Yɔɔb 36:1-33
36 Eliihu tasɩ yɔɔdʋʋ se:
2 «Tasɩ ɖʋʋ suuɖu pazɩ nɛ malɩzɩ tɔm taa,Mbʋ pʋyɔɔ yɔ manɖaɣnɩ wɛnʋʋ tɔm se mɔyɔɔdʋʋ Ɛsɔ hɩɖɛ taa.
3 Mankaɣ yɔɔdʋʋ mbʋ payɩ mansɩma yɔ pɩ-tɔm,Nɛ mankaɣ wɩlʋʋ se ma-Mayʋ tɩnɩ siɣsiɣ wɛtʋ.+
4 Toovenim taa lɛ, cɛtɩm fɛyɩ mɔn-tɔm taa;Weyi* ɛ-sɩmtʋ talɩ pilim yɔ+ ɛwɛ ñɛ-ɛsɩndaa cɩnɛ.
5 Toovenim taa lɛ, Ɛsɔ wɛ ɖoŋ+ nɛ ɛɛlɔʋ nɔɔyʋ;Ɛ-tɔm taa nɩʋ lɛɣtʋ* paɣlaa.
6 Ɛɛkaɣ kandɩyʋʋ kañatʋ tɩnaa weziŋ yɔɔ,+Ɛlɛ eɖeziɣ mba pɛwɛ kʋñɔŋ taa yɔ pɔ-tɔm.+
7 Ɛɛlɩzɩɣ ɛ-ɛsa siɣsiɣ tɩnaa yɔɔ;+Ɛsɩɣ pa nɛ awiya kewiyitu kpelisi yɔɔ,*+ nɛ ɛkpazɩɣ-wɛ tam.
8 Ɛlɛ ye paɖɩ-wɛ kpasɩNɛ kʋñɔŋ nimee hɔkɩ-wɛ yɔ,
9 Ɛwɩlɩɣ-wɛ mbʋ palaba yɔ,Kɩwɛɛkɩm mbʋ pa-tɩ kpazʋʋ yeba nɛ pala yɔ.
10 Ekuluu pa-nɩŋgbaaŋ se panɩɩ lɔŋ sɩɣzʋʋ,Nɛ eheyiɣ-wɛ se peyele kɩdɛkɛdɩm labʋ.+
11 Ye pañaŋɩ-ɩ nɛ pɛsɛɣ-ɩ yɔ,Pakaɣ caɣʋ wezuu nɛ piɖeni-wɛ,Nɛ pakaɣ nɩʋ leleŋ pe-wezuu caɣʋ taa.+
12 Ɛlɛ ye patɩña yɔ, pakaɣ-wɛ kʋʋ nɛ laɣɖɛ,*+Pasɩkɩ paawɛɣnɩ sɩmtʋ.
13 Mba paañaŋ Ɛsɔ* pa-laŋa taa yɔ, pakaɣ wɛʋ pana taa.
Paa ɛhɔkɩ-wɛ yɔ, paamakɩ kubusi se pasɩnɩ-wɛ.
14 Pasɩkɩ* evebitu taa,+Templo taa abalaa hayitu laɖaa hɛkʋ taa pacakɩ wezuu.*+
15 Ɛlɛ Ɛsɔ yakɩ* mba pɛwɛ kʋñɔŋ taa yɔ pa-ñʋʋ pa-kʋñɔŋ alɩwaatʋ taa;Ekuluu pa-nɩŋgbaaŋ alɩwaatʋ ndʋ panazɩɣ-wɛ yɔ.
16 Eposuu-ŋ nɛ kʋñɔŋ+Nɛ ewoni-ŋ lone nɖɩ ɖɩwalaa yɔ ɖɩ-taa, ɖenɖe nabʋyʋ ɛɛcɛyɩɣ-ŋ yɔ,+Nɛ ɛsɩɩ tɔɔnasɩ kɩbanzɩ ña-taabɩlɩ yɔɔ se pɩhɛzɩ ña-laŋɩyɛ.+
17 Ðɩnɛ ɛlɛ ñɔ-yɔɔ kaɣ hɛʋ se pahʋ kañatʋ tʋ tɔm,+Alɩwaatʋ ndʋ pahʋʋ tɔm nɛ paamuluu nɔɔyʋ yɔ.
18 Ɛlɛ kpa ña-tɩ nɛ pana etaayele nɛ ŋtɔlɩ kañatʋ lakasɩ taa,*+Nɛ taayele nɛ mulum kʋjɔʋ sɔsɔʋ peɣzi-ŋ.
