Yɔɔb 40:1-24
40 Yehowa tasɩ Yɔɔb cosuu se:
2 «Ɛzɩ pɩwɛɛ se weyi ɛhɔŋ tɔm yɔ ɛlʋbɩnɩ Ðoŋ Tɩŋa Tʋ na?+
Weyi ɛsɔɔlaa se ɛkalɩ Ɛsɔ yɔ ecosi.»+
3 Yɔɔb cosi Yehowa se:
4 «Na! Mantɩlɩɩ pʋyʋ.+
Suwe manpɩzɩɣ nɛ moncosi-ŋ?
Mohuuzi me-nesi mɔ-nɔɔ yɔɔ.+
5 Mɔyɔɔdɩ tam kʋɖʋm, ɛlɛ maakaɣ tasʋʋ cosuu;Tam nabʋlɛ, ɛlɛ maakaɣ tasʋʋ yɔɔdʋʋ.»
6 Ðɩnɛ ɛlɛ, Yehowa cosi Yɔɔb nɛ helim sɔsɔm taa+ se:
7 «Mentendi-ŋ, ñɔɔzɩ ña-tɩ ɛzɩ abalʋ yɔ;Mankaɣ-ŋ tɔm pɔzʋʋ nɛ ŋcosi-m.+
8 Ŋcaɣ ŋyɔɔdɩ se mɛnfɛyɩ siɣsiɣ?
Ŋkaɣ mɔn-tɔm kʋʋ se pɩsa nɛ ñɔ-tɔm ɖe?+
9 Ñe-nesi wɛ ɖoŋ ɛzɩ Ɛsɔ toovenim tʋ ñɩnzɩ yɔ?+
Yaa ñɔ-nɔɔ pɩzɩɣ nɛ ketili ɛzɩ ɛ-ñɩŋga yɔ?+
10 Mentendi-ŋ, canɩ ña-tɩ nɛ samtʋ nɛ sɔsɔtʋ;Suu ñamtʋ nɛ keɖeɣa.
11 Huti ña-pana tɩŋa;Cɔnɩ mba pakpazɩɣ pa-tɩ yɔ pa-tɩŋa nɛ ŋluzi-wɛ hadɛ.
12 Cɔnɩ mba pakpazɩɣ pa-tɩ yɔ pa-tɩŋa nɛ ŋluzi-wɛ,Nɛ ŋfɛyɩ kañatʋ tɩnaa ɖenɖe pasɩŋaa yɔ.
13 Mɛsɩ pa-tɩŋa puuyuu taa;Hɔkɩ-wɛ* lone nɖɩ ɖɩmɛlaa yɔ ɖɩ-taa,
14 Ðɩnɛ ɛlɛ ma-maɣmaɣ mankaɣ tisuu ñɔ-tɔm yɔɔ*Se ña-nɩwaŋ nesi pɩzɩɣ nɛ sɩya ña-ñʋʋ.
15 Na Behemɔɔtɩ,* weyi mama-ɩ ɛzɩ mamaʋ ña ɖɔɖɔ yɔ.
Ɛtɔkɩ ñɩtʋ ɛzɩ nɔ abalɩñɩnʋ yɔ.
16 Na ɛ-tɩnaɣ wɛ ɖoŋ wɛʋ mbʋ yɔNɛ e-lotu hola wɛ ɖoŋ wɛʋ mbʋ yɔ!
17 Ɛlakɩ nɛ e-suu wɛɣ canjanaa ɛzɩ sɛɛdrɩ tɩʋ yɔ;E-yoo taa hola lɛɣtɩ ɖama taa.
18 Ɛ-mɔɔ kɛ ñɩɣtʋ kɩsɛɛmtʋ ndʋ tɩ-taa nɛ pɔŋ yɔ;Ɛ-nɩŋgbanzɩ wɛ ɛzɩ ñɩɣtʋ ndʋ poluba yɔ.
19 Ɛsɔ tʋma taa lɛ, ɛnʋ calɩɣnɩ kɔm;*Ɛ-Mayʋ ɖeke pɩzɩɣna nɛ ɛñɔtɩnɩ-ɩ nɛ ɛ-laɣɖɛ.
20 Mbʋ pʋyɔɔ yɔ pʋŋ lʋlʋʋ-ɩ tɔɔnaɣ,Ðenɖe tɛtɛgbɩna tɩŋa leɣyiɣ yɔ.
21 Ɛhɩnɩɣ tɩŋ weyi payaɣ se lotuusi yɔ ɩ-tɛɛ,Lɩm fɛɛʋ taa kañɩŋgbayɩsɩ kuzotuu taa.
22 Tɩŋ weyi payaɣ se lotuusi yɔ ihuuzuu i-kuzotuu ɛ-yɔɔ,Nɛ fɛɛʋ* taa pepliyee tɩŋ cɔ-ɩ nɛ ɩta.
23 Ye pɔɔ taa lɩm ɛwɛ ɖoŋ yɔ, sɔɔndʋ ɛɛkpaɣ-ɩ.
Paa Yɔɔrdaŋ taa lɩm+ ɛkɔŋ nɛ piyouni ɛ-nɔɔ yɔ,ɛ-paa fɛyɩ.
24 Nɔɔyʋ pɩzɩɣ nɛ ɛkpa-ɩ alɩwaatʋ ndʋ eɖiɣnicɔnʋʋ yɔ?
Yaa nɔɔyʋ pɩzɩɣ nɛ ɛtʋlɩ ɛ-mɔɔʋ nɛ ñɩmɩyɛ nɖɩ pokoti ɖɩ-nɔɔ yɔ?*
Pɩ-tɛɛ tɔm
^ Piye piye, «Hɔkɩ pɛ-ɛsɩndaa.»
^ Yaa «mankaɣ-ŋ sam.»
^ Pɩkɛɣnɩ tuduwa.
^ Piye piye, «ɛnʋ lɛ ɖɩbazɩyɛ.»
^ Yaa «lemeɣa.»
^ Piye piye, «nɛ kaamʋʋ.»
