Yɔɔb 38:1-41
38 Nɛ Yehowa cosi Yɔɔb nɛ helim sɔsɔm taa+ se:
2 «Awɛɛ nɛ ehuuzuu mɔ-lɔŋ tasʋʋ yɔɔNɛ ɛyɔɔdʋʋ nɛ ɛfɛyɩnɩ sɩmtʋ?+
3 Mentendi-ŋ, ñɔɔzɩ ña-tɩ ɛzɩ abalʋ yɔ;Mankaɣ-ŋ tɔm pɔzʋʋ nɛ ŋcosi-m.
4 Alɩwaatʋ ndʋ mansɩ tɛtʋ tigiɖe yɔ le ŋŋwɛɛ?+
Heyi-m, ye ŋmaɣzɩɣ se ŋsɩma yɔ.
5 Ye ŋsɩma yɔ, aɖʋ tɩ-paɣlɩka?
Yaa amaɣzɩ-tʋ nɛ nimaɣ ŋga pamaɣzɩɣna yɔ?
6 Ɛbɛ taa pasɩ ti-tigila,Yaa asɩ tɩ-kɔna taa pɩyɛ,+
7 Alɩwaatʋ ndʋ tanaŋ tɛɛ tɩɩnzɩ+ kpɛndaɣ nɛ sikouni taa leleŋ,Nɛ Ɛsɔ pɩyalaa*+ tɩŋa makɩ taa leleŋ kubusi yɔ?
8 Aɖɩɣ teŋgu yɔɔ nɔnɔɔ+Alɩwaatʋ ndʋ kɩyɔkaa nɛ kɩlɩɩnɩ lotu taa yɔ,
9 Alɩwaatʋ ndʋ monsu-kʋ mɩndʋ ɛzɩ toko yɔNɛ mɔhɔkɩ-kʋ cɩkpɛndʋʋ sɔsɔʋ taa yɔ,
10 Alɩwaatʋ ndʋ manɖʋ-kʋ kamaɣNɛ manɖʋ kɩ-ɖaŋ nɛ kɩ-nɔnɔsɩ,+
11 Nɛ mɔyɔɔdɩ se: “Cɩnɛ ŋpɩzɩɣ ŋkɔɔ nɛ ŋsɩɩna, taaɖɛɛ pɩ-yɔɔ;Cɩnɛ ña-lɩm hola wena akpazɩɣ a-tɩ yɔ akaɣ sɩnʋʋ”+ yɔ?
12 Wiɖiyi* ŋtɛm paɣtʋ ɖʋʋ tanaŋYaa ŋwɩlɩ tɛbɩyɛ ɖi-lone,+
13 Se ɖɩɖɔkɩ tɛtʋ kamasɩNɛ ɖikpizi kañatʋ tɩnaa tɩ-yɔɔ?+
14 Tɩlɛɣzɩɣ ɛzɩ cʋʋ kɩtaaɖʋʋ tɛɛ yɔ,Nɛ pɩnaɣ tɩ-wɛtʋ ndɩ ndɩ kaɣlaa ɛzɩ toko ñɩndʋ yɔ.
15 Ɛlɛ pamʋ kañatʋ tɩnaa ñalɩmɩyɛ pɔ-cɔlɔ,Nɛ pe-nesi nzɩ pakpazaa yɔ pɛpɛlɩ-sɩ.
16 Ŋtibi ɖenɖe teŋgu lɩɣna yɔ?
Yaa ŋtiba nɛ ŋna lɩm cukaŋ ñɩmbʋ tɛɛ?+
17 Pawɩlɩ-ŋ sɩm nɔnɔsɩ+ na?
Yaa ŋna cɩkpɛndʋʋ sɔsɔʋ*+ nɔnɔsɩ?
18 Ŋnɩ ɛzɩma tɛtʋ walɩ kpem yɔ pɩ-taa?+
Heyi-m, ye ŋsɩm pɩtɩŋa mbʋ yɔ yɔ.
19 Le kiŋ ñalɩmɩyɛ wɛna?+
Nɛ le cɩkpɛndʋʋ lone wɛɛ,
20 Se ŋpɩzɩ nɛ ŋwoni-kʋ ki-lone taa,Se ŋpɩzɩ nɛ ŋtɩlɩ kɩ-ɖɩɣa nʋmɔʋ?
21 Ŋsɩm-tʋ mbʋ pʋyɔɔ yɔ paatɛmɩ-ŋ lʋlʋʋNɛ ña-pɩnzɩ* ɖɔ sakɩyɛ na?
