Yɔɔb 35:1-16
35 Eliihu tasɩ cosuu se:
2 «Ña-taa tɛm kpem se ŋwɛnɩ toovenim nɛ halɩ ŋyɔɔdʋʋ se:“Mɛwɛ siɣsiɣ nɛ pɩkɩlɩ Ɛsɔ”?+
3 Mbʋ pʋyɔɔ yɔ ŋyɔɔdʋʋ se: “Pɩna-ŋ nɛ we?*
Mɛ-wɛtʋ wɛ weewee nɛ pɩkɩlɩ mbʋ pɩ-taa manpɩzaɣ se mɛwɛɛYe maalabɩ kɩwɛɛkɩm yɔ?”+
4 Mankaɣ-ŋ cosuu,Moncosuu ña nɛ ña-taabalaa.+
5 Kpazɩ ɛsa nɛ ŋcɔnɩ ɛsɔdaa nɛ ŋna,Cɔnɩ mɩndʋ+ ndʋ tɩwɛ ña-ñʋʋ yɔɔ ɖooo hayo yɔ.
6 Ye ŋlabɩ kɩdɛkɛdɩm yɔ, ɛzɩma ŋɖʋʋ-ɩ ɖɩwɩzɩyɛ?+
Ye ña-kɩwɛɛkɩm ɩɖɔwa yɔ, ɛbɛ ŋlakɩ-ɩ?+
7 Ye ŋwɛ siɣsiɣ, ɛbɛ ŋhaɣ-ɩ?
Ɛbɛ ɛmʋʋ ñɔ-cɔlɔ?+
8 Ɛyʋ weyi ɛwɛ ɛzɩ ña yɔ, e-ɖeke ña-kañatʋ lakasɩ tukuuna,Nɛ ɛyʋ pɩyalʋ ñe-siɣsiɣ wɛtʋ tukuuna.
9 Ɛyaa makɩ kubusi alɩwaatʋ ndʋ pɛwɛ nazɩm sɔsɔm taa yɔ;Pamakɩ kubusi se palɩzɩ-wɛ ɖoŋ tɩnaa nesi tɛɛ.+
10 Ɛlɛ nɔɔyʋ ɛɛpɔzʋʋ se: “Le Ɛsɔ, ma-Mayʋ Sɔsɔ wɛɛ,+Ɛnʋ weyi ɛlakɩ nɛ peteɣ hendu ɖoo taa yɔ?”+
11 Ɛwɩlɩɣ-ɖʋ tɔm+ nɛ pɩkɩlɩɣ tɛtʋ yɔɔ kpɩna,+Nɛ ɛlakɩ nɛ ɖɩpɩsɩɣ lɔŋsɩnɖaa nɛ pɩkɩlɩɣ ɛsɔdaa sumasɩ.
12 Ɛyaa makɩ kubusi, ɛlɛ eecosuu,+Kañatʋ tɩnaa tɩ kpazʋʋ yɔɔ.+
13 Toovenim taa lɛ, Ɛsɔ eewelisiɣ falaa kubusi;*Ðoŋ Tɩŋa Tʋ eekeŋni-sɩ.+
14 Pɩcandɩnɩ alɩwaatʋ ndʋ ŋyɔɔdʋʋ se ŋŋnaɣ-ɩ yɔ!+
Tɔm ndʋ ŋcaɣ se pahʋ-ŋ yɔ tɩwɛ ɛ-ɛsɩndaa, pʋyɔɔ lɛ pɩwɛɛ se ŋɖaŋɩ-ɩ kpam.+
15 Mbʋ pʋyɔɔ yɔ ɛtɩpɔzɩ-ŋ akɔnta pana taa;Nɛ ɛtɩkpaɣ ɖɔɖɔ tɔm ndʋ ŋkpedesaa nɛ ŋyɔɔdɩ yɔ nɛ ɛlabɩnɩ tʋmɩyɛ.+
16 Yɔɔb haɣ ɛ-nɔɔ haaa yem falaa;Ɛyɔɔdʋʋ tɔm sakɩyɛ, ɛlɛ ɛɛsɩŋ ndʋ ɛyɔɔdʋʋ yɔ.»+
