Yɔɔb 37:1-24
37 «Lɛɛlɛɛyɔ, ma-laŋɩyɛ maɣ, Ma-laŋɩyɛ lɩɣ siŋŋ.
2 Iwelisi camɩyɛ ɛ-nɔɔ wɛ ɖoŋ wɛʋ mbʋ yɔ.
Iwelisi ɛ-nɔɔ ŋga ketiliɣ ɛzɩ tɛʋ nazʋʋ yɔ.
3 Ɛlakɩ nɛ panɩɣ pɩ-taŋ tɛtʋ kpeekpe yɔɔNɛ etiyiɣni tɛʋ ñɩlɩsʋʋ+ tɛtʋ kamasɩ yɔɔ.
4 Pʋwayɩ lɛ panɩɣ pitiliɣ;Ɛ-nɔɔ tiliɣ ɖoŋ siŋŋ,+Ɛɛkpaɣ-pʋ alɩwaatʋ ndʋ panɩɣ ɛ-nɔɔ taŋ yɔ.
5 Ɛsɔ nɔɔ tiliɣ tiluu+ mbʋ yɔ pɩwɛ piti kpem;Ɛlakɩ tʋma sɔsɔna wena ɖɩɩpɩzɩɣ nɛ ɖɩnɩɩ a-taa yɔ.+
6 Mbʋ pʋyɔɔ yɔ eheyiɣ ɖɔmbɛɛ se: “Ɩtɔlɩ tɛtʋ yɔɔ,”+Nɛ eheyiɣ tɛʋ sɔsɔʋ se: “Nɩɩ ɖoŋ.”+
7 Ɛsɔ sɩnzɩɣ ɛyaa tʋma tɩŋa*Se ɛyaa tɩŋa ɩpɩzɩ nɛ patɩlɩ ɛ-tʋmɩyɛ.
8 Tɛtɛgbɩna woki nɛ asʋʋ a-pɔŋ taaNɛ acakɩ a-ɖɩmɛlɩyɛ taa.
9 Helim sɔsɔm lɩɣnɩ pi-kuduyuu tɛɛ nɛ pɩmakɩ,+Nɛ hayo kiŋ helim kɔŋnɩnɩ nikaɣ.+
10 Ɛsɔ mɔɔŋ tɛɛ helim lakɩna nɛ lɩm pɩsɩɣ ɖɔmbɛɛ,+Nɛ mbʋ lakɩna ɖɔɖɔ nɛ lɩm sɔsɔm kiɣ.+
11 Ɛɛɛ, ɛsʋkɩ mɩndʋ nikaɣ;Ɛmɩzɩɣ tɛʋ ñɩlɩsʋʋ+ mɩndʋ taa;
12 Tɩcɔʋ ɖenɖe eɖiyiɣ-tʋ nɛ ewokina yɔ;Tɩlakɩ mbʋ payɩ ɛɖʋʋ-tʋ paɣtʋ tɛtʋ kpeekpe yɔɔ se tɩla yɔ.+
13 Eyeki nɛ tɩlakɩ mbʋ, paa pɩtɩɩkɛ nɩŋgbaŋʋʋ hɔm* yɔɔ,+Yaa se pɩwazɩ tɛtʋ yaa sɔɔlɩm siɣsiɣ ñɩmbʋ yɔɔ yɔ.+
14 Yɔɔb, welisi tɔm tʋnɛ;Sɩŋ nɛ ŋmaɣzɩ camɩyɛ Ɛsɔ piti tʋma yɔɔ.+
15 Ŋsɩm ɛzɩma Ɛsɔ ɖiyiɣ* mɩndʋNɛ ɛzɩma ɛlakɩ nɛ tɛʋ ñɩlɩsɩɣnɩ mɩndʋ taa yɔ?
16 Ŋsɩm ɛzɩma mɩndʋ lakɩ nɛ tisusuu helim taa yɔ?+
Weyi ɛ-sɩmtʋ talɩ pilim yɔ, e-piti tʋma pɩkɛnaa.+
17 Ɛbɛ yɔɔ ño-tokonaa saɣ miŋAlɩwaatʋ ndʋ hadɛ kiŋ helim+ yeki nɛ tɛtʋ yɔɔ wɛɣ ɖiɣ ɖiɣ yɔ?
18 Ŋpɩzɩɣ nɛ ña nɛ ɩ iposi ɛsɔdaa+Nɛ kɩwɛɛ ɖoŋ ɛzɩ ñɩɣtʋ ñɩnʋʋ yɔ?
19 Heyi-ɖʋ tɔm ndʋ pɩwɛɛ se ɖiheyi-i yɔ;Ðɩɩpɩzɩɣ nɛ ɖicosi, mbʋ pʋyɔɔ yɔ ɖɩwɛ cɩkpɛndʋʋ taa.
20 Ɛzɩ pɩwɛɛ se peheyi-i se mancaɣ yɔɔdʋʋ na?
Yaa nɔɔyʋ yɔɔdɩ natʋyʋ nɛ pɩwɛɛ se peheyi-i tʋ?+
21 Halɩ paapɩzɩɣ nɛ pana ñalɩmɩyɛ,*Ŋgʋ ɖɩñɩlɩsɩɣ ɛsɔdaa,Nɛ pɩkɔɔ pɩtalɩ alɩwaatʋ ndʋ helim nabʋyʋ makɩ nɛ pɩmʋʋzɩ mɩndʋ yɔ.
22 Samtʋ ndʋ tɩñɩlɩsɩɣ ɛzɩ sika yɔ tɩlɩɣnɩ hayo kiŋ;Ɛsɔ paɣlɩka+ caɣ sɔɔndʋ siŋŋ.
23 Ðɩɩpɩzɩɣ nɛ ɖɩnɩɩ Ðoŋ Tɩŋa Tʋ tɔm taa;+E-ɖoŋ paɣlaa,+Eemuluu tɔm hʋʋ taa kpa+ nɛ eeyeki e-siɣsiɣ wɛtʋ ndʋ tɩtɔyɩ yem yɔ kpa.+
24 Pʋyɔɔ lɛ, pɩwɛɛ se ɛyaa ise-i sɔɔndʋ.+
Mbʋ pʋyɔɔ yɔ mba pamaɣzɩɣ se pɛkɛ lɔŋsɩnɖaa yɔ,* ɛɛlakɩ pa-taa nɔɔyʋ lootiye.»+
Pɩ-tɛɛ tɔm
^ Piye piye, «ɖʋʋ kɩtaaɖʋʋ ɛyaa tɩŋa nesi yɔɔ.»
^ Yaa «pɩtɩɩkɛ ɖaʋ.»
^ Yaa «ɖʋʋ paɣtʋ.»
^ Pʋ-tɔbʋʋ se wɩsɩ ñalɩmɩyɛ.
^ Piye piye, «mba pɛwɛnɩ laŋɩyɛ nɖɩ ɖɩwɛ lɔŋ yɔ.»