22 Ŋtɛm sʋʋ ɖɔmbɛɛ ɖɩzɩyɛ taa,+Yaa ŋtɛm naʋ ɖɔmbɛɛ ɖɩzɩyɛ nɖɩ,+
23 Wena mɔñɔɔzaa nɛ mansɩɩ se malabɩnɩ tʋmɩyɛ kʋñɔŋ alɩwaatʋ taa,Se malabɩnɩ tʋmɩyɛ you kɩyakʋ wiye yɔ?+
24 Nʋmɔʋ ŋgʋ ñalɩmɩyɛ* tɩŋɩɣ nɛ ɖɩyɛlɩɣ,Nɛ le wɩsɩ ɖɩlɩyɛ taa helim lɩɣna nɛ pɩmakɩ tɛtʋ yɔɔ?+
25 Ahɛ lɩm mbʋ pɩwadɩɣ yɔ lɔɔʋNɛ ɛɖʋ nʋmɔʋ tɛʋ sɔsɔʋ ŋgʋ kɩnɩɣnɩ helim nɛ kɩnazɩɣ yɔ kɩ-mɩndʋ,+
26 Se ɛla nɛ kɩnɩɩ ɖenɖe ɛyʋ nɔɔyʋ fɛyɩ yɔ,Lakʋ taa ɖenɖe ɛyaa fɛyɩ yɔ,+
27 Nɛ ɛla nɛ kañɩmbusiŋ haɣ lɩmNɛ ñɩtʋ ñɔ?+
28 Ɛzɩ tɛʋ wɛnɩ caa?+
Yaa alʋlɩ ɖoluu?+
29 A-lotu taa ɖɔmbɛɛ lɩnaa,Nɛ alʋlɩ ɛsɔdaa ɖɔmbɛɛ+
30 Alɩwaatʋ ndʋ pihuuzi lɩm yɔɔ ɛzɩ kaaʋ huuzini pɩ-yɔɔ yɔ,Nɛ alɩwaatʋ ndʋ lɩm cukaŋ ñɩmbʋ yɔɔ kiwa yɔ?+
31 Ɛzɩ ŋpɩzɩɣ nɛ ŋhɔkɩ Kima tɩɩnzɩ tindimiye* tɛ nimeeYaa ŋhɛɖɩ Kesil tɩɩnzɩ tindimiye* tɛ nimee na?+
32 Ŋpɩzɩɣ nɛ ŋlɩnɩ tɩɩnzɩ tindimiye* naɖɩyɛ ɖɩ-alɩwaatʋ yɔɔ?
Yaa ŋpɩzɩɣ nɛ ŋɖiyi Asɩ tɩɩnzɩ tindimiye* nɛ ɖɩ-pɩyalaa?
33 Ŋsɩm paɣtʋ ndʋ tiɖiyiɣ ɛsɔdaa yɔ?+
Yaa ŋpɩzɩɣ ŋla nɛ tɩwɛɛnɩ* ɖoŋ tɛtʋ yɔɔ?
34 Ɛzɩ ŋpɩzɩɣ nɛ ŋɖʋ paɣtʋ mɩndʋSe tiyele nɛ lɩm wadɩ ñɔ-yɔɔ?+
35 Ŋpɩzɩɣ nɛ ŋtiyi tɛʋ ñɩlɩsʋʋ na?
Pɩkaɣ kɔm nɛ piheyi-ŋ se: “Ma yɔ!”?
36 Aɖʋ lɔŋsɩnɖɛ mɩndʋ* taa?+
Yaa aha mbʋ mbʋ pɩlakɩ ɛsɔdaa yɔ* lɛɣtʋ?+
37 Awɛnɩ lɔŋsɩnɖɛ se ɛkalɩ mɩndʋ ñʋʋ,Yaa apɩzɩɣ nɛ etuzi ɛsɔdaa lɩm ŋgbaŋ nɛ ɩ-taa lɩm huti+
38 Alɩwaatʋ ndʋ puuyuu pɩsɩɣ ahɔya nɛ akpeŋNɛ tambaɣ ñɔʋnɩ ɖama yɔ?
39 Ŋpɩzɩɣ nɛ ŋkpa nabʋyʋ nɛ ŋcɛlɩ mʋʋzʋʋ nɛ kɩtɔɔYaa ŋpɩzɩɣ ŋla nɛ mʋʋzɩŋ piya tɔɔ nɛ sɩhaɣ+
40 Alɩwaatʋ ndʋ ɩpabɩ ɩ-ɖɩmɛlɩyɛ taaYaa ɩpabɩ ɩ-pɔŋ taa se ɩkpa nabʋyʋ yɔ?
41 Alakɩ tɔɔnaɣ kaŋgaɖɩyɛ+Alɩwaatʋ ndʋ ɖi-piya wiɣ se Ɛsɔ ɛsɩnɩ-sɩNɛ siyotuu mbʋ pʋyɔɔ yɔ nabʋyʋ fɛyɩ se sɩtɔɔ yɔ?
Pɩ-tɛɛ tɔm
^ Ebree kʋnʋŋ taa lɛ, ye pɔtɔm se «Ɛsɔ pɩyalaa» yɔ, Ɛsɔ tiyiyaa tɔm pɔyɔɔdʋʋ.
^ Piye piye, «Ña-kɩyakɩŋ taa.»
^ Yaa «ŋna sɩm kuzotuu.»
^ Piye piye, «ña-kɩyakɩŋ.»
^ Pɩpɩzɩɣ pɩkɛ, «tɛʋ ñɩlɩsʋʋ.»
^ Pɩkɛɣnɩ tɩɩnzɩ tindimiye nɖɩ payaɣ se Kalɩmuuduwe yɔ.
^ Pɩkɛɣnɩ Nɔdɔmzuwe tɩɩnzɩ tindimiye.
^ Piye piye, «Mazarɔɔtɩ.» Tɔm piye nɖɩ ɖɩ-ɖɔndɩ palabɩnɩ tʋmɩyɛ 2Aw 23:5 taa nɛ pɔyɔɔdɩ Zoodiyakɩ tɩɩnzɩ tindima tɔm.
^ Pɩkɛɣnɩ Kpemtɔɔyaɣ Sɔsɔɔ tɩɩnzɩ tindimiye.
^ Pɩpɩzɩɣ pɩkɛ, «Ɛsɔ wɛɛnɩ.»
^ Pɩpɩzɩɣ pɩkɛ, «ɛyʋ.»
^ Pɩpɩzɩɣ pɩkɛ, «aha maɣzɩm.»