɛyɩ ɖeu yɔ, maakaɣ-pʋ tasʋʋ labʋ”?
33 Ɛzɩ pɩwɛɛ se ɛhɛyɩ-ŋ ɛzɩ ŋsɔɔlʋʋ yɔ mbʋ pʋyɔɔ yɔ ŋkizi ɛ-tɔm hʋʋ paɣtʋ na?
Ña pɩwɛɛ se ŋkpaɣ lɩmaɣzɩyɛ, pɩtɩkɛ ma.
Ye mbʋ, heyi-m mbʋ ŋsɩm kpem yɔ.
34 Ɛyaa mba pɛwɛnɩ tɔm taa nɩʋ lɛɣtʋ* yɔ—Lɔŋsɩnɖaa mba payɩ pewelisiɣni-m yɔ—
Pakaɣ-m heyuu se:
35 “Yɔɔb ɛɛsɩŋ tɔm ndʋ ɛyɔɔdʋʋ yɔ,+Nɛ lɛɣtʋ fɛyɩ ɛ-yɔɔdaɣ taa.”
36 Tɛtɛ nɛ pɩtakɩ Yɔɔb* nɛ pɩtalɩ tɩnaɣ yɔɔMbʋ pʋyɔɔ yɔ ecosuu ɛzɩ kañatʋ tɩnaa yɔ!
37 Ɛsɔzʋʋ kaañamtʋ ɛ-kɩdɛkɛdɩm yɔɔ;+Ɛkpalɩɣ nesi taa nɛ nimtu ɖɛ-ɛsɩndaaNɛ ɛyɔɔdʋʋ tɔm sakɩyɛ ndʋ tɩkaɖɩɣnɩ Ɛsɔ toovenim tʋ yɔ!»+
Pɩ-tɛɛ tɔm
^ Yaa «hoŋa.»
^ Piye piye, «ɩwɛnɩ laŋɩyɛ.»
^ Piye piye, «ɛ-laŋɩyɛ.»
^ Piye piye, «Tomnasɩ.»
^ Yaa «sɔsɔ yɔɔ se pimuli cikpelu.»
^ Yaa «cɩkpɛndʋʋ.»
^ Yaa «tisuu yebiyu.»
^ Piye piye, «pɛwɛnɩ laŋɩyɛ.»
^ Pɩpɩzɩɣ pɩkɛ, «Man-caa, tɛtɛ nɛ pɩtakɩ Yɔɔb.»