19 Ɛzɩ kubusi nzɩ ŋmakɩ se pasɩnɩ-ŋ yɔYaa pana sɔsɔna wena ŋñakɩ yɔ akaɣ labʋ se kʋñɔŋ ɛtaatalɩ-ŋ?+
20 Taaɖaŋ se ɖoo eyu lɔŋ,Alɩwaatʋ ndʋ ɛyaa mʋkɩ po-lona taa yɔ.
21 Kpa ña-tɩ nɛ taapɩsɩnɩ kɩwɛɛkɩm labʋ yɔɔ,Taalɩzɩ kɩwɛɛkɩm labʋ, ɛlɛ lɩzɩ se ŋtɔkɩ kʋñɔŋ.+
22 Na! Pakpazɩ Ɛsɔ e-ɖoŋ taa;Wɩlɩyʋ weyi wɛ ɛzɩ ɛnʋ yɔ?
23 Awɩlɩ-ɩ ɛ-nʋmɔʋ?*+
Yaa aheyi-i se: “Mbʋ ŋlaba yɔ pɩfɛyɩ ɖeu”?+
24 Tɔzɩ nɛ ŋsa ɛ-tʋmɩyɛ,+Nɖɩ ɖɩ-yɔɔ ɛyaa te hendu yɔ.+
25 Ɛyaa kpeekpe na-ɖɩ,Ɛyʋ cɔŋnɩ-ɖɩ poliŋ taa.
26 Ɛɛɛ, Ɛsɔ paɣlaa nɛ pɩkɩlɩ mbʋ ɖɩpɩzɩɣ nɛ ɖɩtɩlɩ yɔ;+Ɛ-pɩnzɩ ɖɔ ɖɔʋ mbʋ yɔ, ɖɩɩpɩzɩɣ nɛ ɖɩnɩɩ* pɩ-taa.+
27 Ɛhɔŋ lɩm tokasɩ nɛ ɛkpazɩɣ;+Hulumiye pɩsɩɣ tɛʋ;
28 Pʋwayɩ lɛ mɩndʋ yeki nɛ kɩnɩɣ;+Tiyeki nɛ tɛʋ sɔsɔʋ tiki ɛyaa yɔɔ.
29 Ɛzɩ nɔɔyʋ pɩzɩɣ nɛ ɛnɩɩ ɛzɩma mɩndʋ mɩzɩɣ yɔ pɩ-taa,Ɛzɩma tɛʋ nazɩɣnɩ e-kizinziku* tɛɛ yɔ pɩ-taa?+
30 Na ɛzɩma eposuu ɛ-tɛʋ ñɩlɩsʋʋ*+ e-kizinziku yɔɔNɛ ehuuzuu teŋgu cukaŋ* yɔɔ yɔ.
31 Ɛtɩŋɩɣnɩ pɩtɩŋa mbʋ yɔ pɩ-yɔɔ nɛ ɛɖɔkʋʋ ɛyaa weziŋ;*Ɛhaɣ-wɛ tɔɔnaɣ sakɩyɛ.+
32 Ehuuzuu tɛʋ ñɩlɩsʋʋ yɔɔ nɛ e-nesi,Nɛ eɖiyiɣ-pʋ se piwolo ɖenɖe ɛsɔɔlaa yɔ.+
33 Ɛ-tɛʋ nazʋʋ susuu ɛ-yɔɔ tɔm,Kpɩna maɣmaɣ yeki nɛ patɩlɩɣ weyi* eɖiɣni kɔm yɔ.
Pɩ-tɛɛ tɔm
^ Ɛsɔ pɔtɔŋ.
^ Yaa «Ɛ-laŋɩyɛ ɖoŋ.»
^ Pɩpɩzɩɣ pɩkɛ, «Ɛsɩɣ awiya.»
^ Yaa «you wonuu (you wonuu ŋgʋ pɔtɔʋ yɔ).»
^ Yaa «Tisuu yebiyaa.»
^ Yaa «Pa-kalɩzasɩ sɩkɩ.»
^ Pɩpɩzɩɣ pɩkɛ, «hɛkʋ taa pe-wezuu tɛŋ.»
^ Piye piye, «Ɛlɛ ɛyakɩ.»
^ Yaa «nɛ ŋkpalɩ nimtu kpalʋʋ.»
^ Pɩpɩzɩɣ pɩkɛ, «Akaɖɩnɩ ɛ-nʋmɔʋ; Apɔzɩ-ɩ akɔnta ɛ-nʋmɔʋ yɔɔ?»
^ Yaa «ɖɩtazɩ.»
^ Piye piye, «e-cokiye.»
^ Piye piye, «ɛ-ñalɩmɩyɛ.»
^ Piye piye, «lila.»
^ Pɩpɩzɩɣ pɩkɛ, «nɛ ɛlʋkɩ ɛyaa yɔɔ.»
^ Pɩpɩzɩɣ pɩkɛ, «mbʋ.»
